Morgunblaðið - 30.05.2002, Blaðsíða 31

LISTIR
MORGUNBLAÐIÐ FIMMTUDAGUR 30. MAÍ 2002 31
FASTEIGNIR Á COSTA BLANCA Á SPÁNI
Verð frá kr.
10.000.000
Parhús,
2-3 svefnherb.,
garður, þakverönd.
Bílastæði inni á lóðinni.
Íslenskir sölumenn á Spáni og hér heima bjóða ykkur velkomin
á kynningarfund laugardag 1. júní og sunnudag 2. júní
á Hótel Loftleiðum milli kl.13-17.
Kaffi á könnunni.
Símar á Íslandi: 699 0044, 696 1450. Sími á Spáni 00 34 65990 6690
Kr. 5.000.000
Íbúðir í blokk í Torrevieja,
allt í göngufæri.
Kr. 8.000.000
Raðhús, 2 svefnherb.,
garður eða þakverönd
nálægt miðbæ
Torrevieja.
Á
EUROFORMA S.L.
OG FOLD
FASTEIGNASALA
KYNNA UM HELGINA
Vandaðar og fallegar eignir - Allt að 80% kaupverðs lánað til 20 ára
FIMMTUDAGSTILBOÐ
BARNASANDALAR
Suðurlandsbraut
Sími 533 3109
Opið
mán.-fös. kl. 12-18
laugardaga kl. 10-16
Verð nú 1.995
Teg. SAB6447
Litur Bláir
Stærðir: 24-35
Verð áður: 2.995
„ÞESSIR tónleikar leggjast mjög vel
í mig. Það er orðið langt síðan ég hef
flutt þennan konsert með hljómsveit
en held honum alltaf við enda er ég
mikið að kenna hann, bæði hér heima
og erlendis. Hann hefur alla tíð verið í
miklu uppáhaldi hjá mér og sú tilfinn-
ing hefur ekkert minnkað með árun-
um,“ segir Guðný Guðmundsdóttir
um Fiðlukonsert í d-moll eftir Jean
Sibelius sem hún mun flytja á síðustu
tónleikum Sinfóníuhljómsveitar Ís-
lands á þessu starfsári. Þeir verða í
Háskólabíói í kvöld kl. 19.30. Á tón-
leikunum, sem eru í rauðri áskrifta-
röð, verður einnig flutt Sinfónía nr. 8 í
c-moll op. 65 eftir Dmitríj Sjostako-
vitsj. Stjórnandi er Rumon Gamba.
Guðný var ráðin fyrsti konsert-
meistari við Sinfóníuhljómsveit Ís-
lands haustið 1974. Hún gegnir þeirri
stöðu enn, nú ásamt Sigrúnu Eð-
valdsdóttur, og hefur í áranna rás
komið oftar fram sem einleikari með
hljómsveitinni en nokkur annar tón-
listarmaður.
Guðný lék Sibeliusar-konsertinn
fyrst fyrir meira en þrjátíu árum og
hefur gert það nokkrum sinnum síð-
an. „Það er hins vegar svo skemmti-
legt að frá því ég lék konsertinn síð-
ast hefur komið í leitirnar fyrsta
útgáfan að honum. Það hefur verið
gaman að bera þessar útgáfur saman.
Maður horfir svolítið öðrum augum á
konsertinn núna þegar maður veit að
hann var öðruvísi í upphafi,“ heldur
Guðný áfram en hún mun eftir sem
áður leika yngri útgáfuna. „Ég veit
ekki til þess að hægt sé að nálgast
þessa upprunalegu útgáfu og flytja
hana á tónleikum. Kannski verður
það hægt næst þegar ég spila kons-
ertinn?“
Sneisafullur
af tæknibrellum
Ætli nokkurn áheyranda á tónleik-
um Fílharmóníufélagsins í Helsinki
hinn 8. febrúar 1904 hafi grunað að
fiðlukonsertinn eftir Jean Sibelius,
sem var frumfluttur þennan dag, ætti
eftir að öðlast almenna hylli? Margur
hefur sennilega efast um að hann
myndi yfirleitt heyrast aftur.
Frumflutningurinn þótti nefnilega
klúður og einleikarinn, Viktor Nová-
cèk prófessor við Tónlistarakadem-
íuna, ekki ná sér á strik, enda kons-
ertinn sneisafullur af öllum
mögulegum og ómögulegum tækni-
brellum.
