Morgunblaðið - 18.03.1983, Blaðsíða 23

MORGUNBLAÐIÐ, FÖSTUDAGUR 18. MARZ 1983
23
Hávaðamengunin mun því, að áliti
inuit, hafa mjög afdrifaríkar af-
leiðingar á þessu svæði.
Tankskipin munu einnig skilja
eftir sig stórar og breiðar rennur í
ísinn, sem geta orðið stórhættu-
legar fyrir þá veiðimenn, sem
ferðast langar vegalengdir á ísn-
um og notast auðvitað við hunda-
sleða. Erfitt mun vera að koma
auga á vakir eða rennur í ísnum,
sem fljótt verða þaktar þunnum
ís, oft með snjólagi yfir. Einnig
geta myndast stórar ísflögur og
veiðimennirnir geta átt á hættu að
vera allt í einu á stórum ísjaka
sem flýtur til hafs. Veiðar á ís
munu því verða margfalt hættu-
legri en áður.
Menn óttast ennfremur hvað
muni gerast ef eitt af þessum
stóru skipum muni lenda í ein-
hverjum vandræðum. Sérfræð-
ingar halda því til dæmis fram, að
ef slíkt skip springur í loft upp, sé
hægt að líkja því við minniháttar
kjarnorkusprengju. Enginn hefur
hins vegar þorað að hugsa um,
hverjar afleiðingarnar yrðu af
slíkri sprengju.
Olíumengun er líka eitt af þeim
óhöppum sem hugsanlega gætu
Komið fyrir. Olíumengun á
heimskautasvæðunum er sérlega
erfið viðureignar, m.a. vegna hins
kalda loftslags, sem veldur að
olían sekkur ekki. Og olían er al-
gjör dauðagildra fyrir spendýrin,
þvi ef þau fá olíu í öndunarfærin,
eru þau feig.
Kröftug mótmæli
Þó hér hafi verið stiklað á stóru,
furðar það sennilegast engan, sem
lesið hefur ofanskráðar lýsingar,
hve mikið inuit eru á móti APP-
áætluninni. Og er hér þá átt við
inuit í Kanada, Alaska og á Græn-
landi. Grænlenska landsþingið
fordæmdi einróma áætlunina sl.
haust og bæði Alaska og Kanada
fylgdu fljótt á eftir.
Og inuit geta hrósað sigri í
fyrstu lotu, því eftir ótal rann-
sóknir sérfróðra manna, svo og
viðtöl og yfirheyrslur, hafa
þvingað áðurnefnd fjögur stórfyr-
-irtæki til að fresta áætluninni. En
þó áætlunin hafi verið sett á hill-
una, halda inuit þó áfram rann-
sóknum sínum og leita stuðnings
annarra landa. Og að sjálfsögðu
sitja hin fjögur fyrirtæki ekki
auðum höndum, því nú er verið að
leita að væntanlegum kaupendum
á gasinu, sem fullvinna á í Suð-
austur-Kanada. Vitað er, að fyrir-
tækin eiga í nokkrum erfiðleikum
með að finna kaupanda, þar sem
gas þetta verður eitthvað dýrara
en markaðsverðið er í dag.
Formaður inuit-samtakanna,
ICC, segir að ef Evrópulöndin vilji
kaupa gasið, óttist menn að APP-
áætlunin verði samþykkt í kan-
adíska þinginu. Því það segir sig
sjálft að ef góðir og fastir kaup-
endur finnast, þýðir það ótrúlega
stórar fjárhæðir til Kanada.
„Við óttumst að lífsskilyrði
okkar og tilveruréttur muni
hreinlega hverfa ef af áætluninni
verður. Lífsafkoma inuit á þeim
svæðum þar sem mengunar frá
siglingunum kemur til með að
gæta, byggist eingöngu á veiðum
og þetta fólk hefur ekki í önnur
hús að venda hvað snertir
atvinnumöguleika," segir Hans-
Pavia Rosing.
Og hann heldur áfram: „Þótt við
teljum það sem nokkurs konar sig-
ur, að APP-áætluninni hafi verið
frestað um óákveðinn tíma,
óttumst við að það sé aðeins tíma-
spursmál hvenær menn halda
áfram. Við í ICC höfum gert þetta
mál að stefnumáli okkar og mun-
um ekki gefast upp fyrr en alveg
hefur verið hætt við þessa áætl-
un.“
Að lokum sagði Hans-Pavia
Rosing, að inuit-samtökin hefðu
þegar hlotið góðan stuðning frá
mörgum Evrópuþjóðum í þessu
máli, og segir einnig að inuit þurfi
líka á öllum þeim stuðningi að
halda, sem þeir geta fengið í þessu
máli.
P.s.
(Hafa íslendingar veitt þeim
stuðning?)
Gáfu
sjúkraböð
NÝLEGA heimsóttu félagar í
Lionsklúbbnum Ægi Hrafnistu í
Reykjavík og færðu heimilinu að
gjöf þrjú fullkomin sjúkraböð af
ARJO-gerð.
Böðin eru ætluð til nota á
vistdeildum Hrafnistu og er
þegar komin reynsla á þau, og
líkar vel.
Myndin er tekin af líknar-
nefnd Lionsklúbbsins Ægis við
afhendinguna.
Bílasýning
Nú breytir Ford um svip
Viö sýnum í fyrsta skipti á íslandi
FORD
SYNUM EINNIGr
Ford Fiesta — Escort — Taunus
KYNNING:
Sprite
frá verksm
Vifilfell.
Og svo er alltaf
heitt kaffi á könn-
unm.
Opið laugardag og sunnudag frá kl. 10—17.
SVEINN EGILSSON HF
SKEIFUNNI 17
SÍMI85100