Ársrit Ræktunarfélags Norðurlands - 01.01.1926, Síða 53

55
sem þau framleiða. Annars er hægt að rækta fjðlda
nytjajurta í vermihúsum og skal jeg hjer nefna nokkurar.
1. Trjákendar plöntur svo sem: Ferskjur, Annanas,
Banana, vínvið o. fl.
Annanas og Bananar eru nú lítið ræktað í vermihúsum.
Vermihúsin hafa erfiðlega getað kept um þessa ræktun
við suðlægari lðnd, þar sem þessir ávextir vaxa við nátt-
úrleg skilyrði. Aftur á móti eru Ferskjur, sem þola illa
geymslu, mikið ræktaðar í vermihúsum, sömuleiðis vín-
ber fyrir þann tíma, sem þau þroskast á opnu landi.
2. Jurtkendar plöntur, sem krefjast birtu. Af þeim má
nefna: Melónur, agurkur, tómatar, kartöflur, blómkál o. fl.
Hinar þrjár fyrst töldu eru mjög algengar vermihúsajurtir,
þrátt fyrir það þó þær þoli nokkura geymslu, eins og
melónurnar. Aðallega mun þó ræktun þeirra í vermihús-
um bundin við að framleiða fyr en framleiðsla af opnu
landi kemur á markaðinn. Ræktun jarðepla og blómkáls
í vermihúsum mun einvörðungu bundin við framleiðslu
í maí —júní.
3. Jurtir ræktaðar í myrkri. Sem dæmi upp á slíkar er
rababar-, það er þó aðeins að nokkuru leyti, sem hægt
er að rækta rababar í vermihúsum án Ijóss. Plönturnar
þarf fyrst að ala upp 2 — 3 ár á opnu landi, áður en þær
eru settar í hús til ræktunar. Pessi ræktun er aðallega
framkvæmd undir bekkjum og hillum húsanna á vetrum.
Ef vermihúsaræktun í stærri stíl kæmist á stofn hjer
á landi, þá bæri fyrst og fremst að leggja kapp á að
fullnægja innanlandsmarkaði. Ætti það að vera auðgert,
bæði að fullnægja þörfinni og eins að standast samkepn-
ina af aðfluttum varningi, sem annaðhvort er framleiddur
í vermihúsum erlendis eða fluttur langt að við hjálp
margra milliliða.
Eftir hagskýrslunum hefir verið flutt inn í landið á ár-
unum 1921 — 1923 af eftirtöldum vörum (talið í kr.):