Morgunblaðið - 09.02.1983, Blaðsíða 22

22
MORGUNBLAÐIÐ, MIÐVIKUDAGUR 9. FEBRÚAR 1983
Skýrsla rannsóknarnefndar fjöldamorðanna í Líbanon lögð fram í gærmorgun:
Hættan á fjöldamorðum átti að
vera ráðamönnum ísraels ljós
Jerúsalem, H. febrúar. AP.
RANNSÓKNARNEFND fjölda-
moröanna í Sabra og ('hatilla-flótta-
mannahiíóunum í Líbanon í septem-
ber síðasttiðnum lagði til í niður-
stöðu sinni, að Ariel Sharon, varn-
armálaráðherra, segði af sér emb-
ætti. I skýrslu nefndarinnar, sem af-
hent var fréttamönnum kl. 10 í
morgun, segir beinum orðum, að
Sharon sé persónulega ábyrgur fyrir
því hvernig fór.
Segir að hann hafi átt að taka
hættuna á fjöldamorðum með í
reikninginn, er hann leyfði Fal-
angistum að fara inn í búðirnar.
Einnig er hann sakaður um að
hafa ekki gripið í taumana, er
ljóst var hvert stefndi, til að reyna
að afstýra frekari hörmungum. Þá
segir ennfremur í skýrslu nefnd-
arinnar, að segi hann ekki af sér
eigi Menachem Begin, forsætis-
ráðherra, að svipta hann embætti.
Sharon hefur þegar neitað að
segja af sér.
Fjöldamorðin í flóttamanna-
búðunum um miðjan september
vöktu óhug um heim ailan. Alda
mótmæla reis í ísrael og safnaðist
fólk saman við bústað forsætis-
ráðherrans, Menachem Begins.
Enn hafa ekki fengist opinberar
tölur um fjölda þeirra er létu lífið,
en fórnarlömbin skiptu hundruð-
um. Hvorki konum, börnum né
gamalmennum var hlíft. Tals-
menn PLO segja um 1400 manns
hafa verið myrta, en talsmenn al-
þjóða Rauða krossins segja töluna
mun lægri, eða á bilinu 5-600.
Þá lagði rannsóknarnefndin
einnig til, að yfirmaður leyniþjón-
ustu hersins, Yehoshua Saguy
segði af sér embætti vegna aðildar
hans að málinu. I skýrslunni var
ennfremur harkalega vegið að
Raphael Eytan, yfirmanni her-
ráðsins, fyrir misgjörðir hans og
þær sagðar „mjög alvarlegs eðlis."
Sharon skipulagði
í 108 síðna langri úttekt á
fjöldamorðunum segir þriggja
manna rannsóknarnefndin, að
hún hafi komist að því að Sharon
bæri ábyrgð á því hvernig fór.
Annar helmingur skýrslunnar fer
í það að rekja atburðarásina og
hinn í að ræða um hverjir beri
ábyrgð á fjöldamorðunum. Aðeins
tíundi hluti endanlegrar skýrslu
nefndarinnar var birtur frétta-
mönnum. Niðurstöðurnar eru ekki
bindandi, en engu að síður taldar
mjög mótandi gagnvart almenn-
ingsálitinu.
I skýrslunni segir, að ljóst sé að
Sharon hafi verið skipuleggjandi
innrásar Falangistanna og fjölda-
morðanna í flóttamannabúðunum.
Niðurstaða nefndarinnar er varn-
armálaráðherranum mikið áfall,
en hann naut mikilla vinsælda eft-
ir Yom Kimppur-stríðið 1973.
Skýrsla nefndarinnar var í
morgun talin munu skekja undir-
stöður stjórnmálanna í ísrael
hraustlega og jafnvel leiða til af-
sagnar ríkisstjórnar Menachem
Begins og kosninga mjög fljótlega.
Auk þess að leggja til afsögn
Sharon og Saguy, sagði í skýrsl-
unni, að Begin, Yitzhak Shamir,
utanríkisráðherra, og yfirmaður
Nokkur líkanna í Sabra-flóttamannabúðunum eftir að sveitir kristinna hægrimanna höfðu farið þar hamförum.
Menachem Begin sagður
„Khomeini gyðinganna“
Jcrúsalcm og víAar, H. febrúar. AP.
LEIÐTOGAR kristinna hægri-
manna í Líbanon brugðust þögulir
við er þeir fréttu af niðurstöðum
rannsóknarnefndar fjöldamorð-
anna í dag. Sögðust þeir ekki gefa
út neina opinbera yfirlýsingu fyrr
en nefndin legði fram óyggjandi
sannanir fyrir framburði sínum.