Sibelius ákvað að draga verkið til
baka og setjast aftur yfir það. Ný og
nokkuð stytt gerð konsertsins var
frumflutt af fiðluleikaranum Karel
Halír og Berlínarfílharmóníunni und-
ir stjórn Richards Strauss 19. októ-
ber 1905 og fékk betri viðtökur en hin
fyrri. Það var þó ekki fyrr en á fjórða
áratugnum sem konsertinn sló end-
anlega í gegn og komst í hóp vinsæl-
ustu verka sinnar tegundar, ekki síst
fyrir tilstilli snillingsins Jascha Hei-
fetz.
„Sibelius tókst að breyta konsert-
inum á einum mánuði,“ segir Guðný,
„og þótt gaman sé að heyra þessa
fyrstu útgáfu sér maður vel hvað
breytingarnar hafa skilað miklu.
Fiðlukonsertinn er eitt af stórkost-
legustu verkum hans.“
Guðný segir alltaf jafn ánægjulegt
að leika einleik með Sinfóníuhljóm-
sveit Íslands. „Hljómsveitin hefur
vaxið gríðarlega frá því ég kom þar
fyrst til starfa og leikur betur með
hverju árinu. Vonandi hef ég eitthvað
batnað líka,“ segir hún og hlær.
Þess má geta að á næstu dögum
kemur á markað ný geislaplata þar
sem Guðný leikur einleiksverk. Af
verkum sem hana prýða má nefna
frumútgáfu á Prelúdíu og tvöfaldri
fúgu um tónana B-A-C-H eftir Þór-
arin Jónsson. Þá leikur Guðný Sónötu
nr. 1 í g-moll fyrir einleiksfiðlu eftir
meistara J.S. Bach. Sónata Hallgríms
Helgasonar fylgir þar á eftir og loks
Offerto eftir Hafliða Hallgrímsson.
Diskinn tileinkar Guðný gömlum
kennara sínum og forvera í starfi
konsertmeistara, Birni Ólafssyni. Út-
gefandi er Polarfonia Classics ehf.
Áttunda sinfónía Sjostakovitsj var
frumflutt í stóra salnum í Moskvu-
konservatóríinu af Sovésku ríkissin-
fóníuhljómsveitinni undir stjórn Jev-
genís Mravinskís 4. nóvember 1943.
Verkið vakti mikla athygli og banda-
ríska útvarpsfyrirtækið CBS borgaði
sovéskum yfirvöldum tíu þúsund doll-
ara fyrir útsendingarréttinn. Forysta
Kommúnistaflokksins tók þó síður en
svo undir hrósyrðin um sinfóníuna.
Hún var gagnrýnd fyrir að dvelja of
mikið við „drungalegar og ógnvekj-
andi hliðar raunveruleikans“ og var
sögð vera „andsovésk“. Sjostakovitsj
skildi hvað flokkurinn var að fara:
„Þeir sögðu: Af hverju samdi Sjos-
takovitsj vonbjarta sinfóníu við upp-
haf stríðsins en harmljóð nú? Í byrjun
stríðsins hörfuðum við, en nú sækjum
við og vinnum á fasistunum. Fyrst
Sjostakovitsj er harmi sleginn núna
hlýtur hann að vera á bandi fasista.“
Englendingurinn Rumon Gamba
starfaði um tíma í Póllandi og Rúss-
landi, en 1998 var hann ráðinn aðstoð-
arhljómsveitarstjóri Fílharmóníu-
sveitar Breska ríkisútvarpsins, BBC.
Hann hefur síðan víða stjórnað
hljómsveitinni á tónleikum, til að
mynda á hinni virtu Promshátíð BBC
í Royal Albert Hall í London. Undir
hans stjórn hefur Fílharmóníusveitin
leikið inn á nokkra geisladiska hjá
Chandosútgáfunni, meðal annars
tónlist eftir Malcolm Arnold, Georges
Auric og Richard Rodney Bennett.
Í júní mun Sinfóníuhljómsveit Ís-
lands standa í hljóðritunum fyrir Rík-
isútvarpið, BIS og NAXOS á ís-
lenskri og norrænni tónlist.
Morgunblaðið/Ásdís
Guðný Guðmundsdóttir segir konsert Sibeliusar eitt af sínum uppáhaldsverkum.
Konsertmeist-
arinn kveður
veturinn
orri@mbl.is
Sinfóníuhljómsveit Íslands sækir ekki vatn-
ið yfir lækinn á tónleikum sínum í kvöld því
einleikari er konsertmeistarinn sjálfur,
Guðný Guðmundsdóttir. Orri Páll Orm-
arsson ræddi við Guðnýju sem mun leika
Fiðlukonsert í d-moll eftir Sibelius.