Goðasteinn - 01.09.2022, Síða 222

220
Goðasteinn 2022
Skúli Lýðsson
f. 7.8. 1947 – d. 19.10. 2021
Útför frá Keldnakirkju 6. 11. 2021
Skúli fæddist á Keldum hinn 7. ágúst árið 1947. Foreldr-
ar hans voru þau Jónína Þórunn Jónsdóttir ljósmóðir og
Lýður Skúlason bóndi á Keldum. Eldri systur hans tvær
eru Svanborg og Jóna Þórunn.
Hann var ekki hár í loftinu hann Skúli þegar hann fór að taka til hendinni
á bænum og hann var fljótur að ganga til allra verka sem fullorðinn maður þó
barn væri. Þar hafa eflaust spilað inn í veikindi föður hans en einnig skapgerð
Skúla og brennandi áhugi hans á búskapnum og bænum sínum. Alla sína ævi
var Skúli vakinn og sofinn yfir jörðinni sinni og bústofninum sem hann var svo
stoltur af og hann var ekki mikið fyrir að bregða sér af bæ eða slóra heima við.
Hann var sívinnandi og frídagar voru varla til í hans dagbók, nema kannski
hafi bara allir dagar verið frídagar í hans huga, því hann var að fást við það sem
honum var kærast alla daga. Það eru ekki allir svo heppnir að fá að lifa og starfa
við það sem stendur hjartanu næst.
Uppbygging hér á Keldum hefur verið með ólíkindum, svartir sandar hafa
breyst í grösugar lendur og víðfeðmur og fallegur skógur risið í Sandgili.
En Skúli hefur ekki staðið einn í lífinu og að uppgræðslunni, því árið 1968
kom að Keldum ung Reykjavíkurmær í kaupavinnu, og rétt eins og í hugljúfri
ástarsögu tókust ástir með kaupakonunni ungu og bóndasyninum og þá varð
ekki aftur snúið. Unga kaupakonan var hún Drífa Hjartardóttir og gengu þau
Skúli í heilagt hjónaband hinn 24. Ágúst árið 1969. Drífa er dóttir hjónanna
Hjartar Hjartarsonar, sem er látinn, og Jensínu Guðmundsdóttur.
Drífa og Skúli eignuðust 3 syni. Elstur er Lýður og hans kona er Una Guð-
jónsdóttir. Næstur í bræðraröðinni er Hjörtur og hans kona er Ragna Sól V.
Steinmuller og yngstur er Skúli og hans kona er Melkorka Mjöll Kristinsdóttir.
Barnabörnin eru 4 og langafa- og langömmubörnin eru 2.
Bændur hér á Keldum hafa löngum háð mikla baráttu við sandfok og land-
eyðingu og ekki hafa Drífa og Skúli látið sitt eftir liggja í uppgræðslunni. Þau
hafa ótrauð ræktað hér upp grænar grundir og skóga og árið 2009 fengu bænd-
urnir á Keldum landgræðsluverðlaunin.
Búskaparhættir hafa breyst allnokkuð frá því að Skúli var lítill drengur og
fór með mjólkina á hestvagni þar til hann keyrði um allt á tölvustýrðri drátt-