Goðasteinn - 01.09.2022, Qupperneq 207

205
Goðasteinn 2022
sannarlega ekki hræddur við að vera hann sjálfur. Hver manneskja er einstök
og annarri ólík, og ef Guð hefði viljað að þú værir einhvern veginn öðruvísi
þá hefði Guð skapað þig þannig, því við erum öll sköpuð af Guði með ákveðna
kosti og eiginleika.
Patrekur Jóhann er nú er horfinn af þessari jörð en hann lifir áfram í huga
okkar og hjörtum sem þekktum hann og elskuðum.
Sr. Elína Hrund Kristjánsdóttir
Ragnheiður Þorvaldsdóttir
f. 28.7. 1957 – d. 7.2. 2021
Ragnheiður Þorvaldsdóttir var sumarbarn, afar falleg
stúlka sem fæddist í Reykjavík. Foreldrar hennar voru
þau Guðríður Bjarnheiður Ársælsdóttir og Þorvaldur
Jónsson. Ragnheiður var langyngst af hálfsystkinum
sínum samfeðra sem öll eru látin. Hún ólst upp á Skúms-
stöðum, þaðan sem víðsýnt er til allra átta og þar lærði hún til verka við hin
hefðbundu sveitastörf. Hún var náttúrubarn í eðli sínu með hjartað á réttum
stað og studdi vel við bakið á sínu fólki. Hún elskaði sveitina og dýrin, fór í
fjöruferðir á Landeyjasandi og leitaði styrks og krafts í náttúrunni, sólinni,
sjónum og sandinum. Þegar fram liðu stundir tók hún sér „fæðingarorlof“ til
að vera við sauðburðinn í sveitinni sinni. Orkan var óþrjótandi og þegar flest-
allir voru búnir á því í sauðburðinum þá stóð hún áfram vaktina og blés ekki
úr nös.
Sjálf komst hún svo að orði að hún væri flökkukind í eðli sínu, hún var æv-
intýragjörn og elskaði að ferðast um landið sitt en erlendis fór hún sjaldan.
Ragnheiður var falleg manneskja og afar myndarleg kona, hún var hávaxin
og tignarleg og nærvera hennar var sterk. Leiðir hennar og Ófeigs lágu saman
þá er hún var komin á þrítugsaldurinn, þá þegar orðin mamma hennar Ólafíu
Bjarnheiðar. Unga parið fluttist til borgarinnar til að mennta sig og valdi hún