Morgunblaðið - 11.01.2006, Blaðsíða 39

MORGUNBLAÐIÐ MIÐVIKUDAGUR 11. JANÚAR 2006 39
DAGBÓK
Félagsstarf
Aflagrandi 40 | Leikfimin hefst í
dag kl. 9, allir með. Þorrablót 20.
janúar kl. 18. Hlaðborð, söngur,
gleði og dans. Verð kr. 3000,
skráning er hafin í síma 411 2700,
allir velkomnir.
Árskógar 4 | Bað kl. 8–16. Handa-
vinna kl. 9–16.30. Smíði/útskurður
kl. 9–16.30. Heilsugæsla kl. 9.30–
11.30. Spil kl. 13.30. Keila kl. 13.30.
Bólstaðarhlíð 43 | Almenn handa-
vinna, hárgreiðsla, böðun, glerlist,
spiladagur, fótaaðgerð.
Dalbraut 18–20 | Félagsstarfið er
öllum opið. Fastir liðir eins og
venjulega. Skráning á postulíns-
námskeið stendur yfir. Þorrablótið
verður 3. febrúar. Notendaráðs-
fundur kl. 10–17. jan. Síminn hjá
okkur er 588 9533. Handa-
vinnustofa Dalbrautar 21–27 er op-
in alla virka daga milli kl. 8 og 16.
FEBÁ, Álftanesi | Ferð á Þjóð-
minjasafnið kl. 13–16, sjá nánar í
dagskrá Grétu. Akstur annast Auð-
ur og Lindi, sími 565 0952.
Félag eldri borgara í Kópavogi |
Skrifstofan er opin frá kl.10 til
11.30. Félagsvist spiluð í dag kl. 13 í
Gjábakka.
Félag eldri borgara, Reykjavík |
Söngvaka kl. 14.30, undirleik ann-
ast Sigurður Jónsson. Söngfélag
FEB, kóræfing kl. 17.
Félag eldri borgara, Reykjavík |
Fundur hjá ITC-deildinni Melkorku
miðvikudag kl. 20 að Stangarhyl 4.
Allir velkomnir.
Félagsheimilið Gjábakki | Kl. 9.30
boccía, kl. 10 handavinna, kl. 13 fé-
lagsvist, kl. 15.15 söngur, kl. 17
bobb. Skráning á þorrablótið 21.
jan. stendur nú yfir.
Félagsstarf aldraðra, Garðabæ |
Munið kynningarfund félagsstarfs-
ins fimmtudaginn 12. janúar kl. 14 í
Kirkjuhvoli og skráningu í nám-
skeið.
Félagsstarf aldraðra, Garðabæ |
Bútasaumshópur í Kirkjuhvoli kl.
13. Kvennaleikfimi kl. 9.15, 10.05 og
11 í Kirkjuhvoli. Opið í Garðabergi
kl. 12.30–16.30. Spilað bridge í
Garðabergi eftir hádegi.
Félagsstarf Gerðubergs | Kl. 8.45
sund- og leikfimiæfingar í Breið-
holtslaug. Umsj. Brynjólfur Björns-
son. Kl. 9–16.30 vinnustofur opnar,
m.a. almenn handavinna. Kl. 10.30
gamlir leikir og dansar. Frá hádegi
spilsalur opinn. Kl. 14.30 kóræfing.
Veitingar í hádegi og kaffitíma í
Kaffi Berg. Uppl. á staðnum og í
síma 575 7720.
Furugerði 1, félagsstarf | Í dag kl.
9 aðstoð við böðun, bókband. Kl.
13 leikfimi og kl. 14, sagan. Kaffi-
veitingar kl. 15. Allir velkomnir.
Hraunbær 105 | Kl. 9 útskurður,
postulínsmálun, kaffi, spjall, dag-
blöðin. Fótaaðgerð. Kl. 11 banki. Kl.
12 hádegismatur. Kl. 13 brids. Kl. 15
kaffi.
Hraunsel | Moggi, rabb og kaffi kl.
9. Línudans kl. 11. Saumar kl. 13.
Pílukast kl. 13.30.
Hvassaleiti 56–58 | Opin vinnu-
stofa hjá Sigrúnu kl. 9–16, mósaik,
ullarþæfing og íkonagerð. Jóga kl.
9–12. Samverustund kl. 10.30, lest-
ur og spjall. Böðun fyrir hádegi.
Fótaaðgerðir 588 2320. Hársnyrt-
ing 517 3005.
