Skógræktarritið - 15.10.2014, Page 31

SKÓGRÆKTARRITIÐ 2014 29
Í kjölfar heimsóknar Skógræktarfélagsins í Sogn- og
Fjarðafylki til Íslands sumarið 2012 bárust þakkir fyrir
móttökurnar og formlegt heimboð. Var það boð
þegið með þökkum og undirbúningur hófst með
góðum fyrirvara. Í forsvari fyrir móttökunefndinni
voru Hans Fredrik Lauvstad, stjórnarformaður Skóg-
ræktarfélagsins í Sogn- og Fjarðafylki, sem lengi var
æðsti maður skógstjórnarinnar í fylkinu, Svein Saure,
forstöðumaður gróðrarstöðvar skógræktarfélagsins
að Brandsöy á Florø og Ingvar Åberge, náttúrufræð-
ingur og sérlegur áhugamaður um tengsl Noregs
og Íslands. Eins og fram kemur í greininni höfðu
nefndarmenn ekki legið á liði sínu því móttökur voru
óvenju veglegar og vel undirbúnar og mættum við
hvarvetna fádæma gestrisni á ferð okkar um hið
undurfagra grannland sem við eigum svo margt
sameiginlegt með en er þó um margt framandi, ekki
síst í jarðfræðilegu og gróðurfarssögulegu tilliti.
Frá Íslandi fór 31 manns hópur að meðtöldum
fararstjórunum en auk greinarhöfundar var Kristján
Baldursson frá ferðaskrifstofunni Trex í fararstjórn.
Aðalleiðsögumaður okkar var Hans Fredrik Lauvstad,
sem fyrr er getið, en í ferðinni hittum við fjölmarga
heimamenn sem miðluðu af þekkingu sinni og rausn-
arskap. Auk Hans Fredrik voru þeir Svein og Ingvar
leiðsögumenn á völdum köflum og Anne Lise Lauv-
stad, eiginkona Hans Fredrik, fylgdi á eigin bíl ásamt
greifingjahundinum Pivo og gættu þau þess að við
fengjum ávallt nóg að borða og drekka og villtumst
ekki af leið. Þar sem flogið var til Björgvin, sem er í
Um Sogn- og Fjarðafylki í
Vestur-Noregi
Ferð Skógræktarfélags Íslands 30. ágúst til 5. september 2014
Hópmynd tekin við fornan steinkross þar sem talið er að Gulaþing hið eldra hafi verið.