Goðasteinn - 01.06.1976, Qupperneq 87

16. ágúst 1930 á krónur 4,000,00. Þessu veði er þinglýst 22.
október 1930.
Þá segir ennfremur í afsali Þorsteins frá 10. apríl 1935.
,,Ég Þorsteinn Björnsson kaupm. Hellu í Rangárvallahreppi,
Rangárvallasýslu. Gjöri kunnugt: að ég sel og afsala eignarrétti
mínum á húsum og lóð, er ég á á Hellu í Rangárvaílahreppi með
girðingum og 3 viktum til Kaupfélagsins Þórs fyrir umsamið kaup-
verð sem er kr. 8.200,00 - átta þúsund og tvö hundruð krónur.
Undanskilið sölu þessari er eldavél, kolaofn, þurrkhjallur og
skúr sem notaður hefur verið fyrir sauðfé."
Og síðar í afsalinu er rætt um húsin.
„Seljandi áskilur sér rétt til að nota nyrðra húsið til sinna þarfa
eftir því sem hann þarf með til næstu fardaga.“
Vitundarvottar við þessa sölu voru: Guðmundur Max Guð-
mundsson á Rangá og Bruno Weber á Hellu.
En voru þá ekki fieiri hús á Hellu en þetta? kann einhver að
spyrja. Látum Þorstein sjálfan tala aftur í minningum sínum.
,,Ég reisti pakkhús og sláturhús, og þannig gekk mér flest í
haginn uns krcppan skall yfir. Þá snéri hamingjuhjólið aftur niður.“
Ég sem þetta rita, fæddist ekki á Hellu fyrr en 6. júní 1930.
Mun ég fæddur í verslunarhúsinu, sem nú er brunnið fyrir löngu.
Man ég þó ekki eftir mér fyrr en við vorum flutt í nyrðra húsið,
en þá var Bruno Weber orðinn aðstoðarmaður hjá pabba og bjó í
verslunarhúsinu ásamt Birni bróður mínum, en þar var einnig
skrifstofan. Man ég eftir þessum 4 húsum auk fjárhússins, sem var
að mig minnir samtengt sláturhúsinu. En hvernig stóð á því að
þessi þýski maður, Bruno Weber, var kominn austur að Hellu?
Lítum enn í minningarnar.
,,Ég kunni ekkert til bókhalds og leitaði uppi mann til slíkra
starfa. Þennan fann ég á fyrsta mánuði verslunarinnar. Það var
Þjóðverji, vel lærður maður og ágætur bókhaldari, Bruno Weber
að nafni. Hann var nýkominn til Reykjavíkur frá Bcriín og tók
vel í að koma með mér austur. „Reykjavík er ömurlegur staður,“
sagði hann, „hún er hvorki fugl né fiskur. Þá vil ég heldur vera
í sveit sem er sveit.“ Þar með flutti þessi heimsmenntaði Berlínar-
búi austur í Rangárþing.“ Þess má geta að Bruno starfaði þarna
Goðasteinn
85