Hæðargarður 31 | Fastir liðir eins
og venjulega. Tölvunámskeið kl. 13
á laugardag. Skráning í framsagn-
arhóp stendur yfir. Skráning í ljóða-
og hagyrðingahóp. Söngur alla
fimmtudaga kl. 13.30. Leiðbeinandi
Hjördís Geirs. Allir alltaf hjart-
anlega velkomnir! Síminn hjá okkur
er 568 3132. Bókmenntaklúbbur kl.
20 18. jan.
Korpúlfar Grafarvogi | Pútt á
Korpúlfsstöðum á fimmtud., kl. 10.
Maður lifandi | Hláturjógaæfingar
Hláturkætiklúbbsins eru á mið-
vikudögum í heilsumiðstöðinni
Maður lifandi, Borgartúni 24, kl.
17.30–18. Allir velkomnir. Aðgangs-
eyrir 300 kr.
Norðurbrún 1, | Kl. 9–16.30 opin
vinnustofa, smíði, kl. 14 félagsvist,
kaffi, verðlaun.
Skaftfellingabúð | Félagsvist verð-
ur haldin í kvöld í Skaftfellingabúð
að Laugavegi 178 kl. 20.15. Kaffi-
veitingar í hléi.
Vesturgata 7 | Kl. 9–16 hárgreiðsla
og fótaaðgerðir. Kl. 9.15–16 mynd-
mennt. Kl. 10–12 sund (Hrafn-
istulaug). Kl. 11.45–12.45 hádeg-
isverður. Kl. 12.15–14 verslunarferð
í Bónus, Holtagörðum. Kl. 13–14
Spurt og spjallað. Kl. 13–16 tré-
skurður. Kl. 14.30–15.45 kaffiveit-
ingar.
Vitatorg, félagsmiðstöð | Smiðja
kl. 9, handmennt almenn kl. 9.30–
16.30, morgunstund kl. 10, bókband
kl. 10, verslunarferð í Bónus kl.
12.30.
Kirkjustarf
Akureyrarkirkja | Mömmumorgunn
kl. 9.30–11.30. Allir foreldrar vel-
komnir með börn sín.
Árbæjarkirkja | Kyrrðarstund í há-
deginu frá kl. 12–12.30. Súpa og
brauðmeti á eftir í safnaðarheim-
ilinu gegn vægu gjaldi.
Áskirkja | Hreyfing og bæn í safn-
aðarheimili II milli kl. 11 og 12 í dag.
Bessastaðasókn | Dagur kirkjunnar
í Haukshúsum. Foreldramorgnar
eru frá kl. 10–12. Opið hús eldri
borgara er frá kl. 13–16, farið verð-
ur á Þjóðminjasafn Íslands þar sem
sýningin Huldukonur í íslenskri
myndlist verður skoðuð sér-
staklega. Kaffi á Kaffitár í lok
heimsóknar.
Breiðholtskirkja | Kyrrðarstund kl.
12. Tónlist, hugleiðing, fyrirbænir.
Léttur málsverður í safnaðarheimili
eftir stundina. Kirkjuprakkarar 7–9
ára kl. 16. TTT 10–12 ára kl. 17.
Æskulýðsfélag KFUM&K og kirkj-
unnar kl. 20.
Bústaðakirkja | Starf aldraðra í
Bústaðakirkju. Samverur okkar eru
á miðvikudögum frá kl. 13. Við spil-
um, föndrum og erum með handa-
vinnu. Um klukkan 15 er kaffi og þá
kemur alltaf einhver gestur með
fróðleik eða skemmtiefni. Gestur
okkar í dag er Kristján Már Unn-
arsson, fréttamaður. Nánari uppl
www.kirkja.is
Digraneskirkja | Alfa kl. 20. Alfa
námskeiðið kynnt. www.digra-
neskirkja.is
Garðatorg | Foreldramorgnar
hvern miðvikudag kl. 10 til 12.30.
Fyrirlestur mánaðarlega, auglýstir
sérstaklega. Gott tækifæri fyrir
mömmur og börn að hittast og
kynnast Allir velkomnir, pabbar og
mömmur, afar og ömmur. Alltaf
heitt á könnunni.
Grafarvogskirkja | Helgistund í há-
degi kl. 12. Altarisganga og fyr-
irbænir. Boðið er upp á léttan há-
degisverð á vægu verði að lokinni
stundinni. Prestar safnaðarins
þjóna fyrir altari, orgelleikari Hörð-
ur Bragason. Allir velkomnir.
