Goðasteinn - 01.09.2022, Side 227

225
Goðasteinn 2022
ýtumaður og skortur var á ýtumönnum í gosinu og í einni löndunarbiðinni var
ég fenginn til þess að fara á jarðýtu.
Í sólarhring ýtti ég upp vikurvarnargarði austan Helgafellsbrautar. Í einni
löndunarbiðinni urðum við vitni að því þegar ellefu hús fóru undir hraun á
einum klukkutíma. Þetta voru m.a. verkamannabústaðir austur á Skansi. Þetta
var óhugnanleg sjón, að sjá hraunið tæta húsin í sig, brakið og marrið var eftir
því og gnísti í eyrum. Vestmannaeyjardvöl mín var ekki lengri en þetta. Við
höfum stundum sagt að við legðum hreinlega ekki í það að reyna að flytja aftur
til Eyja því við gætum átt á hættu að Vestmannaeyingar allir flýðu í land þegar
við kæmum. “ Já, það var alltaf stutt í húmorinn hjá Tryggva.
Tryggvi hafði frá unga aldri mikinn áhuga á öllu því sem viðkemur vélum
og tækjum. Hann hóf vörubílaútgerð árið 1973, seinna tók við rekstur vinnuvéla
og verkefni við jarðvinnu. Hann stofnaði verktakafyrirtækið Jón og Tryggvi
ehf. ásamt Jóni Óskarssyni árið 1980 og stóð rekstur þess næstu 26 árin. Fyr-
irtæki þeirra unnu að mörgum stórum verkefnum, m.a. gerð íþróttavalla í Mos-
fellsbæ, að Laugarvatni og í Laugardal í Reykjavík. Oft fengu börnin að fljóta
með, vinnusiðferðið var sterkt og kenndi hann þeim mikilvægi vinnusemi og
vandvirkni. Tryggvi fann til ábyrgðar, tók virkan þátt í félagsmálum og vildi
hafa góð áhrif í sínu nærsamfélagi. Hann var einn af stofnfélögum Kiwanis-
klúbbsins Dímon og var félagi í björgunarsveitinni Dagrenningu á Hvolsvelli.
Hann var liðtækur í starfi Sjálfstæðisflokksins í Suðurlandskjördæmi, tók virk-
an þátt í sveitarstjórnarmálum frá 1986–2006 og gegndi samhliða því ýmsum
trúnaðarstörfum.
Fjölskyldan kallaði hann gjarnan landfræðinginn, hann þekkti landið eins og
lófann á sér. Þá var sagnfræði honum hugleikin og sagði hann sjálfur skemmti-
lega frá og oft á gamansaman hátt. Þau hjónin voru dugleg að ferðast á sumrin
– fóru þá aðallega í helgarferðir því samfleytt frí í nokkrar vikur var ekki inni í
myndinni. Að baki eru margar eftirminnilegar og skemmtilegar hestaferðir og
þá var Þórsmörk í miklum metum. Tryggvi varð sér úti um einkaflugmanns-
réttindi og nutu margir góðs af. Elstu systkinum og vinum þeirra var m.a. flogið
til Vestmannaeyja á Þjóðhátíð og hafði hann þá á orði að erfitt hefði verið að
komast á loft því svo mikið af vökva var með í för.
Frá unga aldri hafði hann einlægan áhuga á ljósmyndun. Í fyrstu var aðalvið-
fangsefnið hundurinn Karó en í dag liggja eftir hann afar dýrmætar heimildir í
veglegu ljósmyndasafni. Margar þessara ljósmynda segja sögur af staðháttum
og framkvæmdum í gegnum tíðina.
Fjölskylda og vinir stóðu hjarta Tryggva næst og rétti hann fús fram hjálp-
arhönd þar sem þörf var á. Hann var einkar veitull og naut sín í góðra vina hópi.