Morgunblaðið - 11.01.2006, Síða 4
4 MIÐVIKUDAGUR 11. JANÚAR 2006 MORGUNBLAÐIÐ
FRÉTTIR
UNNIÐ var við niðurrif gömlu
Lýsisverksmiðjunnar við Granda-
veg þegar ljósmyndara Morg-
unblaðsins bar að garði í gær.
Lýsi hf. var stofnað á þessum
stað árið 1938 og starfaði þar allt
þangað til fyrir tæpu ári síðan
þegar starfsemin fluttist í nýtt og
stærra húsnæði. Að niðurrifi
loknu er gert ráð fyrir því að
hefja byggingu á heimili fyrir
aldraða.
Morgunblaðið/Kristinn
Gamla Lýsishúsið rifið
BYRJAÐ er að birta fréttamynd-
skeið frá Reuters fréttaþjónust-
unni á Fréttavef Morgunblaðsins.
Verða þau bæði birt með ein-
stökum fréttum á vefnum og einn-
ig á sérstakri síðu, sem hægt er
að nálgast á forsíðu mbl.is.
Einfalt er að skoða mynd-
skeiðin. Aðeins þarf að smella á
hnapp þar sem stendur spila.
Textinn, sem lesinn er af frétta-
þulum Reuters á meðan mynd-
skeiðið er spilað, er óþýddur.
Hægt er að sjá nýjasta mynd-
skeiðið í hægri dálki á forsíðu
mbl.is. Ef smellt er á myndina
opnast það á nýrri síðu og þar er
einnig hægt að horfa á önnur
myndskeið, sem borist hafa frá
Reuters síðasta sólarhringinn á
undan.
Fréttamyndskeið
frá Reuters birt á mbl.is
UMHVERFISRÁÐUNEYTIÐ
skorti lagagrundvöll til að mæla
fyrir um almennar breytingar á
starfsemi hundabús, að því er fram
kemur í áliti umboðsmanns Al-
þingis frá 30. desember síðastliðn-
um.
Rekstraraðili hundaræktunar
kvartaði við umboðsmann vegna
úrskurðar umhverfisráðuneytisins.
Þar var ákvörðun Umhverfisstofn-
unar (UST) um kröfur um úrbæt-
ur í starfsemi hundaræktarinnar
staðfest með tilteknum breyting-
um.
Athugun umboðsmanns beindist
að því hvort kröfurnar hefðu verið
settar fram í samræmi við þágild-
andi lög (15/1994) og reglugerð
(499/1997), en leyfi aðstandenda
hundabúsins til dýrahalds var veitt
í samræmi við þau.
Umboðsmaður benti t.d. á að í
reglugerðinni hefðu ekki verið
nein fyrirmæli um lágmarksstærð-
ir búra eða leyfilegan fjölda dýra í
hverju búri að teknu tilliti til
stærðar þeirra, eins og fram kom í
kröfum UST um úrbætur og úr-
skurði ráðuneytisins. Einnig benti
hann á að engar breytingar hafi
orðið á efnisreglum laganna eða
reglugerðarinnar varðandi kröfur
um aðbúnað dýra frá því leyfið var
gefið út og þar til atvik málsins
áttu sér stað.
Kröfur um breyt-
ingar skorti
lagagrundvöll
STJÓRNARANDSTAÐAN ætlar
ekki að tilnefna fulltrúa í fjölmiðla-
nefnd menntamálaráðherra en
nefndinni er ætlað það hlutverk að
semja frumvarp til laga um fjöl-
miðla. Formenn þingflokka stjórn-
arandstöðuflokkanna greindu
menntamálaráðherra frá þessari af-
stöðu sinni í bréfi til ráðherra í gær
en þar segjast þeir hins vegar vera
tilbúnir að tilnefna fulltrúa í nýja
nefnd sem skipuð verði til að fjalla
heildstætt um fjölmiðlamarkaðinn,
þ.á m. um Ríkisútvarpið.
Þorgerður K. Gunnarsdóttir
menntamálaráðherra undrast af-
stöðu stjórnarandstöðunnar.
Mikil vinna hefur farið
fram og tillögur liggja fyrir
Þingflokksformenn stjórnarand-
stöðunnar segja m.a. í bréfi sínu til
ráðherra að þeir sjái ekki á þessu
stigi ástæðu til að skipa fulltrúa í
enn eina nefndina til að fjalla um
hinn almenna fjölmiðlamarkað án
tengsla við Ríkisútvarpið.
„Við erum þeirrar skoðunar að
mikilvægt sé að ná sátt um sam-
ræmda heildarsýn fyrir íslenska
fjölmiðla sem taki bæði til Rík-
isútvarpsins og einkarekinna fjöl-
miðla,“ segir m.a. í bréfinu.