K.F.U.M. fyrir drengi 9–12 ára, í
Grafarvogskirkju kl. 17.30–18.30.
Hallgrímskirkja | Morgunmessa
alla miðvikudagsmorgna kl. 8 ár-
degis. Íhugun, altarisganga. Einfald-
ur morgunverður í safnaðarsal eftir
messuna.
Háteigskirkja | Kyrrðarstund í há-
degi þar sem við íhugum Guðs orð
og notum bænabandið. Boðið upp
á léttan hádegisverð á eftir. Allir
velkomnir.
Hjallakirkja | Fjölskyldumorgnar í
Hjallakirkju kl. 10–12. Tíu til tólf ára
starf er kl. 16.30–17.30.
Hjálpræðisherinn á Akureyri |
Miðvikudaginn 11. jan. kl. 12 bæn.
Föstudaginn 13. jan. kl. 10–18, fata-
markaðurinn opnar aftur.
Hvítasunnukirkjan Fíladelfía |
Bænastund kl. 12–13, allir velkomn-
ir.
Kristniboðssalurinn | Samkoma í
Kristniboðssalnum, Háaleitisbraut
58–60, miðvikudaginn 11. jan. kl.
20. „Ég vil segja frá“. Ragnar
Snær Karlsson talar. Arna Ingólfs-
dóttir hefur vitnisburð. Kaffi. Allir
velkomnir.
Laugarneskirkja | Kl. 10 Mömmu-
morgunn. Kl. 10.30 Gönguhópurinn
Sólarmegin. Kl. 14.10–15.30 Kirkju-
prakkarar halda fyrsta fund á nýju
ári. (1.–4. bekkur) Kl. 16.15 T.T.T.
(5.–7. bekkur). Kl. 20 Kvenfélög
Langholts-, Ás- og Laugarnessafn-
aðar koma saman í safnaðarheimili
Laugarneskirkju.
Neskirkja | Fyrirbænamessa kl.
12.15. Prestur er sr. Sigurður Árni
Þórðarson.
Staðurogstund
http://www.mbl.is/sos
Veggjald innheimt með álagi
Spölur ehf., sem á og rekur Hvalfjarðargöng, innheimtir veggjald með 3.000 króna álagi
hjá þeim sem aka um áskriftarhlið við gjaldskýlið norðan fjarðar án þess að hafa gildan
viðskiptasamning við Spöl. Þetta var ákveðið á stjórnarfundi félagsins 9. desember 2005
og gildir frá og með 1. janúar 2006.
Nokkur brögð eru að því að ökumenn fari um gjaldhliðið á merktum akreinum áskrifenda
án þess að hafa veglykil í bílum sínum og tilheyrandi samning um ferðir.
Sömuleiðis eru brögð að því að veglyklar séu lausir í bílum og menn flytji þá jafnvel með
sér milli bíla. Slíkt er brot á samningi enda skuldbinda áskrifendur sig þar til að festa
veglykilinn innan á framrúðu tiltekins ökutækis.
Með breytingum á eftirlitskerfi ganganna var gert mögulegt að skrá upplýsingar um bíla
sem hér um ræðir og á grundvelli þeirra upplýsinga verður nú innheimt veggjald
með álagi hjá forráðamönnum viðkomandi bíla.
Rétt er svo að vekja athygli á að ökumenn án samnings við Spöl aka gegn rauðu ljósi í
gjaldhliðinu. Þessi ljós hafa stöðu venjulegra umferðarljósa samkvæmt
reglugerð um umferðarmerki og notkun þeirra nr. 289/1995, sbr. breytingu á þeirri
reglugerð nr. 458/2001. Þeir sem brjóta af sér á þennan hátt geta því búist við að fá
fjársekt og refsipunkta í ökuferliskrá sína, auk veggjalds með innheimtuálagi.
Á heimasíðu Spalar, spolur.is, er meðal annars að finna gjaldskrá Hvalfjarðarganga og
upplýsingar um hvar unnt er að skrá sig fyrir ferðum um göngin og um réttindi og
skyldur áskrifenda. Meðal annars ber seljanda bifreiðar með veglykil að taka lykilinn úr
bílnum við eigendaskiptin eða tilkynna Speli um nýjan eiganda bíls/veglykils.
Nýr eigandi verður síðan að gera áskriftarsamning við Spöl.
