Nýir pennar - 15.04.1947, Síða 46

Hann var mikill aðdáandi henn-
ar og tdk að skrifast á við hana.
Hún varð hrifin af bréfunum,
og bað hann að hitta sig á
skemimtistaðnum Acapulco.
Þegar þangað kom lágu fyrir
henni boð um að hitta hann á
baðströndinni daginn eftir — en
hún var áminnt um að koma
ein. Hún kom þó með nokkrum
kunningjum sínum, en fann
Traven ekki. Það hefur síðar
komið í ljós, að han var að baða
sig í vatninu, en gaf sig ekki
fram, af því að stúlkan var ekki
ein.
Kvikmyndafélag eitt í Holly-
wood sendi tvo menn til Mexi-
kóborgar til að reyna að hafa
upp á Traven og semja við hann
um kvikmyndarétt á sögum
hans. Þeir töluðu við ótal menn
og reyndu að finna hinn dular-
fulla rithöfund, en árangurs-
laust. Þegar þeir komu aftur til
Hollywood, var félagið búið að
fá bréf frá Traven, þar sem hann
sagðist oft hafa talað við sendi-
menn þess, án þess að þeir vissu,
og félaginu ráðlagt að senda
gáfaðri menn, ef það vildi fá
kvikmyndaréttindi hjá honum.
Það er vitað um Traven, að
hann er fæddur í Bandaríkjun-
um og mun vera 45 eða 46 ára
gama'll. Hann gekk í skóla ná-
kvæmlega 26 daga, en var lengi
sjómaður. Síðast strauk hann af
hollenzku skipi í Mexíkó og hef-
ur verið þar síðan.
Útgefandi nokkur í Mexíkó-
borg, sem oft hefur „stolið“ bók-
um Travens til útgáfu, segir svo
frá, að eitt sinn hafi hár og
grannur maður í regnkápu kom-
ið inn á skrifstofu sína, litið
framan í sig og gengið svo þegj-
andi út. Hann er viss um að
þetta hafi verið Traven. Þannig
hafa margar sögur orðið til um
þennan sérkennilega rithöfund.
Ungfrú Esperanza Mateos, sem
þýðir bækur Travens, hefur að
sjálfsögðu verið grunuð um að
vera Traven, en hún neitar því
algerlega og færir ýmsar sönnur
fyrir neitun sinni.
Leyndardómurinn um þennan
sérkennilega rithöfund er enn ó-
leystur. Arlega gera mexikönsku
blöðin ítrekaðar tilraunir til að
koma upp um þennan sérkenni-
lega mann, en það hefur énnþá
ekki tekizt.
44