Skógræktarritið - 15.10.2014, Qupperneq 21

SKÓGRÆKTARRITIÐ 2014 19
athuga hvort hagstætt sé fyrir Ísland og íslenska
jólatrjáaframleiðendur að taka virkan þátt í þessu
evrópska samstarfsverkefni.
Að mati höfundar eru ákveðnir kostir við að taka
þátt í alþjóðlegu samstarfsverkefni. Samstarfið mun
auðvelda aðgang að þekkingu og rannsóknum
tengdum jólatrjáaræktun og auðvelda aðgang sér-
fræðinga og framleiðanda sem hafa glímt við svipuð
ræktunarvandamál eins og hér á landi.
Við getum notað evrópska gæðakerfið sem fyrir-
mynd til að þróa okkar gæðakerfi á Íslandi og flokka
jólatré sem eru ætluð fyrir sölu. Síðast en ekki síst
getum við lært af þeirra auglýsinga- og söluaðferðum,
tekið þátt í þeirra markaðskönnun og kannski lært
eitthvað af þeirra reynslu og mistökum.
Árgjöldin fyrir þátttakendur í samtökunum eru
frekar há fyrir land eins og Ísland með mjög litla og
dreifða framleiðslu. Hins vegar getur alþjóðleg sam-
vinna verið heppileg leið til að auðvelda fyrstu skrefin
sem oftast fylgja nýrri ræktunaraðferð eins og t.d.
jólatrjáaræktun á ökrum. Í samstarfi við CTGCE fengi
Ísland aðgang að stórum gagnabanka, yrði hluti af
stóru alþjóðlegu neti og fengi aðgang að sérfræði-
þekkingu tengdri jólatrjáaræktun og framleiðslu.
Þátttakan mun ekki tryggja að íslensk jólatrjáafram-
leiðsla vaxi „ til himins“ en getur hjálpað til að auka
áhuga fyrir á henni og stuðla að aukinni framleiðslu
og gæðum jólatrjáa fyrir heimamarkað. Ef til vill er
þetta sá innblástur sem þarf til að íslensk jólatrjáa-
rækt verði markviss og skilvirk.
Á Íslandi er enginn aðili sem hefur sérhæft sig í
jólatrjáaframleiðslu og lítil þekking fyrir hendi. Þó
hefur undanfarin ár verið skipulega safnað saman
upplýsingum um ýmislegt varðandi jólatrjáaræktun
og jafnframt eru nokkrar tilraunir, s.s. um tegundaval,
áburðargjöf og ræktunarferlið í gangi. Jólatrjáaræktun
á Íslandi hefur aðallega verið sinnt af skógræktar-
félögum og Skógrækt ríkisins en síðustu árin hafa
skógarbændur bæst í hópinn. Fyrir jólin 2012 seldust
opinberlega 8907 íslensk jólatré, þar af 77% frá
skógræktarfélögum, 14% frá Skógrækt ríkisins og 7%
frá skógarbændum (upplýsingar frá Skógræktarritinu
2013, 2. tbl.). Sala lifandi jólatrjáa hefur dregist saman
jafnt og þétt síðan 2000. Eftir hrunið 2008 jókst sala á
íslenskum jólatrjám til muna en hefur síðan minnkað
um 16% miðað við söluna 2009. Ef Ísland mun gerast
aðili að CTGCE telur höfundur eðlilegast að fulltrúi
landsins kæmi annað hvort frá Landssamtökum
skógareiganda og /eða skógræktarfélögum.
Hliðstætt þessum samtökum sem er í þágu fram-
leiðenda er annað alþjóðlegt samstarf sem er fyrir
sérfræðinga og leiðbeinendur. Þar er ráðstefna
annað hvert ár þar sem nýjasta þekking er kynnt og
áríðandi mál tengd greininni eru rædd. Árið 2013
var ráðstefnan haldin í Nova Scotia í Kanada þar
sem Brynjar Skúlason tók þátt fyrir hönd Íslands.
Árið 2015 verður ráðstefnan haldin í Noregi þar sem
allir með áhuga fyrir rannsóknum og þróun tengdri
jólatrjáaræktun eru velkomnir.
Upplýsingar um CTGCE er hægt að nálgast á vef-
síðu samtakanna: http://www.ctgce.com/en/.
Höfundur: ELSE MÖLLER
1. mynd. Vél til að nota við formun og til að klippa neðstu greinar af
jólatrjám.
2. mynd. Köngull frá nordmannsþin (Abies nordmanniana)
skorinn langsum svo fræin sjást.