Ársrit Skógræktarfélags Íslands - 15.12.1990, Side 5

HULDA VALTÝSDÓTTIR
Skógræktarstj óraskipti
SIGURÐUR BLÖNDAL
SKÓGRÆKTARSTJÓRI 1977-1989
Um áramótin 1989-90 lét Sigurður Blöndal
skógræktarstjóri af störfum samkvæmt eigin ósk
enda hafði hann þá náð tilskildum aldri til starfs-
loka. Sigurður á langan og viðburðaríkan starfs-
feril að baki í þjónustu Skógræktar ríkisins allt
frá því hann lauk námi við Landbúnaðarháskól-
ann að Asi í Noregi árið 1952, en hann var þriðji
íslendingurinn sem lokið hafði skógræktarnámi á
háskólastigi.
Hann var skipaður skógarvörður á Austur-
landi árið 1955 og gegndi því starfi þar til hann
tók við stöðu skógræktarstjóra árið 1977.
Störf skógræktarstjóra á íslandi eru víðfeðm
og gera miklar kröfur til þess er á heldur. Að vísu
má segja að íslensk nútímaskógrækt hafi slitið
barnsskónum og er svo fyrir að þakka ötulu starfi
frumherja okkar á þessu sviði sem stjórnuðu
skógræktarmálum fyrri hluta aldarinnar. Margt
er þó enn óreynt og verkefnin mörg sem bíða.
Ef rekj a ætti í stórum dráttum gang mála að því
er varðar skógrækt í skógræktarstjóratíð
Sigurðar má greina vissa þróun og breytt áherslu-
atriði frá fyrri tíð en Sigurður gerir stuttlega grein
fyrir nokkrum atriðum er þetta varða í spjalli í
þessu ársriti.
Hér á landi hagar svo til gagnvart skógræktar-
málum að miklu skiptir að sá sem þar fer fremstur
í flokki ræki náin tengsl við aðrar stofnanir, sem
þessum málum tengjast, og ráðamenn þjóðarinn-
ar. Embætti hans verður þar að auki að efla
almennan áhuga fyrir málstaðnum með fræðslu
og kynningarstarfi og vinna markvisst að sam-
starfi við áhugafólk jafnt sem fagmenn utan lands
sem innan.
Peim þáttum hefur Sigurður Blöndal sinnt með
miklum ágætum og tók þar upp þráðinn frá fyrir-
rennara sínum í starfi, Hákoni Bjarnasyni.
Skylt er að minnast á hið góða og nána samstarf
sem hefur verið á milli Skógræktarfélags íslands
og Skógræktar ríkisins á þessu tímabili og á
Sigurður ekki lítinn þátt í því. Hann hefur setið
stjórnarfundi félagsins, gefið góð ráð og fórnað
miklum tíma til þátttöku í störfum félaganna.
ÁRSRIT SKÓGRÆKTARFÉLAGS ÍSLANDS 1990
3