Morgunblaðið - 11.01.2006, Blaðsíða 2
2 MIÐVIKUDAGUR 11. JANÚAR 2006 MORGUNBLAÐIÐ
FRÉTTIR
OLÍUFÉLAGIÐ SELT
Stjórn Kers hf. hefur tekið
ákvörðun um að selja allt hlutafé fé-
lagsins í Olíufélaginu ehf., stærsta
söluaðila eldsneytis á Íslandi. Er
ákvörðunin sögð tengjast breyttum
áherslum á fjárfestingastefnu Kers.
Gagnrýnir múslímaleiðtoga
Anders Fogh Rasmussen, for-
sætisráðherra Danmerkur, gagn-
rýndi í gær leiðtoga múslíma í Dan-
mörku fyrir að hafa í nýlegri ferð um
Mið-Austurlönd „kynt undir óvild
gegn Danmörku og Dönum“. Áður
hafði Pia Kjærsgaard, leiðtogi Þjóð-
arflokksins, sakað múslímaleiðtog-
ana um landráð.
Íranar gagnrýndir
Íranar hafa ákveðið að hefja á nýj-
an leik kjarnorkurannsóknir sínar.
Ákvörðun þeirra var í gær harðlega
fordæmd en líklegt þykir, að máli
þeirra verði nú vísað til öryggisráðs
SÞ.
FME fékk gögn frá LÍ
Fjármálaeftirlitið (FME) fékk
með úrskurði Héraðsdóms Reykja-
víkur 28. nóvember sl., upplýsingar
og ljósrit af öllum gögnum í vörslu
Landsbanka Íslands er vörðuðu
hreyfingar á bankareikningum lög-
mannsstofu í Reykjavík yfir átta
mánaða tímabil.
Loðnan finnst ekki
Þrátt fyrir mikla loðnuleit að
undanförnu finnst loðnan ekki. Ekki
hefur tekizt að mæla ungloðnu fyrir
Norðurlandi í þrjú ár og síðustu 7 ár
hafa mælingar á veiðistofninum að
hausti mistekizt.
Y f i r l i t
Í dag
Sigmund 8 Forystugrein 24
Fréttaskýring 8 Viðhorf 26
Viðskipti 13 Bréf 28
Erlent 14/15 Minningar 29/33
Minn staður 16 Myndasögur 36
Suðurnes 17 Dagbók 36/39
Höfuðborgin 18/19 Staður og stund 38
Akureyri 18 Leikhús 40
Landið 19 Bíó 42/45
Daglegt líf 20/21 Ljósvakamiðlar 46
Menning 22, 40/45 Veður 47
Umræðan 23/28 Staksteinar 47
* * *
Kynningar – Morgunblaðinu fylgir
Fasteignablað Miðborgar.
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri, asv@mbl.is
Viðskipti vidsk@mbl.is Björn Jóhann Björnsson, fréttastjóri, bjb@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi, orri@mbl.is Inga
Rún Sigurðardóttir, ingarun@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Sveinn Guðjónsson, svg@mbl.is Minningar minning@mbl.is Hilmar P. Þormóðsson, Stefán Ólafsson
Dagbók|Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
!
"
#
$
%
&
'() *
+,,,
KVEIKT var í síðbúinni þrettándabrennu á Val-
húsahæð á Seltjarnarnesi í gærkvöldi. Mikill
mannfjöldi kom saman á Nesinu og skemmti sér
konunglega. Á myndinni kveðja þau Gréta, Vala,
Snæfríður, Emilía og Tómas jólin hress og kát
við brennuna.
Morgunblaðið/Ómar
Jólin kvödd á Valhúsahæð
Á DÖGUNUM fréttist af risagull-
fisk, 850 gramma, sem fannst
rekinn í efri tjörninni við Orku-
stöðina í Húsavík. Var í fréttum
greint frá því að 5–7 slíkum fisk-
um hafi verið sleppt í tjörnina
fyrir rúmu ári og miðað við þenn-
an sem fannst, dafni þeir greini-
lega vel í volgri tjörninni. Þá séu í
tjörninni skrautfiskar af tegund-
inni fangasíklíður, sem hafa verið
þar lengur og hafa fjölgað sér.
Að sögn Sigurðar Guðjóns-
sonar, fiskifræðings og fram-
kvæmdastjóra Veiðimálastofn-
unar, geta skrautfiskar borið
með sér smit og full ástæða til að
fara mjög varlega við að sleppa
aðfluttum fiskum í náttúru lands-
ins.
„Sem betur fer eru flestir
skrautfiskar hitabeltisdýr, lifa
við stofuhita eða þaðan af hærra,
og geta því ekki tímgast í náttúr-
unni hér,“ sagði Sigurður. Hann
sagði þó nauðsynlegt að hafa
sterkt eftirlit með innflutningi,
því kvikindi sem þessi geti borið
með sér smit og erfitt geti verið
að sjá það fyrir. Þá segir hann
færast í vöxt að fólk komi sér upp
tjörnum í görðum og þekkist
dæmi um að fólk komi fyrir í
þeim fiskum sem lifi við lægra
hitastig. Það bjóði ákveðinni
hættu heim.
