Ársrit Skógræktarfélags Íslands - 15.12.1990, Blaðsíða 6

Hann gegndi um tíma starfi formanns Land-
græðslusjóðs sem er sérsjóður á vegum Skóg-
ræktarfélags íslands og hann hefur setið í rit-
nefnd þessa rits.
Fyrir hönd Skógræktarfélags íslands færi ég
Sigurði bestu þakkir fyrir gott og náið samstarf á
undanförnum árum og vona að því sé ekki lokið
þótt hann hafi nú haft vistaskipti.
JÓN LOFTSSON
SKÓGRÆKTARSTJÓRI 1990-
Jón Loftsson lauk stúdentsprófi frá Mennta-
skólanum í Reykjavík árið 1967 og dvaldist síðan
við verknám í skógrækt á Jótlandi veturinn 1967-
68. Skógræktarnám stundaði hann í Noregi, fyrst
fornám við Landbúnaðarháskólann í Kóngsbergi
1968-70 en síðan við Landbúnaðarháskólann að
Ási 1970-73 og lauk þaðan kandidatsprófi. Fram-
haldsnám á Ási 1973-74.
Vorið 1974 réðst hann til Skógræktar ríkisins
að Hallormsstað og varð aðstoðarskógarvörður
til 1978.
Hann var skipaður skógarvörður á Austur-
landi með búsetu á Hallormsstað 1978 og gegndi
því starfi til ársloka 1989 er hann tók við starfi
skógræktarstjóra.
í skógarvarðartíð sinni á Hallormsstað hefur
Jón látið til sín taka á mörgum sviðum. Hann
hefur m. a. eflt til muna plöntuuppeldi í gróðrar-
stöð Skógræktar ríkisins á staðnum og bætt gróð-
urhúsakostinn og tekið upp nýtískulegar fram-
leiðsluaðferðir, s.s. með fjölpottaplöntum.
Hann hefur jafnframt stutt hugmyndir um
bændaskógrækt dyggilega og unnið að framgangi
þess máls.
Sérgrein Jóns innan skógræktarinnar er viðar-
tækni þar sem fjallað er sérstaklega um eiginleika
og meðferð viðar. Hann hefur síðan 1983 verið
fulltrúi Skógræktar ríkisins í Norræna skóg-
vinnuráðinu (NSR) en það er stærsti vinnuhópur-
inn innan vébanda norrænu samstarfsnefndar-
innar um rannsóknir í skógrækt, leiddi seta hans
þar til þess, að íslendingar urðu þátttakendur í
fyrsta samnorræna rannsóknaverkefninu í
skógrækt.
Skógræktarfélag íslands væntir góðs samstarfs
við nýjan skógræktarstjóra og óskar Jóni Lofts-
syni allra heilla í framtíðinni.
4
ÁRSRIT SKÓGRÆKTARFÉLAGS ÍSLANDS 1990