Ársrit Ræktunarfélags Norðurlands - 01.01.1926, Síða 28

Skipulagsskrá
fyrir
Æfitillagasjóð Rœktunarfjelags Norðurlands.
1. gr.
Sjóðurinn heitir Æfitillagasjóður Ræktunarfjelags Norð-
urlands og stendur undir stjórn Ræktunarfjelagsins.
2. gr.
Tilgangur sjóðsins er, að styrkja útgáfu Ársrits Rækt-
unarfjelagsins með 500 kr. af vöxtum sjóðsins árlega.
Afgangur vaxtanna leggist við höfuðstólinn þar til hann
er orðinn fullar 20.000 kr. Skal þá fjelagsstjórninni heim-
ilt að verja vöxtunum til ársritsins og annara búfræðis-
rita, er fjelagið kynni að gefa út og fjelagar fái ókeypis.
3. gr.
Fari svo, að öllum vöxtum sjóðsins verði eigi varið
samkvæmt fyrirmælum annarar greinar, leggist þeir við
höfuðstól sjóðsins.
4. gr.
Meðan þörf er á, má sjóðurinn vera í veltu fjelagsins
gegn 4% vöxtum, að öðrum kosti ávaxtist hann í bönk-
um eða öðrum tryggum sjóðum eða verðbrjefum.