Morgunblaðið - 11.01.2006, Blaðsíða 48
ÁSKRIFT-AFGREIÐSLA 569 1122 MIÐVIKUDAGUR 11. JANÚAR 2006 VERÐ Í LAUSASÖLU 220 KR. MEÐ VSK.
Opið 8-24 alladaga
í Lágmúla og Smáratorgi
Þessi kampselur var búinn að lóna töluverðan
tíma með fjöruborðinu þegar hann ákvað að
renna sér upp á eina flotbryggjuna við Djúpa-
vogshöfn, að sögn Andrésar Skúlasonar ljós-
myndara. Kampselir eru sjaldséðir hér við
land, en heimkynni þeirra eru á rekísnum vítt
og breitt um norðurheimskautin. Hann er ein-
fari og flækist víða og lifir mest á skeldýrum
og kröbbum. Kampselir eru í eðli sínu bæði
gæfir og forvitnir og var selurinn á myndinni
þar engin undantekning, þar sem hann lá í ró-
legheitum á bryggjunni rétt eins og hann væri
staddur á rekís langt norður í höfum, víðs
fjarri mannabyggðum. Dvaldi hann daglangt á
Djúpavogi en aldrei er að vita nema að hann
komi í heimsókn aftur.
Ljósmynd/Andrés
Sjaldséðir gest-
ir á Djúpavogi
STJÓRN Kers hf. hefur ákveðið að selja allt
hlutafé félagsins í Olíufélaginu ehf. Ákvörð-
unin tengist breyttum áherslum á fjárfest-
ingastefnu Kers sem miða að því að auka
vægi fjárfestinga erlendis. Íslandsbanki
mun sjá um söluna fyrir Ker.
Ólafur Ólafsson, stjórnarformaður Kers,
vildi í samtali við Morgunblaðið ekki segja
hvaða verð stjórnin væntir að fá fyrir félag-
ið, en velta félagsins á síðasta ári var um 24
milljarðar króna. Ólafur segir að engin til-
boð hafi borist í félagið en að hann viti af
nokkrum áhugasömum fjárfestum. | 13
Ker ákveður
að selja
Olíufélagið
ÚTGERÐARMAÐUR frá Hjaltlandi
hefur tekið sér bólfestu í Grindavík
hálft árið til að geta stundað böð í Bláa
lóninu. Hann er
svo illa haldinn af
psoriasis að hann
fær ekki sofið,
nema leita sér
líknar í Lóninu.
Eftir ýmsar
meðferðir bæði á
sjúkrahúsum í
Skotlandi og ferða
til Dauðahafsins í
Ísrael var það norskur sjómaður sem
benti Alexander John Polson á Bláa
lónið. Vegna vandræða við að fá gist-
ingu þegar honum hentaði var besta
lausnin að kaupa sér hús í Grindavík.
Alexander hefur nú fengið vinnu í
Krosshúsum í Grindavík við uppsetn-
ingu á loðnu- og síldarnótum og lætur
vel af dvöl sinni í Grindavík. | B1
Leitar sér
lækninga
í Lóninu
ÞRÁTT fyrir mikla loðnuleit að und-
anförnu finnst loðnan ekki. Ekki hef-
ur tekizt að mæla ungloðnu fyrir
Norðurlandi í þrjú ár og síðustu sjö
ár hafa mælingar á veiðistofninum
að hausti mistekizt. Enginn kvóti
fyrir yfirstandandi vertíð hefur því
verið gefinn út. Minni loðnugengd
fyrir Norðurlandi hefur svo leitt til
þess að síðustu árin hefur meðal-
þyngd þorsksins minnkað verulega.
„Það eru a.m.k. tvær mögulegar
skýringar á þessu,“ segir Jóhann
Sigurjónsson, forstjóri Hafrann-
sóknastofnunarinnar. „Annars vegar
að stofninn sé mjög lítill, að nýlið-
unin sé svona lítil og stofninn sé
kominn í lægð. Það gerðist í kringum
1980 og 1990. Hins vegar getur þetta
verið vegna ástands sjávar og
strauma, að aðstæður séu óhagstæð-
ari og stofninn komi ekki upp að
landinu í sama mæli og hann hefur
gert.
