Morgunblaðið - 30.05.2002, Blaðsíða 44

UMRÆÐAN
44 FIMMTUDAGUR 30. MAÍ 2002 MORGUNBLAÐIÐ
ÞAÐ var gaman að
vera Samfylkingar-
maður síðastliðna kosn-
inganótt og innbyrða
allar þær góðu fréttir
sem streymdu inn úr
kjörkössum sveitarfé-
laganna.
Staðreyndin er
nefnilega sú að Sam-
fylkingin er eini ótví-
ræði sigurvegari þess-
ara kosninga ef litið er
til stjórnmálaflokka
landsins. Því verður
vart á móti mælt og vill-
andi uppsetning kosn-
ingasjónvarps frétta-
stofanna og slappur
fréttaflutningur þeirra í kjölfar kosn-
inganna, þar sem fylgi S var borið
saman við eldri lista sameinaðra
vinstrimanna, breytir þessu í engu.
Samfylkingin yfir 30%
Samfylkingin fær hreinan meiri-
hluta í Hafnarfirði (50,2%), 28,3 % í
Kópavogi, 32,4% á Akranesi, 22,9% á
Ísafirði, 13,9% á Akureyri 36,0 % í
Ölfusi og síðast en ekki síst 40,8% í
Árborg. Á öllum þess-
um stöðum var S að
bjóða fram í fyrsta sinn
og á öllum stöðum með
VG framboð í sam-
keppni um vinstriat-
kvæðin. Einu vonbrigð-
in þar sem svona var
ástatt var í Skagafirði
en þar fékk S aðeins
9,1%
Í Garðabæ (19,2%),
Reykjanesbæ (33,6%),
Grindavík (37,0%),
Dalabyggð (47,8%),
Vesturbyggð (43,9%),
Hveragerði (26,4%) og
Vestmannaeyjum
(37,2%) voru einnig
bornir fram S-listar sem ekki þurftu
að kljást við andstæðinga af vinstri
kantinum. Úrslitin sýna svo ekki
verður um villst að þessi framboð
geta mjög vel við unað og eru sigr-
arnir yfir meirihlutum sjálfstæðis-
manna í Hveragerði og Vestmann-
eyjum auðvitað sætastir.
Að síðustu má síðan benda á fjölda
glæsilegra úrslita þar sem Samfylk-
ingin stóð að framboði með öðru fé-
lagshyggjufólki. Félagshyggjuborg-
in Reykjavík trónir á toppnum,
þriðja kjörtímabilið í röð (52,6%) þar
sem lélegasta útkoma Sjálfstæðis-
flokksins er staðreynd. Meirihluti
Húsavíkurlistans (51,4%) heldur
velli, H-listinn á Siglufirði (46,8%)
nær meirihluta, Ó-listinn á Ólafsfirði
(56,3%) nær meirihluta, K-listinn í
Bolungavík nær 50% (en tapar hlut-
kesti) svo eitthvað sé nú nefnt.
Samfylkingin í sókn
Sanngjarnir stjórnmálaskýrendur
hljóta því að dæma Samfylkinguna
kláran sigurvegara þessara kosn-
inga. Kosningarnar staðfesta að úr-
slit síðustu alþingiskosninga voru
engin tilviljun og að Samfylkingin
hefur unnið sér sess sem næst
stærsti flokkur landsins bæði í sveit-
arstjórnum og á Alþingi.
Hún hefur átt erfitt uppdráttar í
könnunum að undanförnu en hefur
nú sýnt og sannað að hún er í sókn og
er eina aflið sem ógnað getur veldi
Sjálfstæðisflokksins í landinu.
Hin stóru tíðindi kosninganna eru
því þau að flokkakerfið er gjörbreytt
– til er orðinn stór íslenskur jafnað-
armannaflokkur. Sjálfstæðisflokkur-
inn hefur fengið verðugan keppinaut
og úrslit sveitarstjórnarkosninganna
eru því kærkomið veganesti fyrir
komandi alþingiskosningar þar sem
veldi Sjálfstæðisflokksins á landsvísu
mun verða hnekkt.
