Mímir - 01.04.1973, Side 41

Hér hefst nýr þáttur í Mími. Honum er ætlað það hlutverk að vera nokkurs konar bóka-
kynning, stutt frásögn af nýútkomnum verkum, en þátturinn mun á engan hátt ganga
inn á svið þess liðar, sem fyrir hefur verið í blaðinu og er enn, þ. e. Um bcekur. Þar
munu áfram birtast ritdómar og lengri greinar um einstök verk.
Þessi þáttur hefur ekkert afmarkað efnissvið, en í þetta sinn verður getið bóka, sem eiga
það sameiginlegt, að höfundar þeirra og útgáfustofnanir eru starfandi á menntasetrinu
Árnagarði.
THE FIRST GRAMMATICAL TREATISE
Rannsóknastofnun í norrænum málvísindum
hefur nýlega sent frá sér bókina Tloe First
Grammatical Treatise eftir Hrein Benediktsson,
prófessor. Bók þessi, sem er á ensku, er fyrsta
bindi í ritröð, sem nefnist University of Iceland
Publications in Linguistics (UIPL).
Eins og nafn bókarinnar ber með sér, er hér
um að ræða nýtt rit um Fyrstu málfrceðiritgerð-
ina, og er hún hér skoðuð frá mörgum sjónar-
hornum. Fjallað er um handrit, aldur og höf-
und ritgerðarinnar, og auk þess er athuguð
stafsetning höfundar og leturgerð handrita, svo
og staða ritgerðarinnar á meðal forníslenzkra
bókmennta. Þá eru í bókinni Ijósmyndir af
handriti ritgerðarinnar, stafrétmr texti hennar
og ensk þýðing ásamt athugasemdum. Síðast
eru bókaskrár, orðaskrár og nafnaskrá.
Bók þessi er 280 blaðsíður, prentuð á gulleit-
an pappír. Prentun og bókband er unnið í
Danmörku, og bókin er fáanleg heft eða í
brúnu leðurlíkisbandi. Yandað hefur verið til
útlits bókarinnar og band virðist sterklegt.
UM FÓSTBRÆÐRASÖGU
Stofnun Arna Magnússonar á Islandi (áður
Handritastofnun Islands) sendi nýlega frá sér
bókina Um Fóstbneðrasögu eftir dr. Jónas
Kristjánsson, prófessor. Bókin er doktorsrit höf-
undar.
í stórum dráttum er efni bókarinnar: Yfirlit
um handrit, varðveitt og glötuð, flokkun þeirra
og gildi; varðveÍ2la vísna, aldur þeirra og höf-
undar; rittengsl Fóstbræðrasögu við aðrar sögur
og rit, og úttekt á stíl hennar. Þá er kafli um
aldur sögunnar, höfund og heimkynni, samtekt
(summary) á ensku, heimildaskrá, nafnaskrá og
handritaskrá.
Bókin Um Fóstbræðrasögu er allmikil að
vöxtum, alls 345 blaðsíður, og prentun og bók-
band unnið hjá Prenthúsi Hafsteins Guðmunds-
sonar. Bókin er fáanleg heft eða bundin. Band-
ið er smekklegt, en afar viðkvæmt, sérstaklega
klæðning kápuspjalda.
Um Fóstbræðrasögu er fyrsta bindi í ritröð,
sem nefnist einfaldlega RIT, og mun áfram
gefin út af Stofnun Arna Magnússonar. Dreif-
ingu annast Bókaútgáfa Menningarsjóðs.
41