Morgunblaðið - 01.08.2002, Qupperneq 53
BRÉF TIL BLAÐSINS
MORGUNBLAÐIÐ FIMMTUDAGUR 1. ÁGÚST 2002 53
Útsalan
SUÐURLANDSBRAUT 54 (BLÁA HÚSIÐ Á MÓTI
SUBWAY) SÍMI 533 3109
OPIÐ VIRKA DAGA FRÁ KL. 12.00-18.00
LAUGARDAGA FRÁ KL. 10.00-16.00
Nú er tækifæri
til að gera góð
kaup
50% afsláttur
kl. 12.00
hefst í dag
af öllum skóm
„ÉG ER með hjálm, ekkert kemur
fyrir mig.“ Þessa setningu hef ég
heyrt börn segja. Af því að dæma
hvað mörg börn slasast við hjólreiðar
mætti ætla að foreldrar hugsi eins.
Þeir setja hjálm á barnið, veifu á hjól-
ið og segja svo: Passaðu þig á bíl-
unum. Hver eru skilaboðin til barns-
ins, getur barnið bjargað sér í því
umhverfi sem það býr í? Það er
spurning sem foreldrar þurfa að
svara hver fyrir sig. Enginn annar
getur tekið þá ábyrgð frá þeim,
þeirra er að vega og meta hvað barn-
ið getur og getur ekki.
Sumstaðar er umhverfið við heim-
ili barna gott, akandi og gangandi
umferð er vel aðskilin. Annars staðar
eru aðstæður slæmar og börn geta
ekki hjólað án eftirlits fullorðinna.
Börn eru ekki litlir fullorðnir, þau
skynja veröldina á annan hátt en við
sem eldri erum og reynsluríkari.
Barn skynjar t.d. ekki að ökumaður
þarf ákveðinn tíma til þess að stöðva
ökutækið, þau skynja heldur ekki
fjarlægð bíla á sama hátt og við. Við-
brögð þeirra eru sein, og síðast en
ekki síst þá ráða þau ekki við flókinn
búnað á reiðhjólum.
Börn yngri en 10 til 12 ára eru ófær
um að hjóla á akbrautum. Fyrr hafa
þau ekki þann þroska og reynslu sem
þarf til að hjóla samhliða bifreiðum.
Öruggast er því fyrir börn að hjóla á
gangstéttum, göngu- og hjólreiða-
stígum. Og síðast en ekki síst þurfa
börn eftirlit og reglur til þess að fara
eftir. Þær reglur eiga foreldrar að
setja börnum sínum. Hlutverk þeirra
er að kenna barninu aðgætni og til-
litssemi, það er ekki nóg að kaupa fínt
hjól og hjálm ef kunnáttu, aðgætni og
tillitssemi vantar hjá barninu. Börn
ala sig ekki upp sjálf.
MARGRÉT
SÆMUNDSDÓTTIR,
fræðslufulltrúi Umferðarráðs.
Börn læri aðgætni
og tillitssemi
Frá Margréti Sæmundsdóttur:
Morgunblaðið/Kristinn
VIKUNA 15.–21. júní fóru 25 fé-
lagar úr Stúlknakór Háteigskirkju
á aldrinum 12–15 ára í söngferða-
lag til Ítalíu. Dvalið var á ítölsku
fjölskylduhóteli sem er í strand-
bænum Marina De Massa í Tosc-
anahéraðinu. Stúlkurnar sungu við
messu og einnig á tónleikum í
kirkjunni í strandbænum. Höfðu
þeir tónleikar verið auglýstir og
var fjöldi manns mættur. Fengu
kórfélagar gríðarlega góðar und-
irtektir áheyrenda. Þá var sungið
við kaþólska messu í dómkirkjunni
í gamla bænum í Massa. Við þá
messu var einnig mættur kór frá
Þorlákshöfn og sungu kórarnar
saman eftir messuna í kirkjunni og
einnig á kirkjutröppunum.
Stúlknakórinn nýtti einnig ferð-
ina til að kynnast ítalskri menn-
ingu og var t.d. farið í ferð til Písa
þar sem skakki turninn var skoð-
aður.
Mikill undirbúningur hafði verið
síðastliðinn vetur fyrir ferðalagið
varðandi fjáröflun. Unnu kórfélag-
ar og aðstandendur þeirra ötullega
að því og fengu góðan stuðning
margra aðila. Þessi ferð var einnig
styrkt með fjárframlögum af sókn-
arnefnd Háteigskirkju, Reykjavík-
urprófastsdæmi vestra og VISA
Ísland. Er hér með ofantöldum
færðar bestu þakkir fyrir stuðning-
inn.
Kórstjóri Stúlknakórsins er
Birna Björnsdóttir og undirleikari
í ferðinni var Ástríður Haralds-
dóttir. Með í ferðinni voru einnig 7
foreldrar til aðstoðar.
Mikil eftirvænting hafði verið
fyrir þessa ferð og má fullyrða að
þær væntingar hafi staðist og einn-
ig að kórfélagar voru í einu og öllu
landi og þjóð til mikils sóma.
BIRNA BJÖRNSDÓTTIR,
kórstjóri Stúlknakórs
Háteigskirkju.
Stúlknakór Há-
teigskirkju á Ítalíu
Frá Birnu Björnsdóttur:
Stúlknakór Háteigskirkju á tröppum dómkirkjunnar í Massa á Ítalíu.