Bergmál - 01.12.1955, Page 12

Desember
Bergmál -----------------------
„Heimsóttuð þér hana aldrei
í sjúkrahúsið,“ spurði ég.
„Jú, tvisvar sinnum. En hún
vildi ekki taka á móti mér. Hún
lét senda mér boð um það, með
einni hjúkrunarkonunni, að hún
gæfi mér eitt ár.“
Ég gekk með honum beint
yfir torgið og inn í anddyri
hótelsins hinum megin við það.
Ég gekk beint til dyravarðarins
og bað hann að hringja upp á
herbergið til ungu stúlkunnar,
sem hefði komið inn rétt eftir
klukkan hálf ellefu. Hún hefði
verið í svartri silkikápu.“
„Hún býr ekki lengur hér,“
sagði dyravörðurinn. „Hún fer
í kvöld með næturlestinni."
„Er hún þá farin burt af
hótelinu?“
„Nei, hún er ekki farin, en hún
er að búa sig af stað,“ sagði
dvravörðurinn, og horfði yfir
að lyftunni sem var á leið niður.
Andartaki síðar stöðvaðist lyft-
an, lyftudyrnar opnuðust og
hún gekk út úr lyftunni.
Þau veittu því enga athygli
að ég gekk á brott. Ég bretti upp
frakkakragann og hélt beina
leið til skrifstofunnar við dag-
blaðið. Ég settist strax við rit-
vélina mína og fór að skrifa
þetta niður, sem ég hef sagt
ykkur frá. Gamli setjarinn okk-
ar var á leið heim og sá þá að
ljós var hjá mér, og stakk höfð-
inu inn um dyragættina til að
vita hvort eitthvað sérstakt
hefði komið fyrir. „Já,“ sagði ég.
„Ég hef séð nokkuð í kvöld, sem
allir tala um en aðeins sárafáir
hafa séð á undan mér.“
„Það hefur verið vofa,“ sagði
hann, eins og honum hefði
dottið í hug sama tilvitnunin og
mér fyrr um kvöldið.
„Nei, nei, það var ástin,“ svar-
aði ég.
Það hnussaði hátt og háðslega
í honum, um leið og hann þreif
út úr sér vindlinginn.
„Vitleysa," sagði hann. „Þá
trúi ég meira á vofur.“
„Það gerði ég líka,“ svaraði
ég. „Þangað til í kvöld.“
Endir.
N
„Hvers vegna liggur svona illa á
þér?“
„Hugsaðu þér annað eins, ég vann
málið fyrir undirrétti og andstæðingur
minn var dæmdur til að greiða þús. kr.
í skaðabætur. Fyrir yfirréttinum vann
ég líka og skaðabætur andstæðings
míns voru tvöfaldaðar, en nú fyrir
hæstarétti tapa ég málinu."
„Ég get nú ekki séð neina ástæðu
fyrir þig að láta liggja svona illa á
þér út af þessu. Þar sem þú hefur
unnið málið tvisvar, finnst mér að þú
getir vel unnt andstæðingi þínum að
vinna einu sinni.“
10