Upp í vindinn - 01.05.2014, Qupperneq 81

UTSKRIFTARFERÐ 2013
verður lágmörkuð og vatnið þar að auki endurnýtt. Rafknúnir
bílar sem keyra eftir fyrirfram ákveðnum leiðum munu sjá um
að ferja fólk á milli staða, og er notkun einkabíls óheimil innan
borgarinnar. Við ferðalangarnir fengum að ferðast stuttlega
í slíkri bifreið. Aðeins þurfti að ýta á einn hnapp og þá keyrði
billinn, bílstjóralaus, á áfangastað. Markmiðið með Masdar
City er að borgin mengi ekki með losun koltvísýrings og að
hún láti ekki frá sér neinn úrgang. Borgir í dag valda meira
en 70% koltvísýringslosunar heimsins og stuðla þannig að
gróðurhúsaáhrifum, svo þær rannsóknir sem fram fara í Masdar
eru mikilvægt skref í þá átt að draga úr koltvísýringslosun á
heimsvísu.
Eftir heimsóknina í Masdar var ferðalöngunum sleppt lausum
í miðbæ Abu Dhabi og strákarnir voru ekki lengi að finna sér
markað sem seldi ódýran arabaklæðnað. Búrkur reyndust svo
dýrar að stúlkurnar létu þær alfarið eiga sig, enda ekki hrifnar
eftir fyrri reynslu í moskunni. Strákarnir máluðu þó bæinn
rauðan í arabaklæðunum og urðu íslensku folarnir góð viðbót
við fésbókarsíðu margra heimamanna, sem stoppuðu þá ítrekað
til að fá myndir af þeim saman.
Daginn eftir sóttum við verkfræðistofuna Target Engineering
heim og fengum kynningu á þeirra starfsemi. Stofan var
stofnuð árið 1975 og er meðal leiðandi verkfræðistofa í
furstadæmunum. Target Engineering skiptist í fjórar megindeildir
sem sérhæfa sig í byggingarverkfræði, haf- og strandverkfræði,
rafmagnsverkfræði og vélaverkfræði. Starfsmenn eru um
12.600, en þar af eru um 2.500 í stjórnunar- og verkfræðistörfum.
Áður en Target kvaddi okkur fengum við boð frá yfirmanni
I byggingarverkfræðideildarinnar í einkasamkvæmi og grillveislu
á einkaeyjunni þeirra. Ekki þurfti að verja miklum tíma í að
sannfæra íslendingana um að samþykkja boðið, enda bauðst
hann til að ferja okkur á milli á einkasnekkjunni hans.
Nú var kominn tími til að leggja land undir fót á ný, og ferðast
til Dubai, með stuttu stoppi í vatnsrennibrautagarðinum Yas
Waterworld, þar sem fólk ýmist fékk adrenalínþörf sinni fullnægt
eða nýtti tímann til að hlaða batteríin. í Dubai er allt morandi
í háhýsum, sem hver keppast við að vera flottari og einstakari
en hin. Hið flottasta er þó án efa Burj Khalifa, hæsta bygging í
heimi. Inngangurinn að byggingunni er í gegn um Dubai Mall,
sem að sjálfsögðu er stærsta verslunarmiðstöð heims og státar
einnig af stærsta fiskabúri heims. Turninn er 828 metrar á hæð
og hefur alls 163 hæðir, en útsýnispallurinn sem almenningi og
íslenskum stúdentum er hleypt á er á 124. hæð. Ekki þarf að
taka fram að útsýnið var stórbrotið.
Seinasta vísindaferð þessarar námsferðar var heitið í Siemens
LLC. Fyrirtækið er starfrækt um allan heim en höfuðstöðvar
þess eru í Þýskalandi. Siemens hefur starfað í furstadæmunum
í yfir 40 ár og hefur haft mikil áhrif á stoðkerfi landsins, t.d. í
sambandi við vatn og rafmagn. Siemens leggur áherslu á að
leita að verkfræðilegum lausnum á vandamálum framtíðarinnar,
en þar má til dæmis nefna loftslagsbreytingar, fólksfjölgun og
risaborgir. Fyrirtækið er einn stærsti birgi heims fyrir hugbúnað í
heilsugeiranum og má þar nefna að þeir eru með þeim fremstu í
heiminum í gerð heyrnartækja og röntgenbúnaðar. Já, Siemens
er svo mikið meira en bara kæliskápar og þvottavélar!
Eftir vikulanga og mjög viðburðaríka dvöl í Sameinuðu
Arabísku furstadæmunum, þar sem meðal annars var farið í
eyðimerkursafarí, sest í betri stofuna í einu af dýrustu hótelum
heims, Pálminn í Dubai skoðaður, rölt um gullmarkaðinn og svo
margt margt fleira, var kominn tími til að kveðja eyðimörkina
og stefnan sett á framandi slóðir. Námsferðinni var lokið, og
útskriftarferðin tekin við. Ferðinni var fyrst heitið til höfuðborgar
Malasíu, Kuala Lumpur, en því næst tók við langt ferðalag um
Tæland. Ævintýrin vantaði ekki í þessum seinni hluta ferðarinnar,
en þau voru hins vegar af allt öðrum toga en þau sem við þegar
höfðum upplifað í eyðimörkinni. Allt frá afslappandi hvíld á
flekakofum í paradísarþjóðgarðinum Khao Soktil víðtækrar flóru
nuddstofa, dömudrengja og eftirlíkingamarkaða í Phuket og Full
Moon Party í Krabi til troðinna gatna í spillingarbælinu Bangkok,
upplifunin var ógleymanleg. Samt sem áður var áherslan meira
á afslöppun og skemmtun frekar en verkfræði, svo óþarfi er að
hafa fleiri orð um það í faglegu verkfræðiriti eins og ...Upp í
vindinn.
Þessi ferð gaf okkur útskriftarnemunum einstakt tækifæri til að
komast í tæri við verkefni sem eru öliu stærri og fjölbreyttari en
þau sem við áður höfðum þekkt, auk þess sem við fengum að
kynnast menningarheimum sem eru gríðarlega frábrugðnir okkar
eigin. Eftir ferðina sneru því allir sáttir heim á leið og reynslunni
ríkari eftir ógleymanlega náms- og útskriftarferð.
...upp í vindinn I 81