Goðasteinn - 01.09.2022, Blaðsíða 184

182
Goðasteinn 2022
lega við tilhugsunina um að kannski yrðum við að flytja frá Miðtúni, þannig
að ég hleypti í mig kjarki og spurði mömmu hvað þau ætluðu að gera, hvort við
yrðum að flytja. Hún svaraði mjög ákveðið „Við byggjum nýtt hús“.
Nokkrum mánuðum seinna var fjölskyldan flutt inn í nýja húsið. Hjálpsemi
og stuðningur íbúa í Rangárvallasýslu, ættingja, vina og starfsmanna SG-ein-
ingahúsa á Selfossi við fjölskylduna var ótrúleg og að hennar sögn þá verður
hún aldrei fullþökkuð. Þau munu aldrei gleyma.
Gréta var ætíð fallega klædd og vel til höfð. Hún hafði yndi af að fara til
Reykjavíkur og sitja á kaffihúsum, spássera um bæinn og fara í búðir eða ein-
faldlega sitja í strætó og virða fyrir sér mannlífið. Fallegt handverk gladdi hana
og var hún mikil og vandvirk hannyrðakona, saumaði og prjónaði fötin á börn-
in sín. Samhliða rekstri heimilis, bústörfum og uppeldi barnanna keyrði hún
um tíma skólabílinn. Seinni árin rifjaði hún upp þann tíma með stolti.
Hún starfaði með kvenfélaginu Einingu um árabil og var hún gerð að heið-
ursfélaga. Ekki má gleyma að nefna Morgunblaðið, sem hún keypti í áskrift um
árabil af trúmennsku við Sjálfstæðisflokkinn en að lesa í gegnum Moggann var
ein af þeim gæðastundum sem hún gaf sjálfri sér.
Um miðjan aldur drógu þau hjónin saman búskapinn, Gréta fór að vinna á
prjónastofu á Hvolsvelli og þau hjónin fóru að ferðast. Lengsta ferðalag Mar-
grétar var til Ástralíu þá er hún var á 84. aldursári er hún heimsótti dótturdótt-
ur sína og hennar fjölskyldu. Árið 2001 lést Óskar og ári síðar flutti Gréta á
Kirkjuhvol. Þar naut hún þess að vera í góðum félagsskap og þeirrar þjónustu
sem í boði er og verður starfsfólki aldrei nógsamlega þökkuð sú umhyggja og
virðing sem Margréti var sýnd. Ingigerður Margrét Guðjónsdóttir lést 26. sept-
ember 2021. Guð blessi minningarnar bjartar og fagrar.
Sr. Sigríður Kristín Helgadóttir