Eir - 01.01.1900, Blaðsíða 47

47
Hingað á spítalann hafa komið 5 holdsveikir drengir, 8á
yngsti 7 ára, sá elzti 15 ára. Allir hafa þeir átt likþrá for-
eldri og búið hjá þeim. 4 fæddust áður foreldrar þeirra sýkt-
ust, og eins hygg ég að því sé varið með þann fimta, en veit
það þó eigi glögt. Pað er langliklegast, að drengir þessir hafi
beinlinis fengið sjúkdóminn af foreldrum sinum eftir fæðing-
una, með öðrum orðum: vegna þess að sjúkdómurinn er
næmur.
Annars er það gleðilegt tímanna tákn, að holdsvoikis-
rannsóknir Dr. Ehlers hér á landi virðast hafa borið þann
ávöxt meðal annars, að fólk er orðið varkárara þótt mikið
vanti á að vel sé Þá fyrst er það eins og vera ber, þegar
menn alment sannfærast um það, að sjúkdómi þessuni, sem
er einhver sá versti allra sjúkdóma, verði eigi útrýmt á annan
hátt en með því að sjúklingarnir verði einangraðir, Hver
holdsveiklingur, einkum hinir likþráu, hefir hættu í för með
sér fyrir þá, sem eiga mök við þá, og sóttnæmishættan er þvi
meiri, sem viðskiftin eru nánari. Að börnum og öðrum ná-
skyldum ættingum holðsveiklinga sé þvi mest hætta búin er
skiljanlegt.
Tvær konur og einn maður hafa tekið það fram í umsókn
sinni um inntöku á spítalann, að ástæðan til þess að þau sæktu
væri sú, að þau óttuðust, að börn sín og aðrir nánir vanda-
menn fengju sjúkdóminn af sér. Þetta er göfugur hugsunar-
háttur. Engir þessara sjúklinga voru sérlega fátækir og þurftu
þess vegna eigi að fara á spítalann.
Sjúklingarnir hafa yfirleitt unað sér vel, einstöku sjúkl-
ingar hafa látið í ljósi dálitla óþreyju í byrjun, en það hefir
farið af þeim flestum. Þeir skemta sér við lestur, tafl og
spil. Annars eru þeir oft mjög glaðir og kátir, og það glymur
stundum á kvöldum í spitalanum af söng þeirra og kveðskap
og þó eru þeir margir hásir. Það er ánægjulegt að sjá það,
að þeir taka sér lífið eins létt og þeir geta. Þeir eru hér
margir saman og taka því það skynsamlega ráð, að lifa eins
ánægjulega eins og tök eru á og sjúkdómur þeirra leyflr þeim
í það og það skiftið. Þeir sjá það sjálfir, að þeir mundu gera