Tímarit lífeindafræðinga - jul 2006, Qupperneq 8

 TÍMARIT LÍFEINDAFRÆÐINGA 2006 / 1. árgangur / 1. tbl.
Þann 8. mars sl. var starfsemi Bandalags háskólamanna og
félaganna sem voru í Lágmúlanum flutt í Borgartún 6,
3. hæð og við bættust félag ljósmæðra og þroskaþjálfa. Við
vorum ekki mjög bjartsýn á að þetta myndi ganga upp því
að í febrúar var staðan eins og sjá má á myndinni sem fylgir
með.
Við fluttum inn á iðnaðarmennina og ýmislegt vantaði
upp á til að byrja með að vinnuaðstaðan væri viðunandi. En
við vorum komin á staðinn ákveðin í að gera gott úr þessu
öllu. Smátt og smátt komu kostirnir í ljós og Borgartún 6
varð að björtum og góðum vinnustað – nóg pláss fyrir alla
– auðvelt að fá fundarsali og sinna þeirri þjónustu sem
félögin standa fyrir.
SIGL-félögin hafa tvö góð herbergi, annað er skrifstofa
framkvæmdastjóra sem sinnir öllum daglegum störfum hitt
er vinnuaðstaða formanna sem hafa hver sinn viðverutíma
en þar er einnig mjög góð fundaraðstaða fyrir 8-10 manns
fyrir stjórnar- og nefndarfundi og hægt að hafa fundarsíma.
Fundarherbergið þarf að bóka hjá undirritaðri.
Skrifstofa SIGL flytur
Skrifstofan er sem fyrr opin: mánudaga kl. 13.00-16.00,
þri-mið-fim og föstudaga kl. 09.00-12.00.
Síminn er 588 9770 og netfang sigl@bhm.is.
Margrét Eggertsdóttir
framkvæmdastjóri SIGL
Fréttir / skrifstofan