Ástæðan fyrir því að við getum
ekki enn sagt til um hvor skýringin
er sú rétta, er að þrátt fyrir að við
höfum fundið lítið af ungloðnu árið
2003, kom alveg þokkaleg vertíð árið
eftir. Það er því ekki útilokað að hún
birtist allt í einu, eins og hún hefur
gert áður.“
Þýðir ekki að fara á taugum
Bjarni Bjarnason, skipstjóri á Súl-
unni EA, hefur verið á öllum loðnu-
vertíðum frá árinu 1970. Hann man
eftir svipuðu ástandi og nú er og seg-
ir að áður fyrr hafi það komið fyrir
að loðnan hafi ekki byrjað að veiðast
fyrr en eftir miðjan febrúar. „Ég trúi
því ekki að stofninn sé hruninn. Það
er engin ástæða til að ætla að svo sé.
Það væri þá eitthvert umhverfisslys.
Við verðum bara að vona að hún
birtist allt í einu og helzt sem fyrst.
Það er mjög slæmt að geta ekki
fylgzt með því hvar loðnan heldur sig
nú orðið. Ég held að það væri góð
hugmynd að skjóta rafeindasendum
í nokkra hnúfubaka og fylgjast svo
með ferðum þeirra. Þeir halda sig
þar sem loðnan er. Þannig væri hægt
að fylgjast betur með henni,“ segir
Bjarni.
Hann segir að það þýði ekkert að
fara á taugum, þótt mikið sé í húfi,
vinna fyrir mörg hundruð manns og
milljarðatekjur.
Samspil loðnu og þorsks
„Við erum að vinna að gerð reikni-
líkans sem á að sýna betur en áður
samspil loðnu og þorsks. Nú velta
menn því fyrir sér hvort það sé rétt
nýtingarstefna að veiða loðnustofn-
inn svona langt niður, skilja aðeins
um 400.000 tonn eftir til hrygningar.
Þessi nýtingarstefna hefur verið
keyrð í ríflega 20 ár. Hún hefur
reynzt að því er virðist vel hvað
loðnuna varðar. Nú er það spurning-
in hvort þetta sé skynsamlegt hvað
varðar þorskinn og annan botnfisk
og þennan gífurlega orkuflutning
loðnunnar inn í vistkerfið. Þetta vilj-
um við reyna að rannsaka betur,“
segir Jóhann Sigurjónsson.
Loðna finnst ekki
og þorskur horast
Eftir Hjört Gíslason
hjgi@mbl.is
Ógna hlýindi | B2
MAÐUR á sextugsaldri fannst látinn
á heimili sínu á Ísafirði í gær og hafði
hann stytt sér aldur. DV birti frétt og
mynd af manninum á forsíðu í gær-
morgun og fjallaði fréttin um meint
nauðgunarmál gegn ungum piltum.
Vinur mannsins fór heim til hans
laust eftir hádegi þegar hann svaraði
ekki símhringingum. Þegar hann
svaraði ekki dyrabjöllu var lögreglan
kölluð til og fann hún manninn látinn.
Fjallað var um málið í fréttatíma
NFS í gærkvöldi og kom meðal ann-
ars þetta orðrétt fram:
„Bróðir mannsins sagði í samtali
við fréttastofuna [NFS] að fjölskyld-
an væri sundurtætt af sorg vegna
þessa harmleiks. Hann sagðist hafa
hringt á ritstjórn DV í dag til að til-
kynna þeim andlát bróður síns, og
fundist rétt að gera það, þar sem hann
teldi að fréttaflutningur DV hefði
nánast rekið bróður sinn í dauðann.
Jónas Kristjánsson, ritstjóri DV,
sagðist ekki vera beinn málsaðili að
málinu og því vildi hann ekki tjá sig
um það, þegar fréttastofa hafði sam-
band við hann.“
Sýslumaðurinn á Ísafirði og lög-
reglan á staðnum vildu ekkert tjá sig
um málið í gærkvöldi.
Stjórn BÍ fjallar um málið
Á vef Blaðamannafélags Íslands,
press.is, er fjallað um þetta mál í gær-
kvöldi. Þar er haft eftir Örnu Schram,
formanni Blaðamannafélags Íslands,
að þessi sorglegi atburður muni kalla
á ítarlega skoðun á starfsháttum og
siðareglum í íslenskri blaðamennsku.
„Við munum að sjálfsögðu fara yfir
þetta hörmulega mál og kanna hvort
eða hvaða þátt fjölmiðlar áttu í því
hvernig fór. Þetta mun verða rætt í
stjórn félagsins,“ segir Arna Schram
á press.is.
„Fjölskyldan
er sundurtætt
af sorg“
Maður á Ísafirði sem DV birti frétt
um á forsíðu blaðsins stytti sér aldur