Ógnar laxa- og
silungastofnum
Talsvert hefur verið fjallað um
það á Bretlandseyjum og víða í
Evrópu, að á vatnasvæðum álf-
unnar hafi orðið gífurleg fjölgun
á ránfiski, sem meðal annars ógn-
ar nú laxa- og silungastofnum.
Smáfiskur þessi er skrautfiskur
sem kallast upp á ensku Asian
Topmouth Gudgeon og óttast vís-
indamenn að honum muni fjölga
enn á næstu misserum, og breið-
ast um alla Evrópu.
Talið er að fiskurinn hafi fyrst
komist út í vistkerfin, er fólk
tæmdi skrautfiskabúr sín út í
vötn. Fiskur þessi nær um tíu cm
lengd, fjölgar sér hratt og útrým-
ir auðveldlega þeim tegundum
sem fyrir eru. Ber hann með sér
banvænt sníkjudýr sem kemur
sér fyrir í innyflum annarra fiska
og étur þau upp.
Sigurður segir fiska sem þenn-
an vera mikinn vágest þar sem
þeir ná að koma sér fyrir. „Miklu
fleiri tegundir fiska myndu þríf-
ast hér ef þeir bara kæmust hing-
að. Í Noregi eru til að mynda 20
til 30 tegundir fiska í ám og vötn-
um. Í þessum heitu lækjum hér á
landi gæti til að mynda ýmislegt
þrifist. Þess vegna er betra að
fara gætilega í öllum innflutn-
ingi, menn bakka ekki auðveld-
lega þegar skaðinn er skeður –
minkurinn er gott dæmi um það,“
sagði Sigurður.
Varar við að
sleppa skrautfiskum
í náttúrunni
veidar@mbl.is
Skrautfiskurinn frá Asíu sem
ógnar fiskistofnum í Evrópu.
HETTUSÓTTARSMITUNUM
fækkaði um helming í desember
miðað við mánuðinn á undan og
eru vonir bundnar við að farald-
urinn sem hefur verið í gangi í
þessum efnum hér á landi undan-
farna mánuði sé í rénun.
Hettusóttarsmit í desember
voru tíu talsins samanborið við
tuttugu tilvik í nóvembermánuði,
samkvæmt upplýsingum land-
læknisembættisins en 10–18 tilfelli
á mánuði hafa greinst í mánuði
hverjum á síðari hluta ársins.
Ungmenni hafa brugðist vel við
áskorunum um að láta bólusetja
sig og er það talið eiga þátt í því
að tilfellum hefur fækkað. Það eru
einkum einstaklingar sem fæddir
eru á bilinu 1981–85 sem eru í
hættu að smitast, en þeir misstu
af MNR-bólusetningu sem hófst
hjá 18 mánaða gömlum börnum á
árinu 1989. Hægt er að fá bólu-
setningu á næstu heilsugæslustöð
án kostnaðar fyrir fólk á þessum
aldri. Yngra fólk og börn er í
langflestum tilvikum bólusett og
dugir sú bólusetning yfirleitt ævi-
langt.
Helmingsfækkun
hettusóttarsmitana
FARÞEGUM um Flugstöð Leifs Ei-
ríkssonar fjölgaði um 11% á árinu
2005 miðað við árið 2004, eða úr rétt
rúmum 1.637 þúsund farþegum í
tæpa 1.817 þúsund farþega. Fjölgun
farþega til og frá Íslandi nemur rétt
tæpum 11% milli ára, en farþegum
sem millilenda hér á landi á leið yfir
Norður-Atlantshafið fjölgaði um
13%.
Þetta er í samræmi við farþegaspá
sem breska fyrirtækið BAA Plc.,
sem rekur stærstu flugvelli í Bret-
landi og víðar gerði í upphafi árs
2005. Í þeirri spá er jafnframt gert
ráð fyrir að farþegafjöldi muni fara í
3,2 milljónir árið 2015. Skipulagssér-
fræðingar BAA horfa til ýmissa
þátta sem áhrif hafa, svo sem hag-
vaxtar á Íslandi, fargjalda, markaðs-
sóknar og vinsælda Íslands sem án-
ingarstaðar ferðafólks, segir á
heimasíðu flugstöðvarinnar.
Til að bregðast við þessum aukna
farþegafjölda verður flugstöðin
stækkuð umtalsvert. Verkið, sem
verður framkvæmt í tveimur áföng-
um, er þegar hafið og áætlað að því
ljúki vorið 2007. Gert er ráð fyrir að
fjárfesta hátt í 5 milljarða króna, að
meðtöldum tækjum og búnaði á
þessum tíma.
Fjölgun farþega
um Flugstöð Leifs
Eiríkssonar