Úrval - 01.05.1977, Blaðsíða 95

ÞETTA ER SKOTLAND YARD
93
í botni töskunnar er blár svampur
með hólfum, sem í eru þau áhöld,
sem hann þarf á að halda í starfi sínu
— frá flísatöngum og tannlækna-
töngum upp í handjárn. Þau virðast
kannski lýsa dálítilli bjartsýni, en það
er vel við hæfi, því farandliðið hefur
hingað til upplýst 19 morð af
hverjum 20, sem það hefur fengið til
með/etðar — og fær þó venjulega
aðeins erfiðustu málin.
Hann lítur líka eftir innihaldinu í
stærri tösku: Gúmmíhanskar og
grisjugrímur, plastpokar til að varð-
veita sönnunargögn, gúmmírúllu,
plötu og svertu til þess að taka
fíngraför, gúmmílök til að leggja yfir
líkið, vasaljós, vasabækur. Við þessar
tvær töskur bætist svo hin þriðja,
með fötum til skiptanna og þess
háttar, sem farandliðið á alltaf til
taks. Síðan bíður hann bara eftir
þeim fulltrúa, sem á að stjórna
rannsókninni. Fáum mínútum
seinna eru þeir á leið til flugvallarins
með nauðsynlegar ferðaávísanir.
Þegar þeir lenda í Vestur-Indíum,
hefur þeim verið opnaður reikningur
í banka þar á staðnum.
Yfirmaður farandliðsins, Roy
Habershon, hefur stöðugt tíu úrvals-
menn til þess að rannsaka morð og
dularfull dauðsföll hvar sem er í
heiminum. Beiðnir um hjálp koma
aðallega frá sambandsríkjum Bret-
lands, en iðulega biðja fleiri þjóðir
Scotland Yard ásjár og borga fúslega
fyrir.
Þegar þetta er skrifað eru tveir
menn úr farandliðinu á ákveðnum
stað á Kyrrahafi, þar sem þeir
rannsaka kringumstæður í sambandi
við víg, sem unnið var um borð í
bresku skipi. John Cass, lögreglu-
fulltrúi, sem stjórnar varðstofu rann-
sóknarlögreglunnar, skipulagði ferð
þeirra þangað og verður nú að sjá til
þess, að þeir komi með fanga sinn
þar að landi, sem lögreglan hindrar
þá ekki í að flytja manninn til
yfirheyrslu í Englandi.
Kl. 10.48. Nú kemur skeyti á
blöndu af frönsku og ensku frá
Interpol (alþjóðalögreglunni) í
Wiesbaden. Það fjallar um ungt,
þýskt par, nánar til tekið sautján ára
unglinga, sem hafa stungið af að
heiman til að láta gefa sig saman hjá
smiðnum í Gretna Green í Skotlandi.
Lögregluþjónn í loftskeytaklefa Int-
erpol skrifar skeytið, sem sent var
með morsi, beint upp á ritvél, og
fáum mínútum síðar hringir hjálpar-
kona í unglingadeildinni til lög-
reglustöðvarinnar í Gretna Green.
Hún og varðstjórinn þar eru gamlir
kunningjar, því það er enn til mikið
af rómantísku, ungu fólki, sem
heldur að það geti látið vígja sig
saman formálalaust í gömlu smiðj-
unni við landamæri Englands og
Skotlands. En þessi siður, sem hófst
1754, var af lagður árið 1940. Nú fer
lögregluþjónn á helstu dvalarstaði
ungra strokupara og áður en langt
um líður fær Interpol í Wiesbaden
tilkynningu um að parið sé á leið
heim til Þýskalands aftur.