Goðasteinn - 01.09.2005, Síða 156

Látnir 2004
Goðasteinn 2005
annars hjá eiginkonum skipstjóranna sem höfðu skipshafnir og landverkafólk
manna sinna í fæði og húsnæði.
A einni vertíðinni hitti hún Sigurbjart Guðjónsson frá Þykkvabæ og fluttist
með honum í Þykkvabæ 1936. Þau gengu inn í búskap fósturforeldra hans í Há-
varðarkoti, Sesselju Guðmundsdóttur frá Búð og Tyrfings Björnssonar frá Bryggj-
um í Landeyjum. Fjölskylda Sigurbjarts tók Halldóru fagnandi og sambýli
Halldóru og Sesselju var afar gott. Halldóra tók við matseld en annars önnuðust
þær húshaldið saman og gengu báðar til allra starfa innan húss og utan.
Heimilislífið í Hávarðarkoti var glaðlegt og margt fólk kom þangað til að hitta
Tyrfing vegna starfa hans sem oddvita og seinna Sigurbjart sem tók við af honum
og var líka organisti kirkjunnar. Halldóra stóð því alla tíð fyrir miklu heimilishaldi
og gestamóttöku og fórst það frábærlega með dugnaði sínum og þýðri og fágaðri
framkomu. Hún lagði sjaldnast fram skoðanir sínar í umfangsmiklum umræðum
sem fóru fram í eldhúsinu hennar en þegar á reyndi kom í ljós að þær voru fyrir
hendi. Hún sá dýpt og vídd margra mála og þegar henni leist svo lagði hún
skoðanir sínar fram af fágun og velvild. Tvær systur hennar komu til að vinna hjá
henni, Sigríður og Klara. Báðar giftust mönnum úr Þykkvabæ, Sigríður giftst
Yngva Markússyni frá Dísukoti og þau bjuggu í Odds Parti og Klara átti Hákon
Hafliðason frá Búð og þau bjuggu í Háteigi. Þessar samvistir og samgangur við
nágranna glöddu Halldóru ævinlega.
Halldóra og Sigurbjartur giftust 18. mars 1944. Þau eignuðust fjögur börn.
Gíslína fæddist 1937 og er gift Hafsteini Einarssyni. Guðjón fæddist 1940 og dó
af slysförum 1953 sem varð foreldrum hans mikil sorg sem vonlegt var. Hjördís
fæddist 1943. Maður hennar er Páll Guðbrandsson. Guðjón Ólafur fæddist 1955,
kona hans er Guðrún Barbara Tryggvadóttir. Bamabörn Halldóru og Sigurbjarts
voru 9 og þeirra börn 24 og þau áttu eitt barnabarnabarnabarn. Halldóra og
Sigurbjartur bjuggu með Hjördísi og Páli og Gíslína og Hafsteinn bjuggu í næsta
húsi. Arið 1991 fluttu þau að nokkru til Reykjavrkur og bjuggu með Guðjóni og
Guðrúnu og fluttu alflutt 1997. Sigurbjartur varð bráðkvaddur að heimili þeirra
árið 2003. Halldóra var þá orðin næstum blind og fluttist aftur í Hávarðarkot. Hún
fór á Sjúkrahús Suðurlands á Selfossi 17. nóvember 2004 og þaðan að Lundi hinn
21. desember. Hún dó þar rúmri viku síðar, 28. desember. Hún var jarðsungin frá
Þykkvabæjarkirkju og lögð til hvíldar þar í kirkjugarðinum 8. janúar 2005.
Sr. Auður Eir Vilhjálmsdóttir
-154-