Morgunblaðið - 18.03.1983, Blaðsíða 25
MORGUNBLAÐIÐ, FÖSTUDAGUR 18. MARZ 1983
25
Ferðasaga fjallgöngumanns
Erlendar
bækur
Einar Þ. Guöjohnsen
A Walk in the Sky
Höfundur: Nicholas Ciinch.
Útgefendur: The Mountaineers,
Seattle, og The American Alpine
Club, Inc., New York.
Á árunum 1956—1957 gegndi
höfundur þessarar bókar herþjón-
ustu hér á íslandi. Hann var þá
þegar einlægur áhugamaður um
allar fjallaíþróttir og setti sig
fljótt í samband við íslenzka
áhugamenn í fjallamennsku.
Jöklarannsóknafélagið varð fyrir
valinu og þannig þróuðust málin,
að á fundi þess félags í Oddfell-
ow-húsinu (Tjarnarcafé) sýndi
Nick myndir frá Vesturfjöllum
Kanada og sagði frá ferð sinni
þangað. Þessi Kanada-leiðangur
var gerður út frá Seattle og í frá-
sögn sinni nefndi hann nokkra
fjallgöngukunningja mína frá
Seattle-árum mínum. Þessi sam-
eiginlegu kynni okkar urðu til
nánari vináttu, sem enn endist, og
á Keflavíkurárum sínum hafði
Nick ótakmarkað Reykjavíkur-
athvarf á heimili mínu.
Nick eignaðist að sjálfsögðu
marga aðra vini og kunningja hér
í Reykjavík, sem hann heldur enn
sambandi við. Ásamt tveim vinum
sínum hér, þeim Sigurði S. Waage
og Finni Eyjólfssyni, varð hann
fyrstur til að klífa Hraundranga
við Öxnadal sumarið 1956. Það er
Nicholas Clinch
alltaf mesta afrekið að verða
fyrstur til, þó að fleiri hafi seinna
fetað í fótspor þeirra. Árið 1954
fæddist fyrst hjá höfundi bókar-
innar hugmyndin að safna saman
leiðangri til Himalaya (Nepal) eða
Karakoram (Pakistan), fyrst og
fremst með það í huga að klífa
8.000 metra tind. Hugmyndin þró-
aðist næstu ár, meðal annars á ís-
landi, og með frábærri þrautseigju
tókst að safna saman hæfu liði og
að fá fjallgönguheimild frá Pak-
istan til göngu á Gasherbrun I
(Hidden Peak), að gera drauminn
að veruleika.
Margar aðrar þjóðir hafa glímt
við hæstu fjöll heims á þessum
slóðum, en Bandaríkjamenn urðu
útundan, m.a. vegna þess, að fjár-
hagsstuðningur var ekki á þjóð-
lega vísu.
En í bókinni er sagt frá öllum
aðdraganda ferðarinnar, fjár-
stuðningi og leitinni að hæfum
fjallgöngumönnum. Með þraut-
seigju leystust þessi mál sem önn-
ur og leiðangurinn varð að veru-
leika. Ekki var minna um vert að
fá nægan fyrsta flokks útbúnað og
mat, en leitað var til beztu fram-
leiðenda í öllum löndum. Það
tókst.
Pakistanar sjálfir lögðu sitt til,
bæði fullgilda fjallgöngumenn og
hina sígildu burðarmenn, sem þó
voru meira metnir í þessum leið-
angri en almennt gerðist á þeim
árum.
Til að gera langa sögu stutta var
það svo, að 2 leiðangursmenn
stóðu á hæsta tindi fjalisins 5. júlf
1958, í 26.470 feta eða 8.073 m hæð,
fyrstir manna. Þeir sterkustu í
hópnum höfðu verið valdir til
fyrstu atlögu við tindinn en þeir
voru 2 af frábærustu fjallgöngu-
mönnum Bandaríkjanna, Andy
Kauffman og Pete Schoening. Sá
síðarnefndi vann það einstæða af-
rek árið 1953 að stöðva fall 5 fé-
laga sinna í 25.000 feta hæð á K2,
næsthæsta fjalli heims.