Ritstjórar egypskra blaða
sögðu í dag, að það eina rökrétta
væri að Begin segði af sér í ísra-
el í kjölfar niðurstöðu rannsókn-
arnefndarinnar. Einn ritstjór-
anna gekk svo langt að kalla
Begin „Khomeini gyðinganna"
og lýsti fjöldamorðunum, sem
annarri gereyðingu, en á röng-
um þjóðflokki. Talsmenn stjórn-
arinnar vildu ekkert láta hafa
eftir sér að svo stöddu.
Yasser Arafat, leiðtogi frels-
ishreyfingar Palestínumanna,
lýsti niðurstöðum rannsóknar-
Menachem Begin þungt hugsi á rík-
isstjórnarfundi í gær. símamvnd Al*.
nefndarinnar sem „mikilvægum,
en þó ófullnægjandi". Arafat,
sem nú er staddur í Jórdaníu til
viðræðna við Hussein konung,
sagði jórdönskum frétta-
mönnum, að í skýrslunni fælist
ekki „bein fordæming" á Men-
achem Begin. Því væri ekki
hægt að segja skýrsluna annað
en ófullnægjandi.
Leiðtogar ísraelsku stjórn-
málaflokkanna skiptust mjög í
fylkingar eftir afstöðu sinni til
forsætisráðherrans. Sögðu
ýmist að hann ætti að segja taf-
arlaust af sér eða þá að honum
bæri skylda til að láta slíkar
áskoranir sem vind um eyru
þjóta. Hópur rúmlega 100
tryggra stuðningsmanna Begin
og Sharon safnaðist saman fyrir
utan skrifstofu forsætisráð-
herrans á meðan ríkisstjórnar-
fundur stóð yfir. Annars staðar
í landinu var víða efnt til
mótmælagangna.
Reagan harðorðari en
áður í garð ísraela
Washington, 8. fehrúar. Al\
RONALD REAGAN Bandaríkjaforseti sagði í gær að ísraelar hefðu frestað
brottflutningi hermanna sinna frá Líhanon óþarÓega lengi og sakaði þá um að
horfa framhjá „siðferðilegum atriðum" með því að framlengja dvöl sína þar.
Þessi yfirlýsing Bandaríkjafor-
seta er harðorðari en fyrri yfirlýs-
ingar hans um Líbanonmálið. Þetta
kom fram í sjónvarpsviðtali.
Hann sagði einnig að Philip Hab-
ib, sérlegursendimaður Bandaríkja-
stjórnar í Miðausturlöndum, væri
nú á leið til samningaviðræðnanna
að nýju með nýjar samningstillögur
frá Bandaríkjastjórn. Hann sagði
ekki í hverju tillögurnar fælust.
„Ég tel að ísraelar vanræki eða
horfi framhjá ákveðnum siðferði-
legum þætti og hann er sá að nýja
stjórnin í Líbanon hefur eftir öll
þessi ár með uppreísnum og
borgarastríðum beðið allt erlent
herlið að verða á brott úr landinu,"
sagði Reagan.
Forsetinn sagði að Bandaríkja-
stjórn myndi halda áfram að þrýsta
á um frið í Miðausturlöndum, en
hann sagðist ekki telja að eitthvað
færi raunverulega að þokast í sam-
komulagsátt fyrr en ástandið í Líb-
anon yrði „skýrara."
Mynd þessi sýnir hvar komið er með Klaus Barbie í Montluc-herfangelsið í
Lyon síðastliðinn laugardag.
Holland:
Gögnum safnað gegn Barbie
llaag, 8. febrúar. AP.
IIOLLENSK stjórnvöld safna nú
sönnunargögnum varðandi þátt
Klaus Barbie í flutningi hollenskra
gyðinga í útrýmingarbúðir í síðari
heimsstyrjöldinni.
Paul Brillman, sérstakur sak-
sóknari sem hefur það hlutverk
með höndum að lögsækja stríðs-
glæpamenn, sagði í dag að ekki
væri fyrirhugað að fara fram á
framsal á Barbie til Hollands,
heldur væri tilgangurinn að safna
gögnum sem send yrðu til Frakk-
lands til að fylla í eyður í skýrslu
hans.
Franska stjórnin hefur ákært
hann fyrir stríðsglæpi, þjóðar-
morð og „brot gegn mannkyni".
Talið er að Barbie hafi starfað í
Hollandi frá því í byrjun mars ár-
ið 1941 til enda þess árs, sem yfir-
foringi í þýsku leynilögreglunni.
Schultz
segir ferð
gagnlega
Seoul, Huður-Kóreu, 8. fehrúar. Al\
GEORG P. Schultz, utanríkisráð-
herra Bandaríkjanna, lauk í dag ferð
sinni um Asíu með þeim ummælum,
að hún hefði verið „mjög gagnleg í
alla staði." Sagði hann viðræður við
þjóðarleiðtoga hafa verið „alvarlegs
eðlis, tillitssamar og vel undirbúnar
af allra hálfu. Á ferð sinni heimsótti
Schultz Japan, Kína og Suður-
Kóreu.