Ársrit Ræktunarfélags Norðurlands - 01.01.1926, Blaðsíða 52

54
stríðum straumi, heldur en ef hringrásin verður að mynd-
ast fyrir hitamismun hins heita og kalda vatns, eins og
á sjer stað í miðstöðvum. Ennfremur, ef húsin eru bygð
á síheitum grunni í nágrenni hveranna, sparar hitinn frá
jarðveginum að einhverju eða öllu leyti frekari upphitun.
3) Par, sem hitagjafinn er óþrjótandi og yfírdrifinn, er
engin ástæða til að vanda sjerstaklega til byggingu hús-
anna, í því augnamiði að gera þau hlý, hægt að komast
af með einfalt þak úr þunnu gleri og veggi svo þunna,
sem frekast er hægt, án þess að veikja burðarmagn þeirra
um of.
í þriðja lagi mundi sparast vinnuafl það, sem gengur
til að kynda og hirða eldstæði.
Alt þetta samanlagt hlýtur að gera það að verkum, að
aðstaða vor til vermihúsaræktunar verður mun betri heldur
en nágranna vorra og vjer stöndum talsvert betur að
vígi til að keppa við ræktun undir náttúrlegum skilyrðum
heldur en þeir. Vitanlega kemur hjer fleira til greina svo
sem, samgöngur og aðstaða til markaðs, en að þar sje
um óyfirstíganlegar eða varanlegar hindranir að ræða,
fæ jeg eigi sjeð. Hjer er um atvinnuveg að ræða, sem á
vorn mælikvarða enganveginn er lítilfjörlegur eða tak-
markaður. Báðir vorir höfuðatvinnuvegir eru að meira
og minna leyti lamaðir helming ársins, en hjer er um
atvinnuveg að ræða, sem stendur í nokkurnveginn jöfn-
um blóma allan ársins hring. Hvort vjer í náinni framtíð
berum gæfu til að handsama þá miklu orku, sem' hjer
flýtur úr skauti jarðarinnar, getur aðeins ókomni tíminn
skorið úr.
Þau vermihús, sem þegar eru bygð hjer á landi, munu
vera 5 talsins og eru öll fremur smá. Á 4 þeirra er
komin nokkur reynd og eru þau öll starfandi í nágrenni
Reykjavíkur Og haga framleiðslu sinni eftir Reykjavíkur-
markaðinum, og munu það aðallega vera blóm og tómatar,