Goðasteinn - 01.09.2022, Qupperneq 146

144
Goðasteinn 2022
sjónvarpsstöðina N4 um að sveitarfélagið taki þátt í gerð sjónvarpsþáttanna Að
sunnan. Ásthildur Ómarsdóttir, stjórnandi þáttanna, var á ferð um Rangárþing
eystra ásamt myndatökumanni sínum og hægt er að sjá innslögin úr sveitar-
félaginu á heimasíðu N4. Einnig voru íbúar teknir tali í þáttunum Mín leið og
farið um Hvolsvöll í þættinum Húsin í bænum.
skipulagsmál og framkvæmdir
Rangárþing eystra er sannarlega
sveitarfélag í sókn og það má
glögglega sjá á því hversu góð
aðsókn er í þær lausu lóðir sem
auglýstar eru. Hægt er að sjá þær
lóðir sem lausar eru og sækja um
þær á korta- og teikningavef sveit-
arfélagsins. Gröfuþjónustan á
Hvolsvelli var eina fyrirtækið sem
skilaði inn tilboði í gatnagerð fyrir
áfanga 2 í Hallgerðartúni. Gatna-
gerðin gekk vel enda vanir menn á
ferð hjá Gröfuþjónustunni. Lóðir í
2. áfanga Hallgerðartúns voru laus-
ar til umsóknar um mitt ár og var
áhugi á þeim mikill og fjöldi sem
sótti um hverja lóð. Í maí fluttu svo
fyrstu íbúarnir við Hallgerðartún
inn en það voru hjónin Bianca
Gruener og Jón Bertel Jónsson
ásamt Marsibil Silju, dóttur sinni.
Byggingar eru á hinum ýmsu stigum við götuna og ekki langt að bíða þar til
næstu íbúar flytja inn.
Í byrjun nóvember samþykkti Vegagerðin að bæta umferðaröryggi á Hlíð-
arvegi en mikil þörf var á að ná niður umferðarhraða um þann veg þar sem
gangandi vegfarendur eiga gjarnan leið yfir veginn, sem og íbúar sem sækja
vinnu við Ormsvöll. Umferð skólabarna hefur einnig aukist mjög yfir Hlíð-
arveg þar sem bæði er starfrækt rafíþróttadeild og félagsmiðstöð í húsnæði við
Ormsvöll. Settar voru upp tvær hraðahindranir á Hlíðarveg sem hafa þegar
orðið til þess að umferðin hefur hægst. Í nóvember 2021 var samið við verk-
taka um snjómokstur á tengi- og héraðsvegum sem og heimreiðum í sveitar-
Jón Bertel Jónsson tekur við plöntu og
viðurkenningu úr höndum Lilju Einarsdóttur,
sveitarstjóra.