Morgunblaðið - 11.01.2006, Blaðsíða 22
22 MIÐVIKUDAGUR 11. JANÚAR 2006 MORGUNBLAÐIÐ
MENNING
Þá er Óperudraugurinn,Phantom of the Opera, orð-inn sá söngleikur sem
lengst hefur gengið á þeirri merki-
legu „götu“ Broadway í New York
fyrr og síðar. Gæsalappirnar eru
notaðar hér til að undristrika að
Broadway í leikhúslífinu þar í
borg táknar í rauninni ekki götuna
sjálfa, sem teygir sig upp og niður
eftir endilangri Manhattan-eyju og
í gegn um leikhúshverfið sem
stendur í kring um Times Square,
heldur ákveðna stærð. Það að leik-
hús sé „á Broadway“ táknar að
leikhúsið hefur meira en 500 sæti;
og sum þeirra standa við Broad-
way, en önnur ekki. Þannig stend-
ur Majestic Theatre, þar sem
Óperudraugurinn hefur verið
sýndur í næstum átján ár, við 44.
stræti en ekki Broadway-götu
sjálfa. En þetta er nú útúrdúr.
Alls hefur Óperudraugurinnverið sýndur 7.486 sinnum í
Majestic-leikhúsinu á Broadway og
slær hann þar með út Cats, sem
áður hafði vinn-
inginn með 7.485
sýningar. Óperu-
draugurinn er
ennfremur orð-
inn það verkefni
skemmtana-
bransans sem
halað hefur inn
mestar tekjur;
3,2 milljarða
dollara. Tekju-
hæsta kvikmynd
heimsins, Titanic, gaf til sam-
anburðar af sér 1,2 milljarða doll-
ara.
Það merkilega er, að sami mað-
urinn stendur að baki báðum þess-
um vinsælu söngleikjum; hinn 57
ára gamli Andrew Lloyd Webber. Þó hefur Lloyd Webber sagt að
hann kunni enga uppskrift að vel-
gengni söngleikja. „Ef ég vissi
það, myndi ég drífa mig og skrifa
annan,“ hefur hann sagt.
Og sannarlega hefur hann skrif-
að aðra söngleiki – alls 14 talsins –
suma sem hafa gengið verr. En
hann á engu að síður líka heið-
urinn af til dæmis Jesus Christ
Superstar og Evitu, svo maðurinn
veit nú um það bil hvað hann er að
gera.
Óperudraugurinn segir frá bitr-um og brjáluðum manni sem
býr í skúmaskotum og bakher-
bergjum gamla óperuhússins í
París. Hann herjar á starfsfólkið
þar til að hefna harma sinna; af-
myndunar í andliti sem hann varð
fyrir í leikhúsinu og neyðir hann
til að lifa lífinu „baksviðs“ í bók-
staflegri merkingu og bera grímu.
Ljósið í hinu ljóta lífi hans er ung
söngkona í leikhúsinu, Christine,
sem endurgeldur þó ekki ást hans,
því til sögunnar kemur ungur og
hetjulegur karlmaður, Raoul, sem
leggur allt í sölurnar fyrir hana.
Það er þessi létt-ruglaða ást-
arþríhyrningssaga í tónlistarformi
sem hefur heillað þær 80 milljónir
sem séð hafa söngleikinn frá því
að hann var frumsýndur í London
fyrir 20 árum.
Andrew Lloyd Webber hefur ítilefni af tíðindunum af
Broadway-velgengninni verð
spurður mikið út í ástæður vin-
sælda Óperudraugsins. „Ég veit
það eiginlega ekki... Ég held að
þetta sé nokkuð frumstæð saga,
hún er mjög rómantísk,“ sagði
hann í viðtali við BBC nýlega. „Ég
held að flestir myndu vilja breyta
einhverju í útliti sínu, og kannski
finna þeir til samkenndar við óp-
erudrauginn af þeirri ástæðu.“
Það má vera að þetta sé satt hjá
Lloyd Webber; þetta með róm-
antíkina og hvers vegna maður
finnur til samúðar með hinum
ógæfusama en illa „draug“. Engu
að síður hefur undirrituð nýverið
séð bíómyndina Phantom of the
Opera – ekki nýjustu myndina sem
var gerð eftir söngleiknum við
miklar vinsældir – heldur svart-
hvíta bíómynd frá miðri síðustu
öld gerða eftir skáldverkinu sjálfu.
Ég verð að viðurkenna að sú bíó-
mynd var ekkert sérstaklega
skemmtileg – að minnsta kosti
hvorki eins skemmtileg og nýja
söngleikjamyndin né uppfærslan
sjálf í Majestic. Galdurinn er nefni-
lega auðvitað í tónlistinni, þótt
Lloyd Webber vilji ekki hreykja
sér.
Þegar ég fór að sjá Óperudraug-inn í Majestic fyrir nokkrum
árum (þar sem örlagarík ljósa-
króna hangir yfir áhorfendum eins
og fallöxi og fer loks á fleygiferð)
kom mér engu að síður á óvart að
mér fannst ég ekki þekkja nein lög
eins og ég hafði haldið, enda
þekkti ég verkið svosem ekkert
fyrir. En allar götur síðan hafa
þessi lög hljómað inn og út í hug-
anum, stórkostlega grípandi og
falleg, melódramatísk vissulega,
en algjörlega skotheld. Ótrúlegt
vald sem maðurinn hefur á laglín-
um.
Í þessu ljósi koma fréttirnar af
vinsældum Óperudraugsins und-
irritaðri lítið á óvart. En Lloyd
Webber sagðist aldrei hafa átt von
því að það yrði hans eigin söng-
leikur sem myndi slá út fyrri met-
hafann á Broadway, Cats. „Ég hélt
aldrei að þetta myndi koma fyrir
mig á starfsferlinum,“ sagði hann.
„Ég hef enn ekki alveg áttað mig á
þessu. Það eina sem ég hef áttað
mig á er að þetta er met sem ég
mun aldrei bæta.“
Og þó, hver veit?
Óperudraugurinn
tekur við af köttunum
’Alls hefur Óperu-draugurinn verið sýnd-
ur 7.486 sinnum í Maj-
estic-leikhúsinu á
Broadway og slær hann
þar með út Cats, sem
áður hafði vinninginn
með 7.485. Óperudraug-
urinn hefur líka halað
inn mestar tekjur.‘
AF LISTUM
Inga María Leifsdóttir
ingamaria@mbl.is
Majestic-leikhúsið sýnir vinsælustu sýningu allra tíma á Broadway í New
York; söngleikinn Óperudrauginn eftir Andrew Lloyd Webber.
Reuters
Aðstandendur Óperudraugsins fagna í lok 7.486. sýningarinnar. Hvers vegna finnur maður til samúðar með hinum ógæfusama en illa „draug“?
Táknrænt: Leikkona í gervi persónu úr Cats afhendir „Óperudraugnum“
sjálfum niðurstöðurnar um vinsælustu sýninguna á Broadway.
Sir Andrew Lloyd
Webber