Upp í vindinn - 01.05.2007, Qupperneq 44

... Upp í vindinn
Framkvæmdir við tónlistarhús
og ráðstefnumiðstöð við
Austurhöfn í Reykjavík
Inngangur
Þann 9. mars 2006 var undirritaður
samningur milli Eignarhaldsfélagsins
Portus ehf og Austurhafnar um
hönnun, byggingu og rekstur tón-
listar- og ráðstefnuhúss við Austur-
bugt að undangenginni samkeppni
um hönnun þess, deiliskipulag
svæðisins frá Austurbugt að
Lækjartorgi og rekstraráætlun fyrir
húsið til 35 ára. Þar með má segja
að lokið hafi áratuga baráttu
íslenskra tónlistarunnenda fyrir
sómasamlegri aðstöðu til tónleika-
halds.
Portus hópurinn, sem settur var
saman til að taka þátt í samkeppninni
samanstóð af ÍAV, Landsafli og Nýsi.
Hópurinn réði til sín dönsku arki-
tektastofuna Henning Larsen Tegne-
stue A/S sem hannar húsið í sam-
vinnu við íslensku arkitektastofuna
Batteríið ehf. Jafnframt var ráðin til
verksins danska verkfræðistofan
Ramboll Danmark A/S sem hannar
burðarvirki og tæknikerfi í samvinnu
við VGK Hönnun. Auk þessara meg-
inráðgjafa komu að samkeppninni
listamaðurinn Ólafur Elíasson sem
listrænn hönnuður glerkápunnar
sem umlykur húsið og Vladimir
Ashkenazy sem listrænn ráðgjafi
Portus varðandi dagskrá hússins
fyrstu árin. Auk þessara ráðgjafa
hafði Austurhöfn þegar ráðið til
verksins bandarískan hljóðtækniráð-
gjafa, Artec, sem hefur komið að
byggingu margra helstu tónlistarhúsa sem reist hafa verið
í heiminum síðustu áratugi. Auk þess að bera ábyrgð á
hljóðtæknilegri hönnun hússins, ber Artec ábyrgð á
hönnun sviðsbúnaðar og sviðslýsingar.
Um leið og ákvörðun lá fyrir um
að tillaga Portus hópsins yrði fyrir
valinu skipti hópurinn með sér verk-
um. Nýsir og Landsafl (Landsbanki
íslands) stofnuðu Eignarhaldsfélagið
Portus ehf sem mun eiga húsið og
sjá um rekstur þess til 35 ára. Sam-
hliða undirritun samnings milli Eign-
arhaldsfélagsins Portus og Austur-
hafnar var undirritaður samningur
milli Portus og ÍAV, en með honum
tók ÍAV að sér hönnun og byggingu
hússins í alverktöku. Jafnframt var
gerður rammasamningur milli Port-
us og ÍAV um að ÍAV tæki að sér
aðra uppbyggingu á deiliskipulags-
svæðinu svo sem byggingu 1600
bíla bílgeymslu, hótels , verslana og
skrifstofubygginga sem ekki verður
frekar fjallað um hér.
Hönnun TR
Hönnun tónlistar- og ráðstefnuhúss
er gífurlega flókið verkefni sem
segja má að nánast öll svið verk-
fræðinnar komi við sögu. Arkitektar
hússins höfðu á samkeppnisstiginu
skýra hugmynd um með hvaða
hætti þessi umgerð um íslenskt tón-
listarlíf yrði sem glæsilegust. Arki-
tektúr hússins hefur skýra skírskotun
í íslenska náttúru og viðfangsefni
hönnunarhópsins hefur snúist um
að tryggja að upphaflegar hug-
myndir nái fram að ganga í
endanlegri útfærslu verksins auk
þess að mynda sem besta umgjörð,
bæði arkitektóniskt og tæknilega, um gífurlega
metnaðarfullar viðburða- og rekstraráætlanir Portus.
Innan veggja tónlistar- og ráðstefnuhússins eru fjórir
stórir salir auk minni æfinga- og ráðstefnurýma og
aðstöðu fyrir Sinfóníuhljómsveit íslands sem eiga mun
heimili í húsinu. Aðal tónleikasalurinn tekur um 1800
manns í sæti og í honum er komið fyrir sviði þar sem
hægt verður að setja upp tónleikauppfærslur af óperum
og söngleikjum. Auk stóra tónlistarsalarins eru í húsinu
æfingasalur S( sem einnig er gert ráð fyrir að verði notaður
til tónleikahalds og tekur um 480 manns í sæti, 750
manna tvískiptur ráðstefnusalur og lítill fjölnotasalur sem
tekur um 200 manns í sæti. Auk salanna er gert ráð fyrir
Sigurður Ragnarsson
Framkvæmdastjóri
Austurhafnarverkefnis ÍAV
M.Sc í byggingarverkfræði
frá DTH 1991

; ^t| Kf
Gunnlaugur Kristjánsson
Framkvæmdastjóri Þróunarsviðs lAV
Byggingartæknifræðingur B.Sc
frá T( 1981
44