Helgarpósturinn - 21.11.1985, Page 15
í Broadway um síðustu helgi og var
geysilega fjölmenn. Um 6—700
manns mættu í mat og mun það
vera Broadway-met í fjölda matar-
gesta. Þykir þetta hinn mesti upp-
gangur í mætingum á árshátíðir
Flugleiða, því fyrir fimm árum varð
að aflýsa árshátíð félagsins vegna
dræmrar þátttöku en aðsókn starfs-
manna hefur aukist jafnt og þétt síð-
an. Aðalræðumaður kvöldsins var
hinn nýi forstjóri Flugleiða, Sigurð-
ur Helgason yngri. Hélt hann
langa og skemmtilega ræðu um
hinn góða anda í fyrirtækinu og
peppuðust margir við þá tölu. I
ræðu Sigurðar kom fram skýringin
á því hvers vegna hann gaf kost á
sér í starfið, og hvers vegna hann
varð fyrir valinu. Skýringin var sú,
samkvæmt Sigurði, að hann hafi
hugsað mjög til starfsfólksins og
sparnaðar fyrirtækisins þegar til
hans var leitað um forstjórastöðuna.
Hann sá nefnilega í hendi sér að ef
hann yrði fyrir valinu, myndi hann
spara Flugleiðum óhemjumikið fé í
bréfsefni, nafnspjöldum, umslögum
og öðru pappírsfargani sem fylgir
forstjóraembættinu. Hann hefði
nefnilega séð fram á að erfa allt dót-
ið frá forvera sínum og alnafna. ..
|U|
■ W Heðal annarra útgáfubóka
Svarts á hvítu en íslendingasagn-
anna í tveimur bindum er viðtals-
bók Rúnars Ármanns Arthúrs-
sonar við Jónas Árnason rithöf-
und og fyrrverandi þingmann Al-
þýðubandalagsins. Rúnar, sem með-
al annars gegndi ritstjórastarfi Stúd-
entablaðsins um skeið, þykir hafa
tekist að toga margar merkilegar yf-
irlýsingar upp úr karli og til dæmis
ku hann vera óspar á að gefa flokks-
eigendum og forystumönnum Alla-
balla lágar sem háar einkunnir,
sumar mjög lágar. HP hefur fyrir
satt að margir frammámenn banda-
lagsins séu orðnir óþreyjufullir eftir
útkomu bókarinnar, en hún er þeg-
ar farin að ganga undir nafninu
„feðraskýrslan" meðal húmorist-
anna í flokknum. . .
mm
HÍWlýtt bókaforlag hefur nú
skotið upp kollinum og mun verða
með fjórar bækur á boðstólum á
jólabókamarkaðnum. Forlagið heit-
ir Nótt og er í eigu þeirra Gunnars
Steins hjá Auglýsingaþjónustunni
og Harðar Sigurdssonar. Síðar
verður stofnaður bókaklúbbur, sem
mun bera nafnið Næturklúbburinn.
Jólabækur nýja forlagsins lofa
nokkuð góðu, því meðal höfunda
eru Norman Mailer og Doris
Lessing. Eftir Mailer kemur út bók-
in „Hörkutól stíga ekki dans“
(Tough Guys Don't Dance) og LeSs-
ing-bókin heitir á íslensku „Minn-
ingar einnar, sem eftir lifði“ (Memo-
irs of a Survivor). Þá býður Nótt upp
á breskan þriller eftir Dick Francis
og fjórða bókin er ætluð unglingum,
Merki Samúræjans. . .
lEins og fyrir hver jól verður af
einhverjum ástæðum eitthvað eitt
. fyrirbæri jólagjöfin í ár, eins og það
heitir. Að þessu sinni spá menn því,
að „jólagjöfin í ár“ verði spurninga-
leikurinn „Trivial Pursuit" eða Mím-
isbrunnur, eins og spilið hefur verið
nefnt upp á íslensku. Hins vegar
munu framleiðendurnir hafa neitað
að nafnið yrði íslenskað. Þetta ku
vera hið vinsælasta spil úti í hinum
stóra heimi og ekki vantar spurning-
arnar því þær munu vera um 6000.
Sagnfræðinemar við Háskóla ís-
lands hafa unnið að því i sumar að
snúa spilinu og staðfæra upp á ís-
lenskar kringumstæður. Nú er bara
stóra spurningin hvort Steingrím-
ur og Flosi falli fyrir spilinu. I
Bandaríkjunum ku spilið nefnilega
vera í miklu uppáhaldi hjá t.d.
Reagan Bandaríkjaforseta og leik-
aranum góðkunna Larry Hag-
man...
HELMHBRIRINM
Ef þú kaupir dilkakjöt í heilum skrokkum færðu helminginn ókeypis
miðað við verð í stykkjatölu.
.175.80
fyrir kílóið
í verðflokki Dl. Og skrokknum er skipt eftir þínum óskum.
Og hvílíkur aragrúi spennandi kræsinga
sem úr heilum lambaskrokki getur orðið:
Gamla góða steikin, innbakaðar lambalundir, Guðrúnar kjöt í káíi,
Lambapottur torgsalans, ítalskar lambarifjur,
Kjötbollur Sollu frænku, Hakk með sál, Besta kæfan hennar Kötu ofl. ofl.
Hugmyndaflugið og íslenska lambakjötið eru sælgæti saman.
FRAMLEIÐENDUR
HELGARPÓSTURINN 15