Goðasteinn - 01.09.2022, Síða 219

217
Goðasteinn 2022
Þegar hann varð þreyttur á smíðunum fór hann á sjóinn, en hann sigldi bæði
á millilandaskipum, togurum og fór á síldveiðar í Norðursjónum. Hann hafði
alltaf haft áhuga á ferðalögum og með millilandasiglingunum rættist sá áhugi.
Hann kom einnig að smíðavinnu í Færeyjum og reyndi fyrir sér um tíma sem
sjálfstæður smiður en það gekk ekki sem skyldi, ekki það að hann fengi ekki
nóg að gera heldur gekk illa að innheimta fyrir verkin. Einnig vann hann við
smíðar á Keflavíkurflugvelli og starfaði við virkjanir á hálendinu um tíma, svo
hann kom víða við á starfsævinni..
Hann eignaðist góða vinkonu fyrir allmörgum árum, hana Halldóru Gunn-
arsdóttur sem ættuð er frá Bíldudal, og hefur hún reynst honum betri en eng-
in. Þau ferðuðust mikið saman og einnig eyddu þau löngum stundum saman í
sumarhúsinu hans í Ketlubyggð, sem hann reisti fyrir um það bil 20 árum með
góðri aðstoð m.a. Alberts bróður síns, sem sinnti honum sem hinum systkinum
sínum af einstakri nærgætni. Við sumarhúsið ræktaði hann upp og gróðursetti
m.a. fjölda trjáa og hinar ýmsu blómategundir. Eflaust hefur hann fengið þann
áhuga með móðurmjólkinni en mamma hann hafði yndi af alls kyns garðrækt.
Hann undi sér vel í sveitinni sinni við ræktun á landinu sínu, lestri góðra bóka,
en hann var mikill lestarhestur, og svo hafði hann unun af jazz-tónlist.
Hann hafði átt við vanheilsu að stríða undanfarin ár og hafði búið um tíma í
Ási í Hvergerði en var kominn á Kirkjuhvol á Hvolsvelli þegar kallið kom.
Sr. Elína Hrund Kristjánsdóttir