Morgunblaðið - 12.01.1990, Blaðsíða 11

MORGUjNBLAiÐIÐ FQSfryDAGUR.ilg. ^ANjÚARj 1990
11
u
1
I
I
I
„Endurreisn“ Þjóðleikliússins
eftir Hörð Bjarnason
Þjóðleikhúsið er eign íslensku
þjóðarinnar og eitt af menningar-
verðmætum hennar. Byggingin í
heild er tvímælalaust eitt metn-
aðarfyllsta verk Guðjóns Samú-
elssonar, fyrrv. húsameistara
ríkisins, þar sem koma fram
bestu og áhrifamestu stíleinkenni
hans í byggingarlist.
Það varð hlutskipti mitt að
verða nánasti samstarfsmaður
Guðjóns Samúelssonar, sem for-
maður byggingarnefndar Þjóð-
leikhússins frá árinu 1944, þegar
m.a. til þess kom að innrétta
húsið. Mér er því öðrum fremur
kunnugt um þá miklu alúð, vand-
virkni og metnað sem Guðjón
hafði við allt innra skipulag húss-
ins.
Breytingartillögur byggingar-
nefndar þeirrar, sem mennta-
málaráðherra hefir nú síðast
skipað sér til ráðuneytis um „end-
urreisn“ leikhúsbyggingarinnar,
einkum á áhorfendasal, ganga-
rými og anddyri, virðast með öllu
ónauðsynlegar og óraunhæfar.
Þessum hugmyndum nefndarinn-
ar og hins erlenda sérfræðings
hennar hlýt ég að mótmæla harð-
lega. Ég tel að þær stuðli engan
veginn að „betra“ leikhúsi, eins
og haldið hefir verið fram. Hin
upphaflega og núverandi gerð
áhorfendasalarins hefur fest
slíkar rætur í vitund þjóðarinnar,
að þar má sem minnstu breyta.
Telja má hins vegar eðlilegt, að
bætt verði aðstaða á leiksviði og
að tjaldabaki. Tímabært er að
kröfum nútímans verði fylgt;
bætt verði fyrir ýmsar van-
rækslusyndir í sjálfsögðu og
nauðsynlegu viðhaldi hússins, en
í því efni hefir til þessa um langt
árabil skort skilning stjórnvalda
til úrbóta.
Þjóðleikhúsinu er óskað vel-
farnaðar og jafnframt að íslensk
leiklist megi blómgast og dafna
í þeirri listrænu og hagkvæmu
umgerð, sem henni var búin í
upphafi.
Höfundur er fyrrverandi
húsameistari ríkisins.
Hörður Bjarnason
Nei&id um skoð-
anakannanir
Menntamálai’áðherra, Svavar
Gestsson, hefur ákveðið að skipa
nefnd, er kanni hvort rétt sé að
setja lög eða koma á reglum um
skoðanakannanir.
Akvörðunin byggir á þingsálykt-
un, sem samþykkt var á Alþingi 11.
maí 1988 og mælti fyrir um skipun
nefndarinnar og verksvið hennar.
Nefndin á samkvæmt þingsályktun-
inni einnig að kanna hvort fullnægj-
andi sé, að koma á fót samstarfi
þeirra sem fást við skoðanakannanir
og tryggja að þeir setji sér starfs-
og siðareglur sem eftir verði farið
án þess að lagasetning komi til.
Leitað verður eftir tilnefningum í
nefndina frá dóms- og kirkjumála-
ráðuneytinu, Félagsvísindadeild Há-
skóla Islands, Heimspekideild Há-
skóla íslands en þar er óskað sérstak-
lega eftir að tilnefndur verði kennari
í siðfræði, Blaðamannafélagi íslands
og Gallup á íslandi.