Nick skrifaði ferðasöguna árið
1959 og fyrst 13 árum seinna er
ferðasagan gefin út í bókarformi.
Bókin er öll þrungin frásagn-
argleði og áhuga og verður ekki
leið lesning neinum þeim, sem vill
kynna sér og meta unnin afrek.
Bókin er frábær.
Einar Þ. Guðjohnsen
,MEGRUN
ANJWEÐU
með Firmaloss megrunarfæðinu frá Weider Products
Það er vart hcegt að hugsa sér einfaldari leið til megrunar i,
en að drekka reglulega eitt glas af góðum súkkulaðidrykk.
Hver poki af Firmaloss megrunardufti inniheldur 20 gr. sem eiga að kotna
í staðinn fyrir eina eða fleiri máltíðir á dag. Þú hrœrir einfaldlega
innihald pokans saman við stórt glas (ca. 250 ml.) af nýmjólk, léttmjólk,
eða undanrennu, hrcerir vel í, og drykkurinn er tilbiiinn.
Eitt glas af Firtnaloss súkkulaðtdrykk / stað heiUar máltíðar.'
Leiðbeiningar á Islensku fylgja
meö hverjum pakka af Firmaloss.
Hvar daflskammtur ar sérpakkaöur
I
Þú hellir I stórt glas (ca 250 ml.)
nýmjólk, léttmjólk, eöa undanrennu
kSföan hellir þú Firmaloss
'megrunarduftinu útl glasiö
| Aö lokum hrærir þú vel I þannig aö
| duftiö blandist vel saman viö og
þá er drykkurinn tilbúinn
EINKAUMBOO
HEIMAVAL 44440M'
ÚTSÖLUSTAÐUR
ÆFINGASTÖÐIN. ENGIHJALLA 8, KÓPAVOGI
KlipptA út og sendið
NAFN:
HEIMILI
PÓSTNR:
Póstv. Heimaval Box 39 202 Kópavogi
Á hljómplöt-
unni „Við er-
um fólkið“
eru alls 17
verk.
,VjÁ
MAÍKÓRINN
verkalýðssöngvar og
a*t tjarðarsöngvar
Stjóriutndi Sigurtiwinn Magnúr#*««i
Sterkur tónn
þjóðerniskenndar
Hljóm
plotur
9
Arni Johnsen
Kunnir verkalýðs- og ættjarð-
arsöngvar, sem gjarnan voru
sungnir við ýmis tækifæri fyrr á
árum, eru undiraldan á nýrri
hljómplötu Menningar- og
fræðslusambands alþýðu, en
platan ber nafnið „Við erum
fólkið", og er sungin af Maíkórn-
um undir stjórn Sigursveins
Magnússonar. Það er sterkur
tónn í þessari plötu, blússandi
þjóðerniskennd, en þó reikna ég
með að lögin og textarnir hafi
verið sungnir af meiri innlifun
og þrótti þegar bezt lét hér áður
fyrr, ekki eins vel frá sviði tón-
mennta, en betur miðað við til-
finningar verkafólks og titring í
brjósti. „Við erum fólkið", er
vönduð plata og fjölbreytt og
það er fengur í henni í þeim til-
gangi m.a., eins og vakir fyrir
útgefendum, að varðveita og
endurvekja lögin og ljóðin.
Menningar- og fræðslusam-
band alþýðu hefur nokkuð lengi
haft í bígerð að gefa út hljóm-
plötu af þessu tagi, en oft hefur
þótt skorta hljómplötu með
verkalýðssöngvum, ekki síst
þeim, sem voru sungnir á árum
áður, en hafa heyrst sjaldnar í
seinni tíð. Efni hljómplötunnar
er fjölbreytt og höfðar þannig til
allra, sem ánægju hafa af söng.
Efnið er valið í samvinnu við
Sigursvein D. Kristinsson, en
hann hefur löngum reynst
verkalýðshreyfingunni traustur
liðsmaður, ekki síst þegar tón-
listin er annars vegar.
