Skógræktarritið - 15.10.2014, Page 52

SKÓGRÆKTARRITIÐ 201450
setningar. [svo] heldur stór landssvæði. Og engum
þarf að koma til hugar, að öflugasti bankinn í Tromsö
væri að ráðast í stórfellda skóggræðslu af einskærri
rómantík. Forráðamönnum hans er ljóst, að það fé, sem
lagt er til þessara framkvæmda, gefur margfalda rentur
og vöxtu. Á þennan hátt gerast þeir forvígismenn þeirra
hugsjóna að breyta örfoka og gróðursnauðum lands-
svæðum í blómleg menningarhéruð.vi
Og enn fremur:
Nú hefur verið getið þeirra daga, sem við unnum að
skógrækt í Noregi. Sú reynsla, er við fengum á þessum
fáu dögum, var mikilsverð, því að vinna við skóggræðslu
án hagnýtrar þekkingar er verk út í bláinn. En sú trú og
vissa, er við fengum á mátt skógarins á ferð okkar um
skerjagarðinn, mun þó reynast þyngri á metunum. Við
erum sannfærðir um, að allir þátttakendur munu kapp-
kosta að efla þekkingu sína á skógrækt eftir þessa ferð
um eyjar Norður-Noregs. Þar sáum við talandi dæmi
þess, hvernig breyta má ófrjóu landi í ágætt skóglendi.
Og við vonum, að þessar kynnisferðir verði fastur liður í
íslenzkri skógræktarfræðslu. Þá mun æska þessa lands
segja rányrkjunni stríð á hendur, en Ísland breytast í
land ræktunar og alhliða menningar.vii
Skipta máli í skógræktarsögunni
Skiptiferðirnar mörkuðu djúp og varanleg spor í skóg-
ræktarsögu Íslands og efldu tengsl innlendra skóg-
ræktarmanna við frændur sína og kollega í Noregi.
Norska þjóðargjöfin 1961 sem notuð var til að stofn-
setja Rannsóknastöð skógræktar á Mógilsá, kom til
vegna þeirra.viii Áðurnefndur Torgeir Andersen-Rysst,
sendiherra Norðmanna á Íslandi, var einmitt helsti
hvatamaður að gjöfinni. Jafnframt styrktust tengsl
Norska skógræktarfélagsins og Skógræktarfélags
Íslands við þessar ferðir. Helsti ávöxtur þeirra tengsla
er frægarðurinn á Taraldseyju sem Norska skógræktar-
félagið gaf Skógræktarfélagi Íslands árið 1974 í tilefni
af 1100 ára afmæli Íslandsbyggðar og 75 ára afmæli
skipulagðrar skógræktar á Íslandi.
Eftirmáli
Ástæða þess að upphaf og aðdragandi fyrstu skipti-
ferðanna eru rifjuð upp nú er sú að til stendur að
skrá sögu þessara ferða frá upphafi þangað til þær
lögðust af um aldamótin. Um er að ræða samstarfs-
verkefni Skógræktarfélags Íslands og Norska skóg-
ræktarfélagsins. Af því tilefni óskar Skógræktarfélag
Íslands eftir heimildum, svo sem bréfum, frásögnum
og ljósmyndum sem tengjast skiptiferðunum, hvort
heldur um er að ræða ferðir Íslendinga til Noregs eða
Norðmanna hingað til lands. Allar upplýsingar eru
vel þegnar. Hægt er að hafa samband við skrifstofu
Skógræktarfélags Íslands eða með því að senda póst
á netfangið skog@skog.is.
Höfundur: EINAR ÖRN JÓNSSON
Heimildir
Á rjettri leið. Morgunblaðið, 16.06.1949. Bls. 8.
Elín Pálmadóttir. 1987. Ræktar garðinn sinn - og okkar. Viðtal við Hákon Bjarnason áttræðan. Morgunblaðið, 12.07.1987. Bls. B1-B3.
Hákon Bjarnason. 1949. Skóggræðsluför Norðmanna til Íslands vorið 1949. Ársrit Skógræktarfélags Íslands 1949: 10-18.
Jón Jóhannesson, Ólafur Bergsteinsson og Svavar Jóhannsson. 1949. Skógræktarför til Norður-Noregs 1949. Ársrit Skógræktarfélags Íslands
1949: 19-49.
Sigurður Blöndal og Skúli Björn Sigurðsson. 2000. Íslandsskógar. Mál og mynd, Reykjavík. 267 bls.
vi Jón Jóhannesson o.fl., 1949, bls. 37-38.
vii Jón Jóhannesson o.fl., 1949, bls. 38-39.
vii Elín Pálmadóttir, 1987, bls. B3.
Reidar Bathen fylkisskógarmeistari og Hákon Bjarnason skógræktarstjóri.