Samfylkingin
sigrar!
Hrannar Björn
Arnarson
Höfundur er fyrrv. borgarfulltrúi.
Kosningar
Stóru tíðindi kosning-
anna, segir Hrannar
Björn Arnarson, eru
þau að til er orðinn stór
íslenskur jafnaðar-
mannaflokkur.
ÞORSTASKYN
barna, sérstaklega
þeirra yngstu, er ekki
jafnt næmt og hjá full-
orðnum og því hættir
þeim til að drekka of
lítið. Börn þurfa hlut-
fallslega á meiri vökva
að halda en fullorðnir
enda eru flest börn
meira úti við og á
meiri hreyfingu en
þeir sem eldri eru. Það
ætti því stöðugt að
minna þau á að drekka
nóg – sérstaklega vatn.
Síðast var gerð
könnun á mataræði ís-
lenskra skólabarna ár-
ið 1992-1993. Á þeim tíma drakk
hvert barn að jafnaði hálfan lítra af
sykruðum gos- og svaladrykkjum á
dag – en slíkt magn veitir um 50 g
af sykri. Hins vegar drukku börnin
ekki nema um 2,2 dl af vatni. Gos-
drykkjaframboð á Íslandi hefur far-
ið vaxandi undanfarin ár, það var
um 130 lítrar á mann á ári 1993 en í
dag nemur það 160 lítrum eða sem
samsvarar hálfum lítra á mann á
dag. Á framboðstölum er ekki hægt
að sjá hvaða aldurshópar drekka
mest af gosi, en af framboðsaukn-
ingu síðustu 9 ára að dæma er lík-
legt að börn og unglingar drekki
jafnvel heldur meira
gos en áður.
Kóladrykkir eiga
það sameiginlegt með
öðrum drykkjum sem
innihalda koffein, s.s.
kaffi og te, að auka
þvaglosun. Þeir henta
því ekki til að svala
þorsta eða bæta vökva-
jafnvægi líkamans
heldur verður að líta á
þá sem viðbót við þann
vökva sem æskilegt er
að drekka.
Á síðustu árum hafa
rúmlega tvöhundruð
drykkjarbrunnar verið
settir upp í skólum
víðsvegar um landið og ber að fagna
því. Það auðveldar börnum og skóla
að fylgja ráðleggingum Manneldis-
ráðs um að vatn og léttmjólk séu
þeir drykkir sem boðið er upp á í
skólunum. Nú stendur til að gefa
öllum grunnskólabörnum á landinu
drykkjarbrúsa sem þau geta notað
undir vatn í skólanum. Það er gert
af frumkvæði Guðlaugs J. Karlsson-
ar og er styrkt af heilbrigðis- og
tryggingamálaráðuneytinu, um-
hverfisráðuneytinu, Orkuveitu
Reykjavíkur, Vatnsveitu Hafnar-
fjarðar, ungmennafélögum Íslands
og KSÍ. Þetta er einstaklega þarft
og jákvætt framtak þar sem að
vatnsbrúsarnir minna börnin á að
drekka reglulega. Gott vökvajafn-
vægi hefur áhrif á alla starfsemi lík-
amans og bætir líka einbeitingu og
úthald. Þess vegna ætti vatnið að
vera hluti af góðum skóladegi og
vatnsbrúsinn alltaf að vera innan
handar.
Meira vatn
Anna Sigríður
Ólafsdóttir
Höfundur er matvæla- og
næringarfræðingur hjá
Manneldisráði Íslands.
Heilsa
Börn, segir Anna
Sigríður Ólafsdóttir,
þurfa hlutfallslega
á meiri vökva að halda
en fullorðnir.
Málarar - Múrarar - Píparar - Smiðir
Dúkarar - Rafvirkjar - Ræstitæknar
Vertu í góðum höndum!
Eitt númer - 511 1707
www.handlaginn.is
handlaginn@handlaginn.is