í Maíkórnum eru 28 söngvar-
ar, karlar og konur, sem tóku
höndum saman í maímánuði síð-
astliðnum og sungu lögin, sem á
plötunni eru. Margir hljóðfæra-
leikarar koma við sögu, en upp-
töku annaðist Sigurður Rúnar
Jónsson (Stúdíó Stemma). Hann
annaðist sömuleiðis hljóðblönd-
un ásamt stjórnandanum Sigur-
sveini Magnússyni. Umslagið
hannaði Magnús Valur Pálsson.
Plötunni fylgir vandað texta-
blað, þar sem eru glöggar upp-
lýsingar um hvert verk.
Meðal laganna á plötunni eru:
Hver á sér fegra föðurland, Sjá
ungborna tíð, Bræður til ljóssins
og lausnar, Fylgd, Til átaka,
Einingarsöngur, Fyrsti maí, Sjá
roðann í austri, Við erum fólkið,
Skilmálarnir, Rauði sjóliðinn,
Söngur verkamanna, Stormur-
inn þýtur, Rís þú unga íslands-
merki, Fánasöngur rauðliðanna,
Þú veizt í hjarta þér og Internat-
ionalinn.
Kyndug
samsetning
Hljóm
plotur
s
Finnbogi Marinósson
Orghestar
Konungur spagheUífrumskógarins
ORG001
Orghestarnir voru líkast til
fyrstir íslendinga með plötuút-
gáfu á nýja árinu er þeir sendu
ofangreinda fjögurra laga 45
snúninga plötu frá sér. Þótt plat-
an sé nýlega komin út er efnið á
henni ekkert nýtt því það var að
mestu tekið upp haustið 1981.
Það eru þeir Benóný Ægis-
son/söngur og hljómborð, Sig-
urður Hannesson/trommur,
Gestur Guðnason/gítar og söng-
ur og Brynjólfur Stefánsson/-
bassi, sem skipa Orghestana.
Benóný er höfundur allra text-
anna og þriggja laga að auki,
Gestur er skrifaður fyrir fjórða
laginu.
Tónlist þeirra félga er ansi
kyndugt samsafn. Ægir saman
alls kyns áhrifum, allt frá því
fyrir 1970 og til dagsins í dag.
Nægir að nefna greinileg ska-
áhrif í laginu Lafir það litla og
reggae-fönk í laginu Kannski.
Lögin eru misjöfn að gæðum,
en Þemasem eftir Gest sýnu lak-
ast. Hin mjög svipuð að gæðum
þótt ólík séu þau innhvrðis.
Flogið í fjórvídd ágætt, s\o og
Lafir það litla og Kannski. I öll-
um tilvikum stórskemmir afleit-
ur söngur fyrir í lögunum og
bakraddirnar í Lafir það litla
eru í algerri þversögn við tón-
listina, minna einna helst á
barnakór.
Hljóðfæraleikur er gegnum-
gangandi ágætur. Mest ber á
prýðisgóðum gítarleik Gests og á
köflum sýnir hann svo ekki verð-
ur um villst, að hann kann sitt
fag og vel það. Trommuleikur
Sigurðar kemur yfirleitt þokka-
lega út, þótt stundum finnist
mér hi-hattinn óþarflega oft
opinn. Lítið fer fyrir hljóð-
borðsleik Benónýs, en bassinn
hjá Brynjólfi er það, sem veldur
mér mestum vonbrigðum.
Hljómurinn „blöðrukenndur",
nema rekja megi það til slæ-
legrar hljóðblöndunar. Úr því
minnst er á blöndun sakar ekki
að geta þess, að bassatromman
er yfirleitt alltof sterk og bylj
andi.
Þetta er plata, sem erfitt er að
setja í einhvern ákveðinn flokk
Þeim mun erfiðara er að gera sér
grein fyrir kaupendahópnum.
Eitt verður þó með sanni sagt
um þessa tónlist. Hún er ekki
söluvara.