„Afstaða okkar byggist á þeim
rökum að á því sviði [einkarekinna
fjölmiðla] hefur mikil vinna farið
fram, fyrir liggja tillögur og við
teljum að það sé fyrst og fremst
tæknilegt úrlausnarefni að semja
frumvarp til laga á grundvelli
þeirra tillagna. Við treystum vel
þeim lögfræðingum, sem nefndir
eru í bréfi menntamálaráðherra, til
að vinna það verk. Við leggjum því
til að þeim verði falið að semja
frumvarp á grundvelli tillagna fjöl-
miðlanefndar sem verði kynnt og
rætt í þingflokkunum áður en það
er lagt fram á Alþingi. Fulltrúar
stjórnarandstöðunnar í fjölmiðla-
nefndinni sem vann fyrrnefndar til-
lögur eru svo að sjálfsögðu hvenær
sem er tilbúnir til að hitta lögfræð-
ingana og fara yfir einstök mál með
þeim ef þeir svo kjósa,“ segir enn-
fremur í bréfi þingflokksformanna
stjórnarandstöðunnar.
Allir flokkar komi að
smíði frumvarpsins
Menntamálaráðherra segist
ítreka einlægan vilja sinn til þess
að reyna að vinna úr þeirri sátt
sem náðist á grundvelli fjölmiðla-
skýrslunnar sl. vor. Á þeirri for-
sendu hafi stjórnarandstaðan verið
beðin um að tilnefna fulltrúa í
nefndina. Páll Hreinsson, forseti
lagadeildar Háskóla Íslands, verður
formaður nefndarinnar, en Páll
Þórhallsson lögfræðingur verður
varaformaður, samkvæmt tillögu
ráðherra.
„Ég tel mikilvægt að allir flokkar
komi að frumvarpssmíðinni og
skorist ekki undan þeirri ábyrgð.“
Hún segir að það sé ákveðinn mis-
skilningur hjá stjórnarandstöðunni
að segja að það sé einungis tækni-
legt úrlausnarefni að semja frum-
varpið. Úrlausnarefnið sé mikil-
vægt, þegar um svo stóran lagabálk
sé að ræða.
Hún segir ennfremur að lög-
mennirnir, sem skipaðir hafi verið í
nefndina, muni þrátt fyrir þetta
hefja störf, og reyna að vera í sam-
starfi við stjórnarandstöðuna. Það
sé þó undarlegt að stjórnarandstað-
an vilji ekki taka formlega ábyrgð.
Þingflokkar stjórnarandstöðunnar
Ætla ekki að til-
nefna fulltrúa í
fjölmiðlanefnd
Vilja heildstæða umfjöllun um
einkarekna fjölmiðla og RÚV
GUÐMUNDUR Magnússon, sem
situr í aðalstjórn Öryrkjabandalags-
ins, segir uppsögn Arnþórs Helga-
sonar úr starfi framkvæmdastjóra
bandalagsins í gær hafa komið sér á
óvart. „Ég tel að þetta sé eitthvað
sem þurfi virkilega að skoða,“ segir
Guðmundur sem kveðst leiður yfir
því að til uppsagnarinnar hafi komið.
„Ég hefði kosið að þetta hefði
fengið lengri aðdraganda og meiri
umræðu.“ Guðmundur kveðst ekki
hafa rætt uppsögnina við aðra
stjórnarmenn, en segist gera ráð
fyrir að rætt verði um mál Arnþórs
og aðrar þær skipulagsbreytingar
sem framkvæmdastjórn ÖBÍ hyggst
gera, á fundi aðalstjórnar bandalags-
ins sem boðaður hefur verið á morg-
un.
Veit ekki um ágreining
innan aðalstjórnar
Sigursteinn Másson, formaður
ÖBÍ, segir mál Arnþórs áreiðanlega
verða tekið fyrir á stjórnarfundinum
á morgun. „Fundurinn var hins veg-
ar ekki boðaður út af þessu. Hann er
löngu ákveðinn, en þetta er hefð-
bundinn aðalstjórnarfundur,“ segir
Sigursteinn sem býst við að málið
verði rætt undir liðnum önnur mál.
Sér sé ekki kunnugt um ágreining
vegna þess innan aðalstjórnarinnar,
en þar sitja fulltrúar þeirra 30 félaga
sem eiga aðild að ÖBÍ. Fram-
kvæmdastjórn bandalagsins tók þá
ákvörðun að segja Arnþóri upp
störfum á fundi sínum á fimmtudag,
en honum var tilkynnt um hana í
gær.
Sigursteinn segir að mjög stór mál
verði til umræðu á fundi aðalstjórnar
á morgun, en þar verði líka rætt um
þær skipulagsbreytingar sem liggi
til grundvallar uppsagnar Arnþórs.
Hann segir að senn verði ráðinn
nýr maður í starf framkvæmda-
stjóra. „Það verður gengið frá þeirri
ráðningu fyrir helgi,“ segir Sigur-
steinn.
Ráðlagt að leita
aðstoðar lögfræðings
Arnþór Helgason, fyrrum fram-
kvæmdastjóri ÖBÍ, segir lögfræðing
bandalagsins hafa ráðlagt sér, þegar
til uppsagnar kom, að ráðfæra sig við
lögfræðing vegna gerðar starfsloka-
samnings. Kveðst hann hafa gert
það. Hann vilji ekkert segja um upp-
sögnina að öðru leyti því en hann sé
ákaflega dapur yfir þessu máli.
Uppsögn framkvæmdastjóra Öryrkjabandalagsins
Starfslok rædd á fundi
stjórnarinnar á morgun
Eftir Elvu Björk Sverrisdóttur
elva@mbl.is