HANDVERK og hönnun, Menning-
arráð Austurlands, með stuðningi
Þróunarfélags Austurlands og
Markaðsstofu Austurlands munu á
fimmtudaginn kl. 16.10 opna sýn-
inguna „Auður Austurlands“ í hús-
næði Jöklasýningarinnar á Höfn í
Hornafirði.
Á sýningunni verða fjölbreyttir
munir unnir úr hráefni sem tengist
Austurlandi þ.e. hreindýraskinni,
hreindýrshorni og beini, lerki og líp-
aríti.
Sýndir verða munir frá tuttugu og
sex aðilum. Sýnendur eru: Álfa-
steinn, Ásta Sigfúsdóttir, Dröfn
Guðmundsdóttir, Dýrfinna Torfa-
dóttir, Fjölnir Björn Hlynsson,
George Hollanders, Guðmundur
Magnússon, Guðmundur Sigurðs-
son, Guðný Hafsteinsdóttir, Guðrún
Steingrímsdóttir, Hólmfríður
Ófeigsdóttir, Jórunn Dóra Sig-
urjónsdóttir, Kristbjörg Guðmunds-
dóttir, Lára Gunnarsdóttir, List-
iðjan Eik, Ólavía Sigmarsdóttir, Páll
Kristjánsson, Philippe Ricart, Reyn-
ir Sveinsson, Rita Freyja Bach,
Signý Ormarsdóttir, Sigurður Már
Helgason, Úlfar Sveinbjörnsson,
Þórey S. Jónsdóttir, Þórhallur Árna-
son og Þórólfur Antonsson.
Opið verður föstudag, laugardag
og sunnudag kl. 14.00 til 17.00. Að-
eins verður opið þessa einu helgi.
Sýningin var áður sett upp í
tengslum við Daga myrkurs á Egils-
stöðum í nóvember sl. Gert er ráð
fyrir að sýningin verði sett upp á
fleiri stöðum á landinu á næstu mán-
uðum. Aðgangur er ókeypis.
Auður Austurlands á Höfn
Nálhús eftir Ritu Freyju Bach.
ÞJÓÐLEIKHÚSIÐ stendur fyrir námskeiði fyrir al-
menning í tengslum við sýningu leikhússins á Pétri
Gaut eftir Henrik Ibsen í leikstjórn Baltasars Kor-
máks. Pétur Gautur verður vígslusýning Kassans, sem
er nýtt leiksvið í Þjóðleikhúsinu. Námskeiðið hefst 7.
febrúar.
Pétur Gautur er eitt af meistaraverkum Henriks Ib-
sens, ljóðleikur sem aflaði skáldinu heimsfrægðar.
Verkið kom fyrst út á bók árið 1867 en tæpum áratug
síðar var það frumflutt og það hefur reglulega verið
sett upp í frægum uppsetningum í helstu leikhúsum
heims síðan þá.
Á námskeiðinu verður lögð áhersla á að opna þátt-
takendum heim leikhússins og veita þeim innsýn í að-
ferðir þess. Þátttakendum er boðið í heimsókn á æf-
ingu á Pétri Gaut og þeir kynnast innviðum
Þjóðleikhússins og starfinu í húsinu. Fjallað verður um
leikritið Pétur Gaut og þátttakendur fá til lestrar nýja
þýðingu Karls Ágúst Úlfssonar á verkinu. Þeir sjá sýn-
inguna svo fullbúna og námskeiðinu lýkur með um-
ræðum um verkið og sýninguna með þátttöku leik-
stjóra, listrænna aðstandenda og leikara í sýningunni.
Námskeiðið verður haldið þrjú þriðjudagskvöld á tíma-
bilinu frá 7. febrúar til 7. mars, auk sýningarinnar.
Þátttakendur geta valið á milli tveggja sýningarkvölda
undir lok febrúar.
Leikstjóri sýningarinnar verður Baltasar Kormákur
og í titilhlutverkinu verður Björn Hlynur Haraldsson
sem þreytir nú frumraun sína í Þjóðleikhúsinu. Í þess-
ari nýju sýningu verður sjónum beint að Pétri Gaut í
nútímanum.
Umsjón með námskeiðinu hafa Melkorka Tekla
Ólafsdóttir, leiklistarráðunautur Þjóðleikhússins, og
Ingibjörg Þórisdóttir, verkefnastjóri fræðsludeildar.
Námskeið um Pétur Gaut
Baltasar Kormákur og Björn Hlynur Haraldsson.
Skráning og nánari upplýsingarhjá fræðsludeild Þjóð-
leikhússins í síma 585 1267, fraedsla@leikhusid.is.