Morgunblaðið - 30.05.2002, Blaðsíða 58
58 FIMMTUDAGUR 30. MAÍ 2002 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ÞESS vildi ég óska að alþýðan liti
sér nær í vali stórmenna.
Hræsnin, græðgin, snobbið og
sýndarmennska er orðin landlægur
ósómi sem engin lækning virðist
við. Lítilmennskan sem fólgin er í
snobbi er mannskemmandi og allir
eiga að vita um hin skaðræðin. Það
er ekki snobbað fyrir mikilmenni ef
hann er fyrrverandi húsvörður á ní-
ræðisaldri. Á Akranesi varð aldr-
aður öðlingsmaður að flytja af
heimili sínu á öldrunarheimili
ásamt 87 ára konu sinni sem hann í
mörg ár hefur annast af fádæma
fórnfýsi og ástúð. Fyrir áratugum
varð að nema brjóstin af henni og
skömmu seinna greindist hún með
sykursýki. Hún hefur fengið heila-
blóðfall og nýlega lærbrotnaði hún.
Í gegnum allan þennan feril hefur
maðurinn verið lífsanker hennar og
sannur bjargvættur. Hann hefur í
áraraðir insolínsprautað hana og
séð um að hún borði í samræmi við
sjúkdóminn. Hann hefur vakað yfir
velferð hennar og sleppt ótal mörgu
sem hann langaði til, hennar vegna.
Í áratugi hefur hann séð um mat-
seld og flest er lýtur að heimilis-
haldi. Ég gæti sagt óteljandi margt
frá þessum mikla alþýðumanni þar
sem drengskapur og frjó hugsun
fara saman. Nú bregður svo við að
þegar hann þarf á aðstoð að halda
mæta honum svik, afskiptaleysi og
misskilningur, vægt til orða tekið.
Þótt hann sé komin á 9. tuginn ber
þjóðfélaginu að hjálpa honum, en
áralöng og kvalafull bið hans eftir
lagfæringu á hné er meðal annars
skömm lækna sem þóst hafa skiln-
ing, en lengra nær samúð þeirra og
fyrirhöfn ekki. Á hjúkrunarheim-
ilinu hafa hjónin hagstæða íbúð og
fá aðstoð, en þar sem hún þarf
mikla hjálp hringir hún talsvert um
nætur. Hjúkrunarfólk vill í hvert
skipti fá að vita hvað hún vilji og
þar sem heyrn hennar er skert
verður hávaði sem vekur hann, en
honum verður ekki svo létt með
svefn sem henni. Þótt vitað sé að
koma þurfi til konunnar er hávað-
anum viðhaldið af fyllsta tillitsleysi
við hann, þrátt fyrir skýringar hans
sem túlkaðar eru sem nöldur. Bólu
Hjálmar kvað Guð eiga margan
gimstein í mannsorpinu. Þau eru
mörg hógværu mikilmennin í röð-
um aldraðra. Skömm er þegar
skilningur gagnvart þeim fellur á
tímaleysi.
ALBERT JENSEN,
Sléttuvegi 3, Reykjavík.
Aldraður heiðurs-
maður í vanda
Frá Alberti Jensen:
ÉG VAR svo heppin að vera ein af
þeim u.þ.b. þrjú þúsund manns sem
nutu þeirrar ánægju að vera við-
staddir frumflutning Hrafnagaldurs
Óðins eftir Hilmar Örn Hilmarsson,
Sigur Rós og Steindór Andersen í
Laugardalshöllinni fyrir skömmu.
Það má með sanni segja að þetta
hafi verið einstök upplifun enda var
verkið magnað og flutningurinn
hreint út sagt frábær. Ég fann í
rauninni aðeins einn galla á verkinu
og flutningi þess, – það var of stutt!
Þegar flutningnum var lokið fannst
manni helst passa að hafa hlé og
byrja upp á nýtt.
Þarna kom berlega í ljós að
Sveinbjörn heitinn Beinteinsson
allsherjargoði reyndis sannspár
þegar hann sagði um Hrafnagaldur:
„Það er eitthvað þarna,“ þegar þeir
Hilmar Örn ræddu tónlist við Edd-
urnar.
Flestir sem voru staddir á tón-
leikunum voru sömu skoðunar, þeir
vilja fá að heyra og sjá meira því hin
myndræna tjáning sem fylgdi á
tjaldi setti mikinn svip á heildina.
Þarna er komið listaverk sem sjálf-
sagt væri að setja á DVD-disk til að
allir þættir þess fengju að njóta sín
sem best.
Ég skora á þá sem festu flutning
Hrafnagaldurs Óðins á filmu að
íhuga þennan möguleika. Þetta verk
var einfaldlega of gott til að vera að-
eins flutt einu sinni.
JÓHANNA G.
HARÐARDÓTTIR,
blaðamaður,
Áslandi 14, 270 Mosfellsbær.
Hrafnagaldur
á DVD?
Frá Jóhönnu Harðardóttur:
VERSLUNIN
Laugavegi 52, s. 562 4244.
Brúðhjón
A l l u r b o r ð b ú n a ð u r - G l æ s i l e g g j a f a v a r a - B r ú ð h j ó n a l i s t a r