Morgunblaðið - 12.01.1990, Blaðsíða 5

MORGUNBLAÐIÐ FÖSTUDAGUR 12. JANÚAR 1990
5
Innflutningiir
á rotmassa:
Frekari upp-
lýsinga
verður aflað
Landbúnaðarráðuneytið hefúr
falið Rannsóknarstofnun land-
búnaðarins í samvinnu við yfir-
dýralækni að afla frekari upplýs-
inga um cfnainnihald og fram-
leiðsluferil rotmassa, og mun yfir-
dýralæknir fara til Englands og
heimsækja verksmiðjuna þar sem
rotmassinn er iramleiddur.
Rotmassinn inniheldur hálm, en
samkvæmt lögum um búfjársjúk-
dóma er innf lutningur á hálmi óleyfi-
legur vegna hættu á að með honum
geti borist smitsjúkdómar. Af þeim
sökum hefur Rannsóknarstofnun
landbúnaðarins í samráði við yfir-
dýralækni og landbúnaðarráðuneytið
ákveðið að fallast ekki á frekari inn-
flutning á rotmassa að svo stöddu.
I fréttatilkynningu frá landbúnað-
arráðuneytinu segir að ráðuneytið
muni ekki taka ákvörðun í þessu
máli fyrr en að fengnum öllum fáan-
legum upplýsingum, og á grundvelli
ítarlegrar sérfræðilegrar skoðunar
og faglegs mats á sjúkdómahættu
samfara þessum innflutningi. Þar
segir ennfremur að hagsmunir þeir
sem séu í húfi séu meiri en svo, að
ákvörðun geti undir nokkrum kring-
umstæðum ráðist af aðstæðum ein-
stakra framleiðenda.
SS auglýsir
10 þúsund
fermetra
hús til leigri
HÚS Sláturfélags Suðurlands á
Laugarnestanga hefúr verið aug-
lýst til leigu, og að sögn Steinþórs
Skúlasonar, forstjóra SS, hafa
nokkrir aðilar sýnt því áhuga.
Hann sagði að verið væri að kanna
möguleika á því að hafa eigna-
skipti á húsinu við ríkið, en á
meðan það væri ekki frágengið
þyrfti að hafa einhverjar tekjur
af því.
I haust var til athugunar að
menntamálaráðuneytið keypti húsið
fyrir starfsemi Listaháskóla íslands,
en ekki var gert ráð fyrir því á fjár-
lögum fyrir 1990.
Húsið er um 10.300 fermetrar að
stærð, og að sögn Steinþórs er þar
aðallega um að ræða stóra sali, en
hluti þess gæti nýst sem skrifstofu-
húsnæði. Hann vildi ekki tjá sig um
hver hugsanleg leiga gæti verið fyrir
húsið, en það færi eftir því til hvers
það yrðu notað. Aðspurður sagði
hann að aðalstöðvar Sláturfélags
Suðurlands yrðu áfram við Skúla-
götu í einhvern tíma, en það færi
eftir samkomulagi við Reykjavíkur-
borg hve lengi það yrði.
Hjón verða ná-
grannaprestar
PRÓFASTUR Austfjarðaprófasts-
dæmis sr. Þorleifúr Kj. Krist-
mundsson stýrði nýlega kjör-
mannafúndi þar sem íram fór val
á sóknarpresti í Djúpavogspresta-
kalli.
Sr. Sigurður Ægisson, sem hefur
þjónað því undanfarin ár, er nú sókn-
arpestur í Bolungarvík.
Einn umsækjandi var um Djúpa-
vogsprestakall sr. Sjöfn Jóhannes-
dóttir og var hún valin með atkvæð-
um flestra kjörmanna. Sjöfn lauk
guðfræðiprófi frá Háskóla íslands
árið 1987 og var vígð sem aðstoðar-
prestur til Kolfreyjustaðarprestakalls
haustið 1988 og gegndi því starfi frá
janúar—mars 1989.
Undanfarið hefur hún þjónað
Bjarnarnesprestakalli í Skaftafells-
prófastsdæmi í námsleyfi sóknar-
prestsins þar.
Maður Sjafnar er sr. Gunnlaugur
Stefánsson, sóknarprestur Heydöl-
um. Verða þau hjónin því nágranna-
prestar.
SLEPPTU EKKI
HENDINNI
AF HEPPNINNI!
Hvergi í heiminum er jafnhátt vinningshlutfall og hjá Happdrætti Háskólans,
því 70% af veltunni renna beint til vinningshafa! Þar með er vinningsvonin hvergi jafnmikil
og hjá Happdrættinu. 1 ár eru yfir 2000 milljónir króna í pottinum. í raun gæti annár hver íslendingur
hlotið vinning því að vinningarnir eru 135.000 talsins. Mest getur þú unnið 45 milljónir á eitt
númer - allt skattfrjálst. Með trompmiða er hægt að vinna 10 milljónir króna í hverjmn
mánuði og 25 milljónir í desember.
Tryggðu þér happamiða strax — þú mátt bara til!
HAPPDRÆTTI
HÁSKÓLA íslands
vænlegast til vinnings
Miðaverð: 500 kr.