Ársrit Ræktunarfélags Norðurlands - 01.01.1926, Page 39

41
Nokkrum tegundum af trjáfræi var sáð í júní og spír-
aði flest af fræinu sæmilega, nema birkifræið, það spír-
aði ekkert, var það fræ hjeðan úr stöðinni. Reynifræi var
líka sáð hjeðan úr stöðinni, það spíraði ekki í sumar, en
von um að það spíri næsta sumar.
Það er margt, sem verður trjágróðrinum hjer á landi til
tafar, og kostar það bæði þolinmæði og þrautsegju, ef
nokkuð á að verða ágengt, en svo er nú með æðimargt
og ekki dugar að gefast upp eða láta erviðleikana vaxa
sjer í augum.
Trjáplöntupantanir bárust stöðinni víðsvegar að af
landinu og var það nokkuð meira en hægt var að af-
greiða. Er það aumt að geta ekki haft til nógar plöntur
handa þeim, sem hafa áhuga og einlægan vilja á að
rækta trje og annan gróður heima hjá sjer.
Nokkru af smáplöntum var plantað út í vor, eins
var líka plantað í skörðin, þar sem út hafði dáið, það
sem hægt var.
Trje og runnar byrjuðu snemma að springa út og
breiða úr laufi sínu í vor, en heldur var þeim hverft við
frostnæturnar, sem komu rjett fyrir miðjan maf, það kipti
nokkuð úr vexti í bili og margar plöntur voru lengi að
ná sjer. En um leið og tíðin batnaði, keptust trjen aftur
við að breiða út lauf og lim, og fyrir miðjan júní stóð
bæði reyniviðurj heggur o. fl. alsett blómum og sendu
ilm og angan í allar áttir.
Allir runnar laufguðust vel og blómstruðu. Ribs og
sólber blómstruðu vel, og stóðu alsett þroskuðum berj-
um f byrjun september. Sama er að segja um hindber,
þau báru bæði blóm og ber. Jarðarbérin blómstru mikið,
og þau útlendu báru dálítið af feikna stórum Og góðum
berjum, þó sumarið væri of votviðrasamt fyrir þau, og
mikið af þeim rotnaði niður hálf þroskað.
Græðlingar voru settir bæði af berja- og skrautrunn-