Goðasteinn - 01.09.2022, Side 179

177
Goðasteinn 2022
hún augun í auglýsingu í blaði sem hún og vinkonur hennar voru að fletta en þá
var hún að vinna í saltfiski og þar var óskað eftir ráðskonu í sveit. Halla var nú
ekki vön sveitastörfum en hún sótti um og fékk starfið og pakkaði Evu sinni og
sér saman og tók rútuna austur að Hellu þar sem Páll Ísleifsson í Langekru tók
á móti henni í lopapeysu með lopahúfu á höfðinu á stígvélum og á Land Rover.
,,Hann kom a.m.k. ekki á traktornum“ sagði hún þegar hún var að rifja þetta
upp þegar Palli hennar dó. Þau voru ekki að hangsa, unga fólkið, og drifu í hlut-
unum, sonur þeirra Ísleifur fæddist vorið eftir í maí og þau gengu í hjónaband
á afmælisdegi Höllu, hinn 30. september 1979, rétt rúmu ári eftir að hún kom í
sveitina, og barnbörnin eru 3.
Halla var ekki vön sveitastörfum þegar hún fluttist að Ekru en hún lét það
ekki stoppa sig og hún tók af fullum krafti þátt í öllum verkum á bænum og
hlífði sér hvergi. Þegar að sauðburði kom var gott að eiga Höllu að því hún hafði
einstakt lag á að aðstoða þær kindur sem áttu í erfiðleikum og var jafnvel náð
í hana af öðrum bæjum til að hjálpa við burð ef illa gekk. Hún vann líka utan
heimilis, m.a. í Reykjagarði og á Lundi.
Halla hafði gaman af því að bregða sér af bæ og taka þátt í félagslífinu í sveit-
inni. Þau hjónin áttu saman marga góða spretti á Þorrablótunum á árum áður
og í mörg ár voru þau velunnarar harmonikkufélagsins og fylgdu þau félaginu í
ótal ferðir um landið og jafnvel erlendis og höfðu gaman af. Og svo brugðu þau
sér í heimsóknir til Ísleifs og hans fjölskyldu þegar hann bjó í Danmörku.
Það stoppaði ekki Höllu þó Palli vildi sitja heima þegar hana langaði að
dansa, þá skrapp hún bara með systur sinni og vinkonum til að taka snúning
á Harmonikkuböllunum og svo tók hún línudansinn alla leið með kúrekahatt-
inn og allt sem til þurfti. Hún kenndi krökkunum sínum á skíði og skauta og
þau brunuðu niður brekkurnar í kringum Ekru og renndu sér á skautum þegar
því var komið við og hún gaf þeim ekkert eftir. Hér árum áður keppti hún líka
í hlaupi og langstökki með Ungmennafélaginu og vann oftar en ekki til verð-
launa. Hún var myndarhúsmóðir og átti alltaf eitthvað gott með kaffinu þegar
fólk kom og sósurnar hennar með steikinni voru jafnvel borðaðar eintómar með
skeið, svo ljúffengar voru þær. Hún starfaði í mörg ár í kvenfélaginu og er henni
þakkað fyrir öll hennar störf í félaginu.
Halla og Palli brugði búi vorið 2015, bæði aðframkomin að heilsu og kröft-
um, og fluttu inn á Hellu. Palli lést í nóvember árið 2015 og bjó Halla á Hellu
til dauðadags.
Sr. Elína Hrund Kristjánsdóttir