Morgunblaðið - 09.02.1983, Page 40
40 MORGUNBLAÐIÐ, MIÐVIKUDAGUR 9. FEBRÚAR 1983
•
Heilsugæzlustöð ólafsvíkur. Morgunblaðift/ Bjðrn Guðmundsson. Athafnasvæði flota og fiskverkunar í Ólafsvík. Morgunbiaðið/ Bjðrn Guðmundsson.
Ólafsvík:
Efling iðnaðar og þjónustu er grundvallar-
atriði atvinnurekstrar og bættrar þjónustu
VIÐ síðustu hreppsnefndarkosn-
iugar í Olafsvík voru í fyrsta sinn
kosnir 7 hreppsnefndarmenn í
stað 5 áður. Hreppsnefndina nú
skipa 3 fulltrúar af H-lista, 2 af
D-lista og 2 af L-lista og mynda
D-listi og H-listi meirihluta.
Oddviti var þá kosinn Stefán Jó-
hann Sigurðsson og er það í fyrsta
sinn er hann gegnir því embætti.
Morgunblaðið ræddi fyrir
skömmu við Stefán Jóhann og
innti hann eftir gangi hreppsmála.
„Nú hefur fyrri umræða um
fjárhagsáætlun ólafsvíkur-
hrepps farið fram og eru niður-
stöðutölur hennar 21.220.000
krónur. Þar af eru til ráðstöfun-
ar um 6,5 milljónir, sem er
nokkru minna hlutfall en á síð-
asta ári, en fjáhagsáætlunin
hækkar alls um 60% milli ára.
Það eru helzt auknar verðhækk-
anir og launaþróun, sem veldur
því að hiutfallslega minna verð-
ur nú til ráðstöfunar. Það, sem
helzt er á framkvæmdaáætlun-
inni er að halda áfram við bygg-
ingu nýs félagsheimilis og gera
það fokhelt á árinu; halda áfram
byggingu grunnskólahússins og
heilsugæzlustöðvarinnar, sem
nú er fokheld; endurbyggja
trébryggju; unnið verður áfram
að varanlegri gatnagerð og
byggingu nýs íþróttavallar; þá
hefur verið sótt um til bygg-
ingasjóðs verkamanna um bygg-
ingu á verkamannabústöðum og
íbúðir fyrir aldraða gerðar fok-
heldar á þessu ári, en þar er
reiknað með að 11 manns geti
dvalizt og notið ýmissrar sam-
eiginlegrar aðstöðu þar. Þá er
rétt að taka það fram, að í fjár-
hagsáætluninni er gert ráð fyrir
lántökum til að ná ákveðnum
áföngum í framkvæmdum, en
hins vegar byggjast sumar
framkvæmdanna á mótframlög-
um ríkisins.
Hvað varðar framkvæmda-
áætlun lengra fram í tímann má
geta þess, að ljúka þarf bygg-
ingu íbúða fyrir aldraða,
grunnskólanum og heilsugæzlu-
stöðinni, en þar veltur fram-
kvæmdahraðinn á framlögum
ríkisins, sem eiga að nema 85%
af byggingarkostnaði. Þegar
þessa árs áfanga í gatnagerð
verður náð verður komið bundið
slitlag á flestar íbúðargötur
bæjarins. í drögum að fjögurra
ára áætlun í hafnargerð er
áformað að byggja viðlegu-
bakka, þar sem togurum er ætl-
uð aðstaða.
Nú er í byggingu nýr vegur
fyrir Ólafsvíkur Enni og er ætl-
unin að henni ljúki á næstu
þremur árum. Þá verður leiðin á
milli Ólafsvíkur og Hellissands
öll bundin varanlegu slitlagi og
vegurinn færður niður í fjöruna
og þannig verulega minnkuð
hættan á skirðuföllum og búizt
við minni snjóþyngslum. Enn
sem komið er virðist breyting
vegarstæðisins ætla að heppn-
ast vel og er ljóst, að af þessu
verður mikil samgöngubót og
lyftistöng fyrir sívaxandi sam-
skipti byggðarlaganna."
Hafa ekki verið umræður um
að sameina byggðarlögin
Ólafsvík og Neshrepp?
„Jú, það er rétt, en þær um-
ræður eru enn að minnsta kosti
aðeins manna á meðal og engar
formlegar umræður hafa átt sér
stað. Það er hins vegar ljóst að
með sívaxandi samskiptum milli
þessara byggðarlaga, sem eru
vissulega báðum til góðs, hefur
skapazt aukið svigrúm fyrir
bætta þjónustu þeirra beggja.
Persónulegt álit mitt á þessum
hugmyndum er ekki fullmótað,
en ég tel að samvinna í þjónustu
og á flestum öðrum sviðum
hljóti að vera báðum sveitarfé-
lögunum til góðs og framdrátt-
ar.
Þá vil ég geta þess, að við síð-
ustu hreppsnefndarkosningar
fór fram skoðanakönnun innan
hreppsins um það, hvort menn
væru fylgjandi því að sótt yrði
um kaupstaðarréttindi. Niður-
staðan varð sú, að 96,5% þátt-
takenda var því fylgjandi. Þing-
menn kjördæmisins hafa lagt
fram frumvarp til laga á Al-
þingi þess efnis, að ólafsvík
Hver kjósandi
eitt atkvæði
— eftir Aóalheiði
Jónsdóttur
Þá hefir stjórnarskrárnefnd
lagt fram afrakstur iðju sinnar,
hress yfir frábærum afköstum á
fjórum árum eða varla það. —
Líklega mætti segja um hana eins
og maður nokkur sagði eitt sinn
um konu, sem honum fannst að
hefði skilað miklu starfi: „Hún
hefur kastað miklu af sér, kerl-
ingarauminginn."
En hvernig er þetta annars, hef-
ur ekki verið talað hér um stjórn-
arskrárnefnd í heila tvo áratugi
eða jafnvel fjóra. — Það getur þó
víst ekki verið, að hún sé eins og
fjórdrepna kerlingin?
Ekki hef ég rýnt mikið í þetta
merkilega plagg, en ég sé, að í 1.
gr. stendur þessi setning: Lýðræði,
þingræði og jafnrétti eru grund-
vallarreglur stjórnarskipunar Is-
lands. — Þessi orð hljóma nógu
fagurlega, en eru þau raunhæf á
þessum stað? Er það lýðræði og
jafnrétti, að mikið meira en helm-
ingur kjósenda skuli ekki hafa
nema >/) eða Vs atkvæðisréttar
miðað við það, sem hinir hafa, þó
svo að minnka ætti muninn niður
í 1 á móti 3, eins og heyrst hefir að
stæði til?
Það er svo með ólíkindum,
hvernig þessir menn vinna, að
engu er líkara en þeir viti ekkert
hvað þeir eru að gera eða hafa
gert. I sjálfri gerð stjórnarskrár-
innar eru þeir að þverbrjóta 1. gr.,
sem kveður á um lýðræði, þing-
ræði og jafnrétti, sem grundvall-
arreglur stjórnarskipunar ísiands
með slíku misvægi atkvæða, sem
þeir ætla sér enn að viðhalda.
Undir öllum kringumstæðum er
slíkt óviðunanlegt, en alvarlegast
er það þó fyrir þá sök, að fólkið
með margfalda kosningaréttinn,
það er að segja þeir, sem vilja
halda í þetta misrétti, hefur svo
brenglað hugarfar, að þeim virðist
alveg sama hvernig þjóðfélagið er,
aðeins ef þingmenn hlýða þeim,
uppfylla allar kröfur, sem þeir
gera fyrir sig og sitt sveitarfélag,
þá skiptir ekki máli, hversu mikið
fjárhagslegt tjón það er fyrir
þjóðarbúið og ranglæti gagnvart
öðrum byggðarlögum. í samvinnu
við þessa menn og stofnanir, sem
þingmenn hafa magnað upp í það
að vera slíkt átumein í þjóðfélag-
inu, að fólk hryllir við, stjórna
þeir svo landinu, eftir leiðum hins
spillta kerfis, sem liggur eins og
svartur ormur út um allt þjóðfé-
lagið, veldur meinsemdum, fúa og
rotnun í allri byggingu þess, sem
jafnvel er komið á það stig, að
vandséð er hvort ekki er nú þegar
óhætt að nema burtu þessa há-
stemmdu yfirlýsingu í 1. gr.
stjórnarskrárinnar: ísland er
frjálst og fullvalda lýðveldi.
Aðalheiður Jónsdóttir
„Það er með ólíkindum
hvernig þessir menn vinna,
að engu er líkara en þeir viti
ekkert hvað þeir eru að gera
eða hafa gert. í sjálfri gerð
stjórnarskrárinnar eru þeir
að þverbrjóta 1. gr., sem
kveður á um lýðræði, þing-
ræði og jafnrétti...“
En þeirra er valdið ... Kannski
sjá þeir sér líka hag í því, eins og
með sumar aðrar greinar stjórn-
arskrárinnar, að lofa henni að
standa, hvernig sem raungildi
hennar kann að vera? ... og segja
þá einfaldlega: Það, sem við höf-
um skrifað, það höfum við skrifað.
En nú er sagt, að þessir menn
sitji yfir margfeldni og brotabrot-
um á þingi og ætli að fjölga í liði
sínu um þrjá. — Halda þingmenn,
að þetta sé vilji þjóðarinn-
ar? ... Nei, þeir vita betur. En
þetta er þeirra úrræði til að
bjarga eigin skinni og halda þing-
sætum sínum og þá skiptir annað
ekki máli. Þeir og fyrirgreiðslu-
pólitíkin skal vera það sem blívur.
En kjósendur hér í þéttbýlinu suð-
vestanlands vilja áreiðanlega ekki
fleiri brotamenn á þing, heldur
fækka í hjörðinni. — Eða varla
trúi ég öðru. — Og ég hygg, að þeir
vilji, að þingmenn læri að skilja,
að þótt þeir séu kjörnir fulltrúar
vissra kjördæma, þá eru þeir einn-
ig kjörnir fulltrúar þjóðarinnar
allrar. Og ef þeir setja ekki þjóð-
arhag ofar öllum annarlegum
sjónarmiðum, þá eru þeir óhæfir
til að gegna þingstörfum og eiga
að hafa vit á að draga sig í hlé.
En nú hlýtur fólk hér á suð-
vesturhorninu að krefjast þjóðar-
atkvæðagreiðslu í kjördæmamál-
inu. — Þetta, að ekki skuli allir
kjósendur hafa jafn mikla mögu-
leika til að hafa áhrif á gerð þjóð-
félagsins, er svo gróft mannrétt-
indabrot, að undrun sætir, að
þingmenn skuli leyfa sér að ætla
að framlengja um ófyrirsjáanlega
framtíð slíkt ranglæti, sem jafn-
framt augljóslega er stjórnar-
skrárbrot. — Ef hún á ekki að
skoðast sem ómerkilegt pappírs-
plagg, þá hlýtur þetta að vera al-
varlegt mál ... Ja, „hver er hvað
og hvað er hver“ ... „Hver er