Skógræktarritið - 15.10.2014, Side 38

SKÓGRÆKTARRITIÐ 201436
og upp í bæjarskóginn sem er í ás þar fyrir ofan.
Þetta er ræktaður skógur af ýmsum trjátegundum
sem við þekkjum vel héðan frá Íslandi. Sitkagrenið er
farið að mynda glæsilegan skóg, bergfura hafði verið
notuð á rýrustu stöðunum og síðan skipt út þegar
hún var búin að búa í haginn fyrir aðrar tegundir. Þar
gaf að líta vöxtuleg tré og lundi af eðalþin, marþöll,
evrópulerki og degli (Pseudotsuga menziesii). Þarna
er gamalt miðlunarlón fyrir vatnsrafstöð og góður
göngustígur meðfram vatninu öðru megin en tor-
færari hinu megin og um skotæfingasvæði að fara,
sem á að flytja og lagfæra stíginn í kjölfarið. Þarna er
sem sagt flottur útivistarskógur í augnabliks fjarlægð
frá bænum og íþróttamiðstöðin alveg upp við skóg-
inn. Það fór ekki milli mála að íbúar strandbæjarins
kunnu að meta þessa aðstöðu við bæjardyrnar og
notuðu hana óspart.
Næst var okkur boðið af heimamönnum að skoða
strandsafnið í Florø og var þar rakin fyrir okkur saga
bæjarins, sem fór að byggjast upp sem síldarbær um
miðja nítjándu öld. Nú er þjónusta við olíuborpall-
ana fyrirferðarmikil auk ferjusamgangna, útgerðar
og þjónustu við nærsveitir. Íbúafjöldi bæjarins er
tæplega níu þúsund. Safnið spannaði vel þessa sögu.
Þarna eru gamlir bátar varðveittir og verkfæri tengd
útgerð. Skyggnst er inn á gömul heimili og gamlar
myndir sýna þróun bæjarins og bæjarlífið frá ólíkum
tímabilum. Einnig eru þarna líkön af helstu olíubor-
pöllum Norðmanna og sýnt á myndrænan hátt
hvaðan olían kemur, úr fornum skógum sem sukku
til sjávar og setlög lögðust yfir og þrýstingur, tími og
hiti umbreyttu skógum og öðrum lífrænum efnum
m.a. í olíu og gas. Heimsóknin endaði á frjálsu vali
Höfuðbólið Osen.
Árni Þórólfsson virðir fyrir sér stærðarinnar eðalþin í bæjarskóginum á
Florø.