Morgunblaðið - 11.01.2006, Blaðsíða 15

MORGUNBLAÐIÐ MIÐVIKUDAGUR 11. JANÚAR 2006 15
ERLENT
London. AFP. | Tony Blair, forsætis-
ráðherra Bretlands, blés í gær nýju
lífi í baráttu sína gegn andfélags-
legri hegðan en þá kynnti hann
ýmsar aðgerðir, sem eiga að stuðla
að auknum
þegnskap og virðingu í samfélag-
inu. Er þetta eitt af helstu baráttu-
málum hans á þriðja kjörtíma-
bilinu.
Með tillögunum segist Blair vera
að segja hvers konar skrílslátum og
háreysti stríð á hendur og þær gera
ráð fyrir, að hægt verði að reka
burt í þrjá mánuði vandræðafólk og
vandræðafjölskyldur, sem eru eilíf-
lega til óþæginda og ama fyrir ná-
grannana. Þá verður einnig heimilt
að svipta þetta fólk öllum velferð-
arbótum.
„Andfélagsleg hegðan, jafnt
ungra sem aldinna, veldur upp-
lausn og ómældum skaða í viðkom-
andi samfélagi,“ sagði Blair þegar
hann kynnti áætlun sína á blaða-
mannafundi í London.
Fullri hörku beitt
„Við munum beita fullri hörku í
þessum málum til að hinn stóri
meirihluti löghlýðins og heiðarlegs
fólks þurfi ekki að líða fyrir fram-
komu fárra einstaklinga og fjöl-
skyldna, sem halda, að ekkert tillit
þurfi að taka til annarra,“ sagði
Blair og nefndi sem dæmi það fólk,
sem með framferði sínu gerði lífið í
„verst stöddu hverfunum“ enn erf-
iðara en ella. „Verst stöddu hverf-
in“ er stofnanamál fyrir fátækra-
hverfin.
Samkvæmt tillögunum verður
hægt að neyða vandræðafjöl-
skyldur til að sækja endurhæfing-
arnámskeið og yfirvöld á hverjum
stað geta jafnvel neytt þær til að
búa á ákveðnum stöðum, sér-
staklega ætluðum vandræðafólki.
Ábyrgð foreldra á skólagöngu
barnanna verður aukin og hart tek-
ið á þeim, sem ekki standa sig í því.
Öllum verður á
Blair segir, að baráttan fyrir
aukinni virðingu í samfélaginu sé
hans hjartans mál á þriðja kjör-
tímabilinu en ráðunautur hans í
þessum efnum og skipuleggjandi er
Louise Casey. Hún mátti þó biðjast
afsökunar á síðasta ári á heldur
óheppilegri ræðu, sem hún flutti að
loknum dýrindismálsverði. Þá bar
hún beinlínis lof á drykkjuskap,
hótaði að rota embættismennina í
Downing-stræti 10 og lýsti því hve
gaman væri að verða ofurölvi.
Blair boðar herferð gegn
andfélagslegri hegðan
Reuters
Tony Blair, forsætisráðherra Bretlands, að þrífa veggjakrot í Swindon í Suður-Englandi. Þar var hann til að
kynna áætlun sína um aukinn þegnskap og virðingu í samfélaginu.
Vandræðafjöl-
skyldur jafnvel
reknar út úr húsi
Kíev. AP, AFP. | Þing Úkraínu sam-
þykkti í gær að víkja stjórn landsins
frá vegna samnings sem gerður var
við Rússa 4. janúar og kveður á um
að Úkraínumenn greiði tvöfalt hærra
verð fyrir jarðgas frá Rússlandi en
þeir höfðu gert. Viktor Jústsjenko,
forseti Úkraínu, sagði að samkvæmt
stjórnarskránni hefði þingið ekki
vald til að reka stjórnina.
250 af 450 þingmönnum greiddu
atkvæði með ályktun um að stjórn-
inni yrði vikið frá. 50 þingmenn
greiddu atkvæði á móti og tveir sátu
hjá. Þingið skipaði þó stjórninni að
sitja áfram þar til ný ríkisstjórn yrði
mynduð.
Deilt um vald þingsins
Júrí Jekhanúrov forsætisráðherra
sagði að ályktun þingsins væri ekki
bindandi og stjórn hans myndi starfa
áfram þar til nýtt þing, sem kosið
verður í mars, skipar nýja ríkis-
stjórn.
Samkvæmt nýlegri stjórnarskrár-
breytingu, sem jók völd þingsins
verulega, hefur það vald til að skipa
ríkisstjórn.
Stjórnmálamenn og lögspekinga í
Úkraínu greinir á um lagalegt gildi
ályktunarinnar. Nokkrir sérfræðing-
ar sögðu að þingið gæti aðeins rekið
tiltekna ráðherra, ekki alla stjórnina.
Aðrir sögðu að þingið hefði fullt vald
til að víkja stjórninni frá.
Einn af þingmönnum stjórnarand-
stöðunnar, jafnaðarmaðurinn Nestor
Shufrych, viðurkenndi að ályktunin
hefði ekki lagalegt gildi. „Við vitum
að við getum ekki rekið stjórnina, við
erum vel að okkur í stjórnar-
skránni,“ sagði hann. „Við sviptum
stjórnina tækifæri til að taka ákvarð-
anir.“
Stjórnarandstæðingar á þinginu
höfðu kvartað yfir því að gasverðið
væri of hátt fyrir úkraínsk fyrirtæki.
Jekhanúrov forsætisráðherra
varði samninginn við Rússa fyrir at-
kvæðagreiðsluna og sagði hann
nauðsynlega „málamiðlunarlausn“
til að afstýra gasskorti í landinu.
Hann hét því að samningurinn leiddi
ekki til hærra gasverðs fyrir neyt-
endur á næstunni.
Tveir fyrrverandi forsætisráð-
herrar og pólitískir andstæðingar,
Júlía Tymoshenko og Viktor Janúko-
vítsj, voru á meðal þeirra sem gagn-
rýndu samninginn á þingfundinum í
gær.
Þing Úkraínu
samþykkir að
víkja stjórninni frá
Gagnrýnir ákaft samning
við Rússa um hærra gasverð
París. AFP. | Tvær milljónir barna í
Frakklandi lifa undir fátæktarmörk-
um og eru stjórnvöld sökuð um að
hafa vanmetið fjölda þeirra mjög
gróflega.
Í skýrslu frá Samtökum evr-
ópskra fjölskyldna, UFE, sem
24.000 fjölskyldur eiga aðild að, seg-
ir, að fátæk börn í Frakklandi séu
helmingi fleiri en talið hefur verið.
Er ástæðan sögð vera sú, að franska
stjórnin hefur í mati sínu á fátækt
miðað við 50% af meðaltekjum en í
öðrum Evrópusambandslöndum og
hjá OECD, Efnahagssamvinnu-
stofnuninni, er miðað við 60%.
Fátæku börnin
helmingi fleiri