Morgunblaðið - 09.02.1983, Síða 36
MORGUNBLAÐIÐ, MIÐVIKUDAGUR 9. FEBRÚAR 1983
36
VIÐSKIPTI
VIÐSKIPTI - EFNAHAGSMÁL - ATHAFNALÍF
Umsjón: Sighvatur Blöndahl
Alþjóðagjaldeyrissjóðurinn:
Um 1,3% hagvöxtur í
iðnríkjum heimsins
Alþjóðagjaldeyrissjóðurinn spá-
ir því, að hagvöxtur verði um 1,3%
í iðnríkjum heimsins á þessu ári,
nema til komi verulegur efna-
Verdbólgan
undir 4% mark-
ið í Vestur-
Þýzkalandi
VERÐBÓLGA komst undir 4%
markið í Vestur-I>ýzkalandi í janúar
sl. í fyrsta sinn síðan í júní 1979,
samkvæmt upplýsingum vestur-
þýzku hagstofunnar, en verðbólga
jókst um 0,2% milli mánaðanna des-
ember og janúar.
Milli ára hefur verðbólga því
aukizt um 3,9% í Vestur-Þýzka-
landi, eða frá janúar til janúar. í
júní 1979 var verðbólga þar í landi
um 3,6%, samkvæmt upplýsingum
vestur-þýzku hagstofunnar.
Verðbólgan var um 5,3% á síð-
asta ári í Vestur-Þýzkalandi. í
nóvember sl. hækkaði framfærslu-
kostnaður um 4,7% og 4,6% í des-
ember.
hagsbati í Bandarfkjunum og öðr-
um lykillöndum.
Hagvöxtur dróst hins vegar
saman um 0,3% á síðasta ári í
iðnríkjum heimsins.
Þá er því spáð, að heildarþjóð-
arframleiðsla iðnríkjanna aukist í
námunda við 0,8% á þessu ári, en
hún dróst saman um 0,7% sam-
kvæmt bráðabirgðatölum fyrir
síðasta ár. Á árinu 1984 er því
síðan spáð, að þjóðarframleiðslan
aukist um 2,2%.
Alþjóða gjaldeyrissjóðurinn
spáir því, að þjóðarframleiðsla í
Bandaríkjunum muni aukast í
námunda við 1,6% á þessu ári, en
stjórnvöld spáðu því hins vegar á
dögunum, að aukningin yrði í
námunda við 1,4%.
f Kanada er því spáð, að aukn-
ing þjóðarframleiðslu verði um
0,9%, í kjölfar um 4,9% samdrátt-
ar á síðasta ári. Um Japan segir
Alþjóða gjaldeyrissjóðurinn, að
þar verði væntanlega um 3%
aukning þjóðarframleiðslu á
þessu ári. f Frakklandi verði
aukningin um 0,4%, í
Vestur-Þýzkalandi verði um 0,3%
samdráttur. Þá verði um 0,9%
samdráttur á Ítalíu.
Töggur hefur hafið
innflutning á Áker-
man-vinnuvélum
TtklGUR hf. hefur nú tekið að sér
umboð fyrir sænska vinnuvélafyrir-
tækið Akerman, sem hefur sérhæft
sig í framleiðslu á gröfum til að
vinna við erfiðar aðstæður á norð-
lægum slóðum, að sögn Ágústar
Ragnarssonar.
„Ákerman-gröfurnar eru af
ýmsum stærðum og gerðum, á
hjólum eða beltum frá 14 tonnum
upp í um 57 tonn. Þær eru ýmist
knúnar Volvo Penta, eða Scania
turbo dísilvélum með beinni inn-
spýtingu. Vélarnar eru tiltölulega
aflmiklar og hæggengar, þannig
að þær vinna sjaldnast undir fullu
álagi. Meðalálag við vinnu er
reyndar um 50%, sem hefur í för
með sér minna slit og betri end-
ingu og auðvitað minni olíueyðslu
en ella.
Reynt hefur verið að staðla sem
mest af hlutum í vélunum, þannig
að t.d. gírkassar, vökvamótórar,
stjórnklefinn, bremsur, snún-
ingshús, stimplar og legur eru eins
í öllum gerðum vélanna. Þetta
auðveldar varahlutaþjónustu og
gerir hana jafnframt ódýrari,"
sagði Ágúst Ragnarsson ennfrem-
ur.
Vélarnar eru sérstaklega hann-
aðar fyrir aðstæður á norðlægum
slóðum eins og áður sagði, og gat
Ágúst þess, að þriðja hver vél, sem
seld væri í Skandinavíu kæmi frá
Ákerman.
Frá síðasta hluthafafundi Hafskipa. Fundinn sátu 90 af 485 hluthöfum í skipafélaginu.
Reglulegir hluthafafundir Hafskips:
Hluthafar eru nú 485
talsins — 300 starfs-
menn og 7 skip í ferðum
HLUTHAFAR í skipafélaginu Haf-
skip eru nú 485 talsins, að því er
Páll Bragi Kristjónsson fjármála-
stjóri félagsins sagði í samtali við
Morgunblaðið fyrir skömmu. Sala
hlutabréfa er stöðugt í gangi, og er
minnsta bréf nú að verðgildi eitt
þúsund krónur. Alls starfa hjá Haf-
skip um 300 manns um þessar
mundir að sögn Páls Braga, og eru
t>á meðtaldar áhafnir skipa og
starfsmanna erlendis. í flota félags-
ins nú eru sjö skip.
„Auk lögboðinna aðalfunda ár-
lega sem við höldum eins og önnur
hlutafélög, höfum við undanfarin
ár efnt til sérstakra funda með
hluthöfum," sagði Páll Bragi.
„Þetta hefur verið gert snemma
vetrar í fjögur ár samfleytt, og
hefur að okkar mati gefist mjög
vel. Nú nokkru fyrir áramót héld-
um við til dæmis fund á Hótel
Sögu, á laugardagssíðdegi, og
sóttu fundinn um 90 hluthafa,
þrátt fyrir slæma færð og leiðin-
legt veður. Þetta finnst okkur gott
merki um hinn mikla áhuga sem
hluthafar sýna félaginu, sem er
því tvímælalaust mikill styrkur.
Á þessum fundum fara fram
opinská skoðanaskipti milli
stjórnarmanna, framkvæmda-
stjóra og hluthafa, hugmyndum er
varpað fram, tekið við gagnrýni,
spurningum svarað og svo fram-
vegis. Þetta er þegar orðinn fastur
liður í starfsemi okkar, og öruggt
að þessu verður haldið áfram."
Frumvarp á Alþingi:
Áhættufé í atvinnurekstri
jafnrétthátt öðru spari-
fé í skattalegu tilliti
„STAÐA íslenzkra atvinnufyrir-
tækja er nú með þeim hætti, að
brýna nauðsyn ber til að draga úr
erlendri skuldasöfnun, efla innlend-
an sparnað og opna láns- og áhættu-
fé greiðari leið að arðsömum
atvinnurekstri í landinu,“ segir m.a.
í greinargerð með frumvarpi til laga
um breytingu á lögum um tekju- og
eignaskatt, sem alþingismennirnir
Friðrik Sophusson, Jón Baldvin
Hannibalsson, Matthías Á. Mathie-
sen og Halldór Blöndal hafa lagt
fram.
„Slíkt er nauðsynlegt, ef takast
á að byggja upp atvinnulífið og
veita komandi kynslóð ný atvinnu-
tækifæri. Til að ná þessu mark-
miði er óhjákvæmilegt að breyta
lögum um tekju- og eignaskatt
eins og þetta frumvarp miðar að.
Með þessu frumvarpi er stefnt
að því að:
1. Treysta undirstöður atvinnu í
landinu með því að auka sam-
keppnishæfni atvinnulífsins,
auðvelda stofnun nýrra fyrir-
tækja og opna innlendu láns- og
áhættufé greiðari leið til að
örva fjárfestingu í atvinnulíf-
inu og skapa þannig ný at-
vinnutækifæri í landinu.
2. Efla innlendan sparnað og
draga úr erlendri skuldasöfnun
með því að gera áhættufé í at-
vinnurekstri jafn rétthátt öðru
sparifé í skattalegu tilliti.
3. Skapa verulegan hvata fyrir
allt launafólk til að leggja
nokkurt fé í atvinnurekstur og
gefa því þannig tækifæri til að
hafa frekari áhrif á starfs-
umhverfi sitt og atvinnu," segir
í greinargerðinni.
í hnotskurn leggur frumvarpið
til að eftirtaldar breytingar verði
gerðar á núgildandi lögum um
tekjuskatt og eignaskatt:
1. Réttur til útgáfu jöfnunar-
hlutabréfa miðist við árlega
stöðu og breytingar á hreinni
eign félags.
2. Almenn þátttaka í atvinnu-
rekstri er örvuð með því að
veita takmarkaðan frádrátt frá
tekjum vegna hlutabréfakaupa.
3. Sérstakur frádráttur verði
heimilaður frá tekjum vegna
stofnkostnaðar og rannsókna-
og þróunarstarfsemi.
4. Arður verði að fullu frádrátt-
arbær hjá greiðanda eins og
vextir, en skattfrjáls hjá við-
takanda eins og vaxtatekjur af
öðru sparifé.
5. Sérstakt framlag verði heimil-
að í fjárfestingarsjóð til að
örva fjárfestingu í atvinnu-
rekstri og þar með ný atvinnu-
tækifæri.
6. Eignarhluti í atvinnurekstri
(hlutafé, stofnfé o.s.frv.) í eigu
einstaklinga svo og skulda-
bréfalán verði undanþegin
eignarskatti eins og annað
sparifé.
7. Með sérstakri heimild verði
hvatt til þess, að fyrirtæki auki
eigi fé sitt á árinu 1983.
„Allar þessar breytingar mynda
heild. Þær hafa það markmið að
efla atvinnureksturinn í landinu
og fjölga atvinnutækifærum á
komandi árum og vera þannig
vörn gegn atvinnuleysi. Á fáu er
nú brýnni þörf í efnahagsmálum,"
segir að lokum í greinargerð
frumvarpsins.