Skógræktarritið - 15.10.2014, Page 22

SKÓGRÆKTARRITIÐ 201420
„Búinn að vera í þessum bransa í 25 ár“
sagði leigubílstjórinn
Það var fyrir jólin 1988 að undirritaður hóf sinn jóla-
trjáasöluferil hjá Skógræktarfélagi Eyfirðinga sem
var gjarnan með þrjú útibú á Akureyrarsvæðinu. Á
síðustu árum hefur greinarhöfundur haft sinn eigin
jólatrjáamarkað í miðbæ Akureyrar. Salan er í stíl við
umfang ræktunarinnar eða um 30 heimaræktuð tré
á ári. Ræktunin gengur vel og draumar um stækkun
eru farnir að gera vart við sig.
Ef til vill finnst sumum til lítils að berjast við jólatrjáa-
heimsveldið Danmörku með sinn nordmannsþin í
fremstu víglínu. En þegar betur er að gáð má sjá að
tækifærin eru til staðar. Við höfum kaldara loftslag
og þéttari vöxt, við höfum tré með mun nettara
vaxtarlagi sem samsvara sér betur en danski nord-
mannsþinurinn. Við höfum blágreni, fjallaþin og
rauðgrenið sem var fyrsta jólatré í heimi, í Þýskalandi
hér forðum. Við höfum ótal tegundir sem gefur
viðskiptavininum mikla valmöguleika og þar með
skemmtilegri verslun og meiri menningu.
Jólatrjáarækt hefur verið stunduð á Íslandi í yfir 50
ár. Hver er reynslan? Hvað hefur gengið vel og hvað
illa og hvað ber framtíðin í skauti sér?
Rauðgreni (Picea abies)
Rauðgreni var fyrst tekið sem jólatré á Hallormsstað
árið 1955 og síðar um land allt, aðallega á vegum
Skógræktar ríkisins. Því var mikið plantað á árunum
1958-1977 og iðulega ræktað undir birkiskermi. Það
er fallegt, fíngert og ilmar vel, en missir barrið þegar
það þornar. Hér á árum áður, þegar jólatré voru höggvin
í október og nóvember, þá gat þetta verið bagalegt,
ekki síst ef hitakaflar komu eftir að trén voru felld
þannig að þau voru farin að þorna strax við sölu.
Nýhöggvin jólatré sem vel eru vökvuð standa mun
betur. Svo má líka segja að það sé bara allt í lagi að
tréð sé farið að láta á sjá á þrettándanum. Mörgum
finnst rauðgrenið hið eina sanna jólatré, bæði á
Íslandi, í Skandinavíu og víðar. Enn er eftirspurn eftir
rauðgreni sem jólatrjám, en það hentar ekki þar sem
menn ætla að láta tréð standa inni lengur en þrettán
daga.
Rauðgrenið þrífst vel undir birkiskermi, en eins má
bjóða því lerkiskerm. En það verður að gæta þess
að hafa skerminn ekki of þéttan, því þó rauðgrenið
sé skuggþolið þá má það ekki verða of teygt og
veiklulegt. Einnig kemur til greina að planta rauð-
greni í úthaga með lerki sem fósturtré. Rauðgrenið
Balsamþinur í Vaglaskógi.
Reynslan af jólatrjáarækt á Íslandi