Tímarit lífeindafræðinga - jul. 2006, Side 52

52 TÍMARIT LÍFEINDAFRÆÐINGA 2006 / 1. árgangur / 1. tbl.
var farið í hið heimsfræga Bláa lón og á veitingastaðnum
þar var snæddur aðalkvöldverður mótsins. Þar söng Hildur
Júlíusdóttir lífeindafræðingur við mikinn fögnuð áheyrenda.
Erlendu gestirnir tóku mikið af myndum en gufan upp úr
lóninu jókst með kvöldinu og var það mjög tilkomumikið
og myndrænt. Þetta var kvöldstund í hæsta gæðaflokki. Í
einni rútunni á heimleiðinni söng Marie Culliton
undurfagurri röddu.
Ráðstefnuslit
Á laugardeginum var mótinu síðan slitið. Kristín
Hafsteinsdóttir lét af embætti forseta NML og afhenti Eiju
Kailu, fulltrúa finnska lífeindafræðingafélagsins, litlu
skjóðuna en skrifstofa NML verður í Finnlandi þar til á
næsta Norðurlandamóti en það verður 2007 í Finnlandi.
Mótið sóttu alls 295 þátttakendur, 150 þeirra voru
erlendis frá: 92 frá Noregi, 31 frá Danmörku, 24 frá Sví
þjóð, 2 frá Finnlandi og 1 frá Írlandi.
Eftir ráðstefnuna hélt síðan um 30 manna hópur
lífeindafræðinga, flestir erlendir, í þriggja daga ferðalag um
Snæfellsnes. Gist var á Görðum og Hótel Búðum. Farið var
á Snæfellsjökul í frábæru veðri og útsýnið var stórkostlegt.
Þessi ferð tókst með ágætum.
Allt var gert til þess að gera þetta mót hið glæsilegasta,
ætla má að erlendu gestirnir okkar hafi haldið af landi
brott glaðir í bragði. Þakka ber NML2005 nefndinni fyrir
frábæra frammistöðu.
Fréttir / Norðurlandamót
Dagskrárnefnd NML 2005, frá vinstri: Gunnhildur Ingólfsdóttir, Kristín Jónsdóttir, Hólmfríður Hilmarsdóttir, Erla
Sveinbjörnsdóttir og Brynja R. Guðmundsdóttir. Á myndina vantar Önnu S. Ingvarsdóttur.
Á ferð um Snæfellsnes. Eija Kailu tekur við skjóðunni af Kristínu.