Bókatíðindi - 01.11.2024, Síða 53

IB
Bókverk um æviverk
Bláleiðir
Leiðarvísir um innlönd, auðn og einstigi. Mother's
marginalia. The Mountain Manuscript
Höf: Oddný Eir Ævarsdóttir, Guðrún Kristjánsdóttir
og Snæfríð Þorsteins
Handbók, sýnisbók eða flettirit um innsæi og útsýni;
listræn skýrsla eða leiðarvísir um auðn, innlönd,
umbreytingar, náttúruvernd, bláma og þrá .
449 bls .
Eirormur
SVK
Sýnisbók íslenskrar alþýðumenningar
Bragðarefur
Með molum úr gömlum textum sætum, súrum og
beiskum
Höf: Guðrún Ingólfsdóttir
Bókin er hræringur af textum með ólíka áferð
og bragð á tungu . Hér fara saman fróðleiks- og
skemmtimolar í nokkurs konar bragðaref . Þeir
eru tíndir saman úr margs konar handritum frá
ýmsum tímum . Ætlunin er að veita lesendum
innsýn í fjölbreytt lesefni fólks á fyrri tíð . Textarnir
eru litríkir eins og sönnum ærslabelg sæmir .
196 bls .
Háskólaútgáfan
IB
Búverk og breyttir tímar
Höf: Bjarni Guðmundsson
Búverk og breyttir tímar fjallar um nokkur verk
og verkfæri sem alþekkt voru á síðustu öld en
hafa nú ýmist horfið úr verkahring eða breyst í
helstu atriðum . Þannig er minnt á þungan straum
tímans en líka þróun þekkingar og tækni .
210 bls .
Bókaútgáfan Sæmundur
IB
Börn í Reykjavík
Höf: Guðjón Friðriksson
Einstaklega glæsilegt og áhugavert stórvirki um líf
barna í Reykjavík frá því seint á 19 . öld til okkar
daga, prýtt hátt á sjötta hundrað ljósmynda . Börnin
birtast okkur á hvunndagsfötum og sparibúin, sagt er
frá námi þeirra og skyldum, leikjum, skemmtunum
og félagsstarfi, auk þess sem fjallað er um þróun
í barnaverndar-, uppeldis- og skólamálum .
640 bls .
Forlagið - Mál og menning
KIL
Dagbók frá Gaza
Höf: Atef Abu Saif
Þýð: Bjarni Jónsson
Menningarmálaráðherra palestínskra stjórnvalda
var að synda í sjónum þegar sprengjum tók
að rigna yfir Gaza . Í stað þess að halda heim á
Vesturbakkann ákváðu hann og sonur hans á
unglingsaldri að halda kyrru fyrir, enda óraði
þá ekki fyrir því sem koma skyldi .
344 bls .
Angústúra
SVK
Dauða dómurinn
Bjarni Bjarnason frá Sjöundá (1761–1805)
Höf: Steinunn Kristjánsdóttir
Sjöundármálin eru almenningi vel kunn . Þeim hefur
margsinnis verið lýst frá sjónarhorni yfirvalda en
hér er sakborningnum sjálfum Bjarna Bjarnasyni
gefið orðið . Sagan endurspeglar líf þessa 18 . aldar
almúgamanns sem ólst upp við nýstárlegar hugmyndir
upplýsingarinnar um aga, refsingar og framfarir, einnig
helvítisótta og utanbókarlærdóm á orð Guðs .
Háskólaútgáfan
SVK RAF
Dópamínríkið
Að finna jafnvægi á tímum ofgnóttar
Höf: Anna Lembke
Þýð: Hugrún Hrönn Kristjánsdóttir og Arnþór
Jónsson
Við lifum á tímum ofgnóttar, hvort sem um er að
ræða vímuefni, mat, tölvuleiki, klám, samfélagsmiðla
eða annað . Framboðið er ótakmarkað, örvunin
viðstöðulaus og við getum látið allt eftir okkur . Hér
er útskýrt hvers vegna unaðsleitin, áráttukennd
neysla eða hegðun, leiðir óhjákvæmilega
af sér vanlíðan og hvað sé til ráða .
254 bls .
Forlagið - Vaka-Helgafell
IB
Laxá í Aðaldal
Drottning norðursins
80 ára saga Laxárfélagsins
Höf: Steinar J. Lúðvíksson
Laxá í Aðaldal hefur verið kölluð drottning
norðursins . Hún er rómuð fyrir fegurð og
fisksæld og er ein af perlum íslenskrar náttúru .
Hér rekur Steinar J . Lúðvíksson sögu veiða í
ánni, segir frá frægum veiðimönnum og minna
þekktum, og deilum um nýtingu hennar .
349 bls .
Fagurskinna
IB
Efnisfræði fyrir málmiðnað
Höf: Finn Monrand Rasmussen og Mogens
Rasmussen
Þýð: Rúnar Arason
Bókin veitir á kerfisbundinn hátt innsýn í
uppbyggingu, framleiðslu og úrvinnslu málma og
annarra efna sem notuð eru í málmiðnaði . Þar er
fjallað um hefðbundna og sjáldgæfari málma og
málmblöndur, notkunarsvið þeirra og aðferðir við
steypingu og herslu . Einnig er í bókinni ítarlegur
kafli um plastefni og annar um keramísk efni .
430 bls .
IÐNÚ útgáfa
SVK RAF
Einmana
Tengsl og tilgangur í heimi vaxandi einsemdar
Höf: Aðalbjörg Stefanía Helgadóttir
Fróðlegt rit þar sem einsemdin er skoðuð frá ýmsum
hliðum . Farið er yfir það hver eru einmana, hvenær
og af hverju en jafnframt leitast við að varpa ljósi
á það sem einmanaleikinn getur kennt okkur og
hvernig bregðast megi við honum . Útkoman er
áhugaverð bók um mikilvægi tengsla og þá merkingu
sem finna má í lífinu þrátt fyrir einsemd .
254 bls .
Forlagið - JPV útgáfa
B Ó K A T Í Ð I N D I 2 0 2 4 53GOR Gormabók HSP Harðspjalda bók HLB Hljóðbók IB Innbundin bók KIL Kilja RAF Rafbók G Sveigjanleg kápa
Fræðirit, frásagnir og handbækur