Goðasteinn - 01.09.2022, Side 174

172
Goðasteinn 2022
Guðmundur var víðförull um landið þvert og endilangt, þekkti ár og dali,
hálsa, jökla og aðrar hindranir sem oft tefja för ferðalanga. Hann var hins vegar
ekki jafn víðförull um erlendar grundir enda lítt áhugasamur um utanlands-
ferðir. Þó bar það til síðsumars árið 2001 að hann fékkst til að fara í bændaferð
til Þýskalands, Austurríkis og Ítalíu.
Um 1990 landaði Guðmundur þeim góða samningi við Runólf Runólfsson
bónda í Fljótsdal að fá afnot af landskika nálægt Þórólfsárgljúfri. Þann skika
girti Guðmundur af, settu þau hjón þar niður fjölþættustu tegundir trjáa og
blóma ásamt hjólhýsi og sólpalli. Þessi spilda var þeirra sælureitur þar sem
þau áttu sínar unaðsstundir saman og með fjölskyldunni meðan heilsa beggja
leyfði. Nú, 30 árum síðar, má sjá margra metra há tré og annan fagran gróður.
Sr. Önundur S. Björnsson
Guðni Þór Guðmundsson
f. 1.4. 1954 – d. 9.12. 2021
Guðni Þór Guðmundsson fæddist í Reykjavík 1. apríl
1954. Foreldrar hans voru Guðmundur Guðni Þorgeirs-
son og Guðrún Þorsteinsdóttir. Guðni átti eina eldri
systur samfeðra, Sveinfríði Sigrúnu Guðmundsdóttur.
Alsystkini hans eru Þorsteinn, Guðmundur Hólmgeir
og María Guðmundsbörn. Guðni ólst upp í Þormóðsdal í Mosfellssveit og gekk
í Brúarholtsskóla. Hann var ungur farinn að taka til hendi, 13 ára gamall sló
hann túnin á Ferguson-traktor sem hann hafði mikið dálæti á. Bílaáhuginn
vaknaði því snemma, sem og áhugi á bústörfum. 16 ára gamall hóf hann störf á
kúabúinu að Korpúlfsstöðum og 17 ára var hann farinn að vinna hjá Ó. Joh n son
og Kaaber sem bílstjóri en bróðurpart starfsævinnar sat hann við stýrið og hafði
af því ómælda ánægju. Hann var leigubílstjóri, útréttaði fyrir Marel, ók rútu
og flutningabíl. Honum leið best með stýrið í höndunum og þá leiddist honum
ekki að eiga samskipti við fólk og eignaðist hann vináttu margra við aksturinn.
Almennt hafði hann mikinn áhuga á bílum en gamlir bílar, dráttarvélar og tæki
heilluðu hann umfram annað.