Morgunblaðið - 09.02.1983, Side 30

MORGUNBLAÐIÐ, MIÐVIKUDAGUR 9. FEBRÚAR 1983
30
Skorað á Umferðarlaganefnd og Alþingi:
Lögreglustjóra heimilað
að fjarlægja bifreiðir
sem er lagt ólöglega
SAMÞYKKT var á fundi í borgar-
stjórn Reykjavíkur sl. fimmtudag til-
laga l'mferðarnefndar Keykjavíkur
um að skorað verði á l'mferðarlaga-
nefnd og Alþingi að veita lögreglu-
stjóra lagaheimild til þess að fjar-
lægja bifreiðir sem lagt hefur verið
ólöglega. Tillagan var samþykkt
með 17 atkvæðum gegn 1.
í borgarráði hafði þessi tillaga
ekki hlotið tilskyldan stuðning,
þar sem aðeins tveir greiddu
henni atkvæði en aðrir sátu hjá.
Á borgarstjórnarfundinum bar
Katrín Fjeldsted, borgarfulltrúi,
upp tillöguna á ný og var hún þá
samþykkt.
I tillögunni segir m.a. að skorað
sé á Umferðarlaganefnd og Al-
þingi að beita sér fyrir því, sam-
fara lausn á bifreiðastæðavanda-
máli m.a. Reykjavíkurborgar, að
lögreglustjóra verði veitt heimild í
lögum til þess að fjarlægja bif-
reiðir sem lagt hefur verið ólög-
lega og til verulegra trafala eru,
eða slysahætta stafar af. Þá verði
sömu yfirvöldum veitt lögtaks-
heimild í viðkomandi bifreiðum til
að ljúka kostnaði vegna þessa og
greiðslu sektar.
Hækkun á aðgangseyri
sundstaða samþykkt
BORGARSTJÓRN samþykkti sl.
fimmtudag meó 12 atkvæðum gegn
7 að hækka aðgangseyri að sund-
stöðum. Með þessari hækkun er gert
ráð fyrir því að aðgangseyrir að
sundstöðum borgarinnar standi und-
ir 70% af kostnaði, en undanfarið
hefur upphæð aðgangseyris verið
miðuð við það að hann standi undir
60% kostnaðar.
Þegar mál þetta var afgreitt í
íþróttaráði var hækkunin sam-
þykkt með atkvæðum ráðsmanna
Sjálfstæðis- og Framsóknar-
flokks, en fulltrúi Alþýðubanda-
lagsins greiddi atkvæði á móti. A
fundi borgarstjórnar kom fram sú
skoðun borgarfulltrúa Framsókn-
arflokksins að þeir væru á móti
hækkun aðgangseyrisins, en þrátt
fyrir það myndu þeir sitja hjá við
afgreiðslu málsins en ekki greiða
atkvæði á móti. Alþýðubandalagið
lýsti hins vegar yfir því að það
væri á móti hækkuninni og sama
gerði Kvennaframboðið.
Hér fylgir hin nýja gjaldskrá
sundstaðanna og er nýja verðið í
fyrsta dálki. í öðrum dálki innan
sviga er gamla verðið, en í þriðja
dálki eru hækkanir í prósentum.
Einstakir miðar, fullorðnir Kr. 15,- (12,-) 25%
Einstakir miðar, börn 7,- (6,-) 16%
10 miða kort, fullorðnir 105,- (84,-) 25%
10 miða kort, börn 50,- (40,-) 25%
10 miða kort, aldraðir 52,- (42,-) 23%
Gufubað 27,- (22,-) 22%
Leiga á handklæði og skýlum 15,- (12,-) 25%
10 miða kort, sundæfingar 16 ára og eldri 40,- (30,-) 33%
10 miða kort, sundæfingar yngri en 16 ára 20,- (15,-) 33%
í & >m| ”þi‘ ■:£, ' 1 4. m U h » * t V" ( mu t
J. L . 'lmmm í * Sf
t-' m i || I
Austurstræti þar sem byggingarnar munu væntanlega standa.
Ljósm. Mbl. Ól.K.M.
Rísa „léttar“ þjónustu- og versl-
unarbyggingar í Austurstræti?
BORGARSTJÓRN samþykkti á
fundi sínum sl. fimmtudag að vísa
til skipulagsnefndar tillögu
Kvennaframboðs um, að fram fari
samkeppni um útlit „léttrar" þjón-
ustu- og verslunarbyggingar í Aust-
urstræti. Var það gert að tillögu
borgarstjóra.
Forsaga málsins er sú að fyrir
nokkru sótti fyrirtækið Upplýs-
ingar sf. um leyfi til byggingar
„léttrar" þjónustu- og verslun-
arbyggirigar í göngugötunni í
Austurstræti og vísaði borgar-
ráð erindinu til skipulagsnefnd-
ar. í skipulagsnefnd lét meiri-
hlutinn í ljós þá skoðun að hann
væri hugmyndinni hlynntur, en
hún lýtur að því að reistir verði
léttbyggðir söluskálar vestantil í
göngugötunni. Þar er gert ráð
fyrir slíkum byggingum. Tillaga
Upplýsinga sf. var sýnd á líkani
á fundinum og taldi meirihluti
skipulagsnefndar að rétt væri að
óska eftir útfærslu sem gerði ráð
fyrir lægri byggingum.
Á fundinum kom í ljós sú
skoðun Alþýðubandalagsins að
rétt væri að athuga byggingar-
möguleika, en hins vegar yrði að
kanna hvers konar aðilum yrði
úthlutað svæðinu.
Á borgarstjórnarfundinum
taldi Kvennaframboðið að Upp-
lýsingar sf. ættu ekki að sjá um
verkið eitt fyrirtækja, heldur
væri rétt að efna til samkeppni
um útlit bygginganna. Að öðru
leyti lýsti Kvennaframboðið sig
hlynnt hugmyndinni.
STUTTFRÉTTIR ÚR BORGARSTJÓRN
Leigumiðlun
ekki studd
Erindi Leigjendasamtakanna
um fjárstuðning vegna leigumiðl-
unar hlaut ekki stuðning á síðasta
fundi borgarstjórnar, en málið var
þá á dagskrá. 8 borgarfulltrúar
vinstri flokkanna greiddu erind-
inu atkvæði, en Kristján Bene-
diktsson borgarfulltrúi Fram-
sóknarflokksins og borgar-
fulltrúar Sjálfstæðisflokksins
sátu hjá við atkvæðagreiðsluna.
Athygli vakti á fundinum sú yf-
irlýsing Magdalenu Schram, vara-
borgarfulltrúa Kvennaframboðs,
um að hún hefði gert mistök í at-
kvæðagreiðslu í borgarráði, en þar
fékk erindi Leigjendasamtakanna
1 atkvæði Alþýðubandalags gegn 1
atkvæði Kvennaframboðs. Magda-
lena greiddi hins vegar atkvæði
með erindinu við umfjöllun borg-
arstjórnar.
Nýbygging á
Grettisgötu
Borgarstjórn samþykkti með 14
samhljóða atkvæðum að leyfa
nýbyggingu á lóðinni Grettisgötu
5. Gert er ráð fyrir því að nýbygg-
ing á lóðinni og nýbygging á lóð-
inni Klapparstígur 38 verði sam-
byggðar, samkvæmt uppdrætti
sem Borgarskipulag hefur gert af
lóðunum.
Húsmóöurstörf metin
Guðrún Jónsdóttir borgar-
fulltrúi Kvennaframboðs hefur
lagt fram tillögu þess efnis að.
samþykkt verði fyrir næstu al-
mennu kjarasamninga borgarinn-
ar og Starfsmannafélags Reykja-
víkurborgar, að kannað verði hve
margar þeirra kvenna sem starfa
hjá borginni, hafi unnið við hús-
móðurstörf áður en þær hófu þar
störf. Einnig verði kannað hver
kostnaðarauki borgarsjóðs yrði,
„verði starfsreynsla þeirra kvenna
í húsmóðurstörfum metin til jafns
við reynslu í öðrum störfum", eins
og segir í tillögunni. Tillaga þessi
er nú til umsagnar hjá starfs-
mannastjóra Reykjavíkurborgar.
Hrafn í fram-
kvæmdastjórn
Borgarráð samþykkti nýlega
með 3 samhljóða atkvæðum að til-
nefna Hrafn Gunnlaugsson í
framkvæmdastjórn Listahátíðar.
Þessi samþykkt var síðan staðfest
á borgarstjórnarfundi sl. fimmtu-
dag.
Rúmar 1,3 milljónir
sóttu laugarnar
Nýlega var lögð fram skýrsla í
íþróttaráði Reykjavíkur um að-
sókn að sundstöðum borgarinnar
og kemur þar fram að árið 1982
sóttu alls 1.321.096 laugarnar. Er
hér um umtalsverða fjölgun að
ræða frá árinu 1981, eða um
123.583, sem jafngildir 10,3%
aukningu.
Þá hefur íþróttaráð óskað heim-
ildar borgarráðs til að kaupa tvo
sólarlampa til þess að koma fyrir í
sundlaugunum í Laugardal.
Gjaldtaka á
gæsluvöllum
Borgarstjórn samþykkti á fundi
sínum sl. fimmtudag að taka gjald
fyrir veru barna á gæsluvöllum og
mun 10 miða kort kosta 100 krón-
ur en 25 miða kort verða á 200
krónur. Mun gjaldtaka þessi hefj-
ast innan tíðar, en ekki er ákveðið
hver dagsetningin verður. Við um-
ræður í borgarstjórn lýstu full-
trúar minnihlutaflokkanna sig
andvíga þessari gjaldtöku.
Athugun um byggingu
skóla við Framnesveg
Nú standa yfir athuganir á
hugsanlegri byggingu skóla á lóð
við Framnesveg og hefur Ingi-
mundur Sveinsson arkitekt ritað
fræðsluráði bréf þar að lútandi. Á
borgarstjórnarfundinum kom sú
tillaga fram frá Alþýðubandalag-
inu að efnt verði til samkeppni um
skólabyggingu á þessum stað.
Þeirri tillögu var vísað frá, sam-
kvæmt tillögu borgarstjóra. Gat
hann þess, að aldrei fyrr hefði
jafn mikið samstarf og samráð
verið haft við fræðsluráð um
skipulagsmál en verið hefði það
sem af væri þessu kjörtímabili.
Frávísunartillaga borgarstjóra
var samþykkt með 12 atkvæðum
Sjálfstæðisflokks gegn 8 atkvæð-
um minnihlutans, en fulltrúi Al-
þýðuflokksins, Sigurður E. Guð-
mundsson, sat hjá.
4 staðir hugsanlegir
fyrir söluíbúöir aldraðra
Nýlega var lögð fram í skipu-
lagsnefnd Reykjavíkurborgar til-
laga að staðsetningu söluíbúða
fyrir aldraða og var það meirihluti
nefndarinnar sem lagði tillöguna
fram. Skipulagsnefnd bendir á eft-
irfarandi staði fyrir söluíbúðir
fyrir aldraða: 1. svæði við Bólstað-
arhlíð, sunnan við Æfinga-
kennaraskólann, 2. nýr Miðbær í
Kringlumýri, 3. svæði við Glæsibæ
eða norðan við hús Tennis- og
badmintonfélags Reykjavíkur, 4.
Eiðisgrandi á miðsvæði.
í tillögunni kemur og fram að
Borgarskipulagi verði falin frek-
ari athugun og áætlanagerð varð-
andi byggingarmagn og afmörkun
lóða á framangreindum svæðum.
Athuganirnar verði lagðar fyrir
skipulagsnefnd fyrir 7. febrúar.
Þá vísaði skipulagsnefnd málinu
til umsagnar Framkvæmdanefnd-
ar stofnana I þágu aldraðra.
Atkvæðagreiðsla í borgarstjórn. Á myndinni eru borgarfulltrúarnir (frá vinstri): Jóna Gróa Sigurðardóttir, Hilmar
Guðlaugsson, Markús Órn Antonsson, Vilhjálmur Þ. Vilhjálmsson og Sigurjón